新出两大茶餐厅风味零食 柠茶薯片、菠萝油曲奇 边样食得过?
2017-10-24

成日都要帮零食柜添置零食嘅朋友仔,最近新出咗两款几特别嘅零食呀,都系茶餐厅风味系列嚟,一样系曲奇,一样系薯片,听落好似好得意咁,食唔食得过?即刻同大家试真啲!

茶餐厅风味曲奇   龙岛美食店

先讲曲奇,连个包装都好茶餐厅,系旧阵时嗰啲绿白格仔阶砖样,几靓呀。Total有六款味:菠萝油、红豆冰、冻柠茶、姜柠乐、鲜虾云吞同豉椒。就咁睇名,真系会觉得呢几只味,同曲奇大缆都扯唔埋。

拆开望埋曲奇个样,除咗红豆冰同菠萝油可以即刻spot out到之外,其余4款都比较难以貌取饼。

(左)柠茶、(右)姜柠乐

不过,一食落去,就即刻分得到喇。每只味都好鲜明,柠茶同柠乐嘅柠檬味都几香,姜柠乐嗰个偏甜少少但几好食,可以试下整杯真‧柠茶同真‧柠乐边饮边食喎。

(左)红豆冰、(右)菠萝油

豉椒

红豆冰、菠萝油、豉椒都恰如其分,特别菠萝油,由个look到味道都跟得几足;豉椒好香口但又唔会话太咸。

鲜虾云吞

最有惊喜就系鲜虾云吞,未食之前完全想像唔到会系咩味,尤其呢块个样,同云吞一样,都真系平平无奇,但食落就会「叮」一声,又真系几似喎,有虾味㗎,脆脆地嘅口感几过瘾,系会想encore多几块嘅。

冻柠茶薯片  珍珍

由细食到大嘅珍珍,最近破格创新,推出冻柠茶味!脆卜卜嘅冻柠茶会系点嘅呢?好紧张!一打开包装,即刻成阵柠茶味涌出嚟,玩blind test嘅话未食都会估啱。不过食落去,又冇闻嗰阵咁突出喎。

首先系会食到甜得嚟又有啲涩嘅柠檬同茶味,完全唔似食紧薯片咁。但一路咬碎到最後几啖呢,啲薯片味终於飘返出嚟喇,仲隐隐带住一丝丝嘅凉气,好似薄荷或者冰极柠茶嗰只feel。而呢只薄荷味,仲会喺个口度逗留一段时间先至散去……

嗯,食完一块,仲有好大包呀妈!呜!
不过我相信,应该会搵到好多不怕死勇士一齐嚟挑机嘅,系咪呀哈姆太郎?


文、相:Kar


关键字
零食
曲奇
薯片
茶餐厅
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
5天前
【2021生日优惠】持续更新!8月寿星免费叹麻辣串串锅
1天前
【恭喜张家朗、何诗蓓】多间餐厅立即推出限时优惠一览
7天前
投奔盛夏 7-8月份下午茶推介
2021-07-08
6月份好评餐厅十强
2021-07-06