我只想身体健康!Bookmark 5间有营餐厅
2020-01-31

好味嘅嘢多数都唔健康?健康嘅嘢多数都唔好食?咁又未必!喺而家呢段非常时期,身体健康最为重要,每餐饮食都要讲求均衡营养同埋健康,咁先可以抵抗病菌!前两日同大家介绍过几间以健康为主题嘅餐厅,今日再同大家介绍多5间,注重营养饮食嘅餐厅!其中有间,仲会免费请医护人员食嘢添!

健康日式料理   坐忘

 图:beefball0805paradight

以日式咖喱为主打嘅呢间小店,老板系非常注重健康嘅日本人,以「健康比味道重要」嘅信念,创作各款无添加无味精、多菜少油嘅菜式,每道都有相当多嘅新鲜蔬菜。其中最多嗰碟「一日野菜烧汁定食」,就有近二十种菜啦~ 包括莲藕、脆肉瓜、茄子等等。而最受欢迎嘅猪软骨野菜咖喱饭亦有萝卜、翠肉瓜等7种蔬菜。咖喱汁以磨成蓉嘅蔬菜煮成,饭则用珍珠米、蕃着、粟米等煲成,成碟都咁健康!

营养师监定    健康味

 图:cyn_foodiesohappy_hkg

位於观塘嘅呢间餐厅,全店嘅菜单都经由营养师检查过,确保少盐少油少糖仲有低卡路里,够晒健康。每款菜式都可选配糙米饭,仲有6-7种蔬果。其中,野米比白米有多3倍嘅纤维、1.5倍嘅蛋白质,热量亦较少,喺呢个更需要营养、增强抵抗力嘅时候,食返份紫薯野米卷、杂锦海带沙律伴荞麦面 等就啱晒啦~ 不过佢哋只做午巿,观塘嘅打工一族就最就脚~

健身低卡    Youni

 图:cookiewanwanglorialau2

要食得健康,低卡低脂都好重要,呢间餐厅开喺健身中心内,餐单主力为健康人士而设,当然健康。菜肉、碳水化合物等各营养比例均匀,餐牌上仲写明每样菜式嘅卡路里,食几多可以自己计住数。推介去反海南鸡胸肉荞麦面,鸡肉去皮走脂,鸡胸软腍,加少少黑椒会更香口。健康饮食,都唔一定寡嘅。

屯门良心小店   聚福楼

 图:fishtailjailessieleelee

睇个名以为系茶楼,原来系间充满玩味嘅地区小店,样样菜名都古灵精怪,好似「真系米收埋只鸡」、「我个牛皮包喺边度」咁。讲到健康,招牌大晒健康沙律就梗系首选,又士多啤梨又蓝莓又火箭菜,仲有红醋、乳酪,清新开胃。全日早餐亦系推介之一,份量十足,仲包含咗坊间少见嘅奇异籽乳酪。

BTW,餐厅为表对医护人员嘅感谢,2月7号前所有医护人员帮衬都系免费任饮任食!

低糖茶饮   走杯

 图:KarenkytSisselLeung

茶饮一直深得港人欢心,不过大部分嘅茶饮都落好多糖好甜,呢间就唔同喇,佢哋主打低糖饮品,除咗用天然蔗糖,仲有用无添加糖—麦呀糖醇嘅配方,即使系需要控制血糖嘅朋友都啱饮。饮品超过30款,主要分为奶盖、奶茶、纯鲜乳、水果茶、沙冰同醇茶,招牌饮品走杯金钻蜜芋纯鲜乳采用原只蜜香芋头,加以芋头肉自家制嘅独家金钻芋圆,味道甘甜。葡萄成熟时纯鲜乳则以原粒黑葡萄、乌龙茶加鲜乳调配而成,啖啖鲜果香中渗出阵阵奶香同茶香。


文:Kar


关键字
健康
抗逆
营养
有营
低卡
屯门
尖沙咀
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
7天前
【2021生日优惠】持续更新!6月寿星送海鲜拼盘
2021-06-01
5月份好评餐厅十强
2021-06-04
一秒变出 招牌十八层海胆杯 佐敦小店全新体验 魔术X铁板烧
2021-06-11
京都昭和风吃茶店登陆旺角 必试自家焙煎虹吸咖啡+香港限定忌廉焦糖吉士布甸
2021-05-28