摩登点心怀旧风新店 得意造型点心+扭蛋机抽优惠!(有片)
2020-01-24

近年香港有唔少新派点心店,令「一盅两件」完全飞甩老土形象。好似呢间摩登中菜馆最近唔单止开新分店,仲新加唔少可爱造型点心。新店仲有巨型扭蛋机同怀旧扭卡机,畀大家扭出得意精品同优惠!
 


唐宫小聚香港第四间分店坐落沙田新城市广场,门口有巨型扭蛋机,开张头一个月消费满$400就可以玩一次扭蛋,里面会有辛苦小猪杯缘子、得意小猪杯盖、乳鸽锁匙扣,或黑金流沙杯缘子,得意之余下次消费出示返就可以免费换领指定点心或菜式^! 
 


而扭卡机就唔需要任何消费,亲身去就有机会扭出$50元现金券或者全单8折优惠优惠劵*!另外仲有其他卡就系怀旧设计嘅乳鸽小知识。
 


白玉王鸽(堂食优惠价$38/只,外卖$49/只)

沙田乳鸽相当出名,餐厅之前特别搵嚟入行三十年嘅乳鸽专家,改良传统配方,加上选用适龄乳鸽,炸至皮脆肉嫩。鸽肉口感嫩滑,肉汁香浓。
 


可爱企鹅($49/3件)

新出点心之一,粉红色嘅企鹅其实系用墨汁同红菜头上色嘅虾饺,墨鱼汁同红菜头汁味道其实唔系好明显,胜在令弹牙足料嘅虾饺增添一份可爱。
 


流心烧卖($49/3件)

睇落同一般烧卖无咩分别,其实里面系半熟鹌鹑蛋!所以咬开有少少流心效果,亦令烧卖更香口。
 



黑金流沙($49/3件)

讲到流心就唔可以唔提店家嘅招牌之一:竹炭流沙奶黄包!竹炭粉制作嘅黑色包再扫上可食用金粉,一搣开就系热辣辣嘅流沙奶黄馅。
 


鹅肝雪条($49/2件)

迷你雪条里面系用咗鹅肝制作嘅慕斯,外面就裹上一层开心果,所以食落系内软外脆,既有鹅肝嘅醇香同开心果嘅咸香。
 

更多【新店直击】:
1. 鹿儿岛直送和牛!必试吉列和牛三文治 尖沙咀新日式烧肉店
2. 电竞女神RoseMa开女仆café 亲自驻场 施魔法蛋包饭
3. 台湾富豪饭堂名厨主理!山顶新开面食专门店 必试清炖鸡汤面

 

煎辣小笼($39/3件)

用煎Pan奉上嘅系煎至金黄脆底嘅小笼包,特别之处在於咬开就会爆出餐厅特别调制嘅麻辣汁!加上肉汁嘅鲜味,刺激又好味。
 



火焰菠萝($119)

好啱相机食先嘅火焰菠萝,顾名思义用原个菠萝上枱,店员会即席点火令菠萝闻起嚟更香甜!里面系香腍入味嘅红咖喱炆牛肋条。
 


得意小猪($39/件)

可爱立体嘅粉红色猪仔其实系椰奶风味嘅奶冻,够晒弹所以用个羮轻轻一拍就有「冻L」效果,小朋友一定锺意!配搭黑白淡奶一齐食,甜而不腻。
 



新店当中有店中店!呢期就以冬天唔少得嘅腊味做主题,自家品牌独家秘方腌制,选用广西黑毛猪生晒,有腊肠、润肠、腊肉、鸭髀(各$98/份),买腊味四宝礼盒仲包埋一罐东北石板米呀。
 



嚟自新加坡嘅曲奇礼盒,有娘惹椰糖、麻辣、班兰椰子,同麦片虾共四款口味(各$88/罐)。
 





唐宫小聚
地址:沙田沙田正街18号新城市广场第三期3楼A333号舖

^信物换领优惠使用条款及细则:
1. 只适用於沙田新城市广场分店使用
2. 凡下次消费向店员出示信物即可获得指定菜式一客
3. 扭蛋机可使用期间为2020年1月18日至2020年2月18日
4. 优惠只供堂食使用,不设外带
5. 优惠不可兑换现金及不设找续
6. 优惠不得与其它优惠同时并用
7. 每枱次消费只可凭一个信物换领一次指定菜式
8. 信物换领优惠於2020年2月29日前可无限次使用
9. 优惠只限於指定的产品内容,唐宫集团保有调整活动办法及优惠内容之权利

*优惠券卡使用条款及细则:
1. 只适用於沙田新城市广场分店使用
2. 凡下次消费满$250可使用一张
3. 结帐前请出示优惠劵(影印本无效)
4. 优惠只供堂食使用,不设外带
5. 优惠不可兑换现金及不设找续
6. 优惠不得与其它优惠同时并用
7. 每枱次消费只可使用一张优惠劵
8. 优惠只限使用一次
9. 优惠限购买优惠劵上之产品内容,唐宫集团保有调整活动办法及优惠内容之权利




文、相、片:Cathy

关键字
沙田
点心
乳鸽
得意小猪
唐宫小聚
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
3天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
4天前
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12