情人节去K11 MUSEA 一文睇晒浪漫餐厅
2020-02-06

喺艺术气氛下,一阵香气扑面而来,两个人紧紧拖住彼此闲逛商店,不时欣赏身边嘅艺术品, 打卡过後再系一间精致餐厅晋餐,咁嘅情人节真系简单又浪漫~而K11 MUSEA 正正就有齐咁多种梦幻元素,开饭仔当然要带大家睇吓喺呢度有咩食,预早订位就唔驶一齐慢慢等啦。

情人节自订讯息香槟    英国贵族茶叶
大家都知K11 MUSEA 集合多间过江龙+人气餐厅!除左睇下有咩食之余,不如睇下呢度有咩限定礼品啦~喺K11 MUSEA 嘅Fortnum & Mason 就帮大家系情人节准备咗香槟、朱古力同埋情人节茶,款款都贵族级典雅,另一半一定锺意~

Fortnum & Mason 有各款顶级香槟,无论你拣边支香槟都可以上面写上情深既说话 (只限英文) 表达心意。当晚香槟碰杯饮至微醮更有气氛,香槟酒樽更加可以作为纪念。

每款香槟都可以加HK$90 写上自订讯息。

你亦可以选购季节限定嘅St Valentine’s Tea情人节花茶,买返屋企两个人慢慢品茶,感受鲜嫩白茶叶、玫瑰花瓣同甜美洛神花交织出嘅甜蜜味道。

St Valentine’s Tea情人节花茶。

仲有情人节Vodka 红莓朱古力薄片,系用顶级比利时黑朱古力手工制作,浓厚朱古力再加入Fortnum’s 自家品牌嘅英国Barley Vodka,入口有粒粒乾红莓,味道好有层次。

情人节Vodka 红莓朱古力薄片。

181 at Fortnum & Mason   英国王室御用下午茶

K11 MUSEA 嘅Fortnum & Mason 足有7,000平方尺大,总共两层㗎!除咗Shopping 仲可以坐低食个高级下午茶𠻹!其实伦敦总店一直都系朝圣地,连英女皇都好锺意~呢度装潢亦沿用英式典雅风,喺度叹下午茶真系有去咗英国嘅感觉。

店家充满英式风格,仲有全海景超靓。

如果你同伴侣都锺意英式嗰种放松又优雅嘅品茶体验,入座後可以先叫一壶茶慢慢品嚐,再叫一个3层下午茶,边食边欣赏全海景景色。店家仲可以专人席前整甜品,畀伴侣一个浪漫英国风惊喜!

3层下午茶好精致,可以体验英国贵族感觉。

开饭仔嘅情人节推介又点只一间,今次仲搜罗咗多间餐厅,米芝莲、传统日本菜、打卡靓餐厅都有㗎。

TIRPSE   东京米芝莲一星

先睇呢间饱览全海景嘅东京米芝莲一星TIRPSE!店家主打法国菜,喺东京开业仅2个月就获得米芝莲一星喇。香港分店装潢就有唔少原木、绿色元素同吉祥物狼点缀,处处感受到店家对武士道精神嘅坚持。

情人节套餐会由传统法国菜必有嘅Amuse Bouche 打开序幕,用士多啤梨、Burrata Cheese同香醋唤醒你嘅味蕾。过後仲有冷、热盘前菜,陆续品嚐黑松露、龙虾、带子滋味,嚟到主菜就有日本柚子配法式鹅肝及鸭。套餐仲会食到2款甜品,分别系蓝莓、黑加仑子配樱花;同埋玫瑰、车厘子配黑朱古力。

大大片黑松露好足料。

每款菜式都好精致。

TIRPSE 情人节套餐 HK$3,888/2位

VELO   独特的意大利美馔情人节

如果想食到最正宗嘅意大利风味,就一定要去主打意大利南部菜式和海洋风味的地道菜肴嘅VELO ,会加入比较多海鲜元素㗎。而且大厨只拣最新鲜嘅时令食材,配合简单煮法呈现食材原始味道。

今次情人节套餐会食到黑松露自家制阔面条外,仲有3选1主菜分别有香煎和牛西冷牛扒伴红酒烧汁、烤焗鳕鱼柳配法国生蚝.蔬菜薯团粒伴香槟酱、香煎龙虾配意大利云吞伴砵酒鹅肝酱,每道主菜都加入意大利元素。

烤焗鳕鱼柳

香煎龙虾配意大利玲吞

套餐甜品有Tiramusu 或 自家制橘子酱班戟伴云尼拿雪糕拣外,VELO 本身就有多款自制蛋糕甜品,自问系有第二个甜品胃嘅话一定要试试喔!

甜品Tiramusu

VELO 情人节套餐 HK$788/位

KAIYO   传统日本居酒屋料理

唔少香港人都锺意食日本菜,如果你另一半都系日本菜Fans,带佢嚟KAIYO 就可以一尝传统日本居酒屋料理喇。呢度环境典雅精致,以破格烹调手法及沿用来自世界各地的顶级食材炮制新颖的佐酒小食以配搭美酒。全部食材都系每日空运到港,确保新鲜。你亦可以拣寿司吧座位,近距离欣赏寿司师傅嘅风范~

呢度嘅寿司、手卷都系师傅手握。

刺身每日新鲜运到。

情人节套餐就有龙虾蟹籽沙律同拖罗、甜虾、日本真鲷刺身打头阵,再嚟就有海胆茶碗蒸同松叶蟹脚、花竹虾、日本野菜天妇罗,款式多仲款款矜贵。而煮物则有汁煮吞拿鱼下颚,鱼肉嫩滑仲好入味,最後仲有精选寿司、鲷鱼浓汤同甜品作结尾。

KAIYO 情人节套餐 HK$888/位

Camellia    花花墙打卡餐厅

如果女朋友锺意粉色、云石或花花,情人节带佢嚟Camellia 一定哄得佢开心!呢度以粉色山茶花为主题,成间餐厅都放满9,999朵唔同色系嘅山茶花,仲有云石餐枱同粉色梳化,女仔睇见都开心呀~情人节前一定要学好影相技巧,帮女朋友影多啲靓相啦!

度度都系打卡位!

充满粉色花嘅Camellia 其实以巴黎「世界花都」为灵感,而食物就主打西日Fusion。今年情人节套餐就以新鲜水牛芝士及蕃茄配梅粉、海胆肉薏米意大利饭为头盘,2选1主菜方面则有意大利式Carta Fata 慢煮鳕鱼、香煎澳洲M9+ 和牛伴松露薯仔泡沫拣。最後仲有好衬Camellia 梦幻花世界嘅红丝绒甜品~

意大利饭洒上花瓣好浪漫。

Camellia 情人节套餐 HK$888/2位

Curator by Lex Art Cafe   艺术咖啡馆

打卡餐厅又点止一间,呢间Curator by Lex Art Cafe 就走艺术文化风,希望香港人都体验到艺术 X 饮食文化,所以店内会有KAWS、村上隆、草间弥生等艺术品。最令人深刻嘅当然系招牌打印咖啡,食客可以提供各种图片畀咖啡师印上咖啡或朱古力。仲谂紧情人节畀咩惊喜对方?你懂的。

店内展出各艺术家作品。

自选图案打印咖啡可以为对方制造惊喜。

呢度情人节午餐同晚餐都有,套餐会有顶级意大利气泡酒,边饮边欣赏身边艺术品,令等食都系一种享受呀!前菜则有经典烟燻三文鱼凯撒沙律,2选1主菜就有香煎野生捕获鲈鱼配新西兰钻石蚬肉米型粉、香煎有机鸡胸拣。甜品就系男女都啱食嘅黑加仑子慕斯白朱古力蛋糕。

Curator by Lex Art Cafe 情人节午餐、晚餐 HK$588、HK$788/两位

蜀客   同另一半望海嚐辣

两个人相爱,好多时因为大家都有共同兴趣,如果咁啱你同另一半都锺意食辣,可以试吓呢间蜀菜。主打传统蜀菜风味,辣得惹味又带少许麻,辣度有层次,亦系难得有靓景望海嘅中菜选择。

望住海食饭特别浪漫。

情人节就有3款套餐拣,全部都包括3道前菜、1道热汤、5道小菜同1款甜品,2个人食相当满足。想品嚐大众化菜式,可以拣有经典嘅夫妻肺片、香西牛肉羹、宫保虾球嘅套餐;想食啲比较地道菜式,可以选煳辣熊猫笋、乾锅手撕包菜、杂酱面等;而食材矜贵啲嘅套餐仲会有海鲜同鹅肝,例如鱼香茄子拼鲍鱼、黄汤炖花胶、怪味鹅肝等。3款套餐都各有特色,每款小菜都细心挑选过,值得一赞。

宫保虾球

蜀客情人节精选套餐由HK$1,388起

K11 MUSEA

地址:尖沙咀梳士巴利道18号

节日特集
For festival
本月热门
【随时更新】零食速报 每周新款零食、酒品点评
2天前
【特约分享】超抵外卖陪你抗疫 即睇将军澳饮食地图!
2020-03-10
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
2月份好评餐厅十强
2020-03-05
【3月生日】优惠情报!有折扣仲有生蚝送
2020-03-03