悠闲时光 9月份下午茶推介
2020-09-02

休息咗一轮,相信好多下午茶达人嘅战意都出返嚟。咁就啱喇,最近有唔少餐厅都推出咗全新嘅主题下午茶,有啲以时令生果做主题,有间甚至连露营帐篷都出动埋!不过大家出动还出动,都记住要保持社交距离,小心防疫啊。

静冈蜜瓜日式下午茶  樱田日本餐厅 

夏天系蜜瓜嘅当造期,沙田呢间酒店仲要用日本静冈蜜瓜创作出一系列嘅甜品,令到呢个日式下午茶甜上加甜。几款甜品包括有蜜瓜铜锣烧、蜜瓜果挞、蜜瓜奶冻等,前者加入蜜瓜果汁同蜂蜜制作铜锣烧,夹埋红豆,系唔同层次嘅甜啊;後两者都可以啖啖食到果肉,够满足呢,当然唔少得原汁原味咁食啦,超多汁!

咸点方面则主要系几款特色寿司同卷物,包括金箔软壳蟹卷、火炙帆立贝汉堡寿司、火炙和牛海胆寿司同黑松露玉子卷。另外会附送两杯手调制作嘅蒸馏咖啡或柚子茶。

供应日期及时间: 即日起至11月30日 ,逢星期六、日及公众假期  15:00 - 16:00
推广价:$448 (两位用),加优惠价$198享用汽酒一枝

港式点心下午茶  Holt’s Café

边个话下午茶就净系得西式同日式?尖沙咀呢间酒店就话你听,港式点心都得!全新推出嘅下午茶包有7款点心,咸甜都有,另有4款中国名茶选择。就算系传统点心都有花过心思,好似鱼子酱虾饺咁,加入鱼子酱令鲜味更清爽突出;蛋挞亦加入燕窝,增加口感。另外仲有红烧鲍鱼烧卖、黑毛猪叉烧酥同驴打滚等。

茶种方面,同样充满特色,白牡丹茶本嚟都带有阵阵花香,师傅仲要混入椰子冧酒同伏特加制作,口感甜得嚟仲好顺滑。凤凰蜜兰熟香系带有蜂蜜甜香、回甘强嘅潮州乌龙,需要加钱嘅1996年江城春尖更系极为珍贵嘅生普洱,茶叶爱好者实需一试。

供应日期及时间:即日起,每日14:30-17:30
价钱:$580(两位)

香「龙」醉意下午茶   Le 188° 餐厅及酒廊   

 图:餐厅Facebook

喺度叹下午茶,仲可以叹埋188度无敌海景!今次呢set下午茶,选用咗好多款色彩缤纷嘅食用花,赏心又悦目。部份咸甜点仲加咗酒落去制作添,好似鸭肝慕丝配牛油多士及意大利气酒啫喱同甜酒草莓芝士蛋糕咁,啖啖酒香。另外可以自选特级TWG茗茶作结,够晒chill。

供应时间:每日15:00-17:30
价钱:$488 两位(星期一至五)、$518两位(星期六、日及公假)

城市露营     Uptop Bistro and Bar   

喺闹巿都可以露营?尖沙咀有间酒店餐厅推出城巿露营主题下午茶,提供野餐盘、迷你烧烤炉同露营杯都不特止,仲特意喺天际花园搭建咗个营出嚟,就咁打张卡都型晒,打完卡仲要有得免费升级特饮呀。最正梗系有个士多啤梨朱古力火锅啦,士多啤梨泡芙、雪糕雪米糍、新鲜水果等全部都同个锅底好夹。咸点方面则有意式火腿面包棒、意大利青瓜大虾串烧、忌廉芝士蘑菇酿鸡翼等。

供应时间:每日15:00-17:00
价钱:$368两位(星期一至五)、$408两位(星期六、日及公假)

订座优惠:下午茶时段85折或4人同行一人免费

 
五行五色排毒养颜下午茶  WOOBAR

下午茶唔单止靓,仲可以帮大家养生!九龙站附近呢间酒店就推出以「五行五色」为主题嘅排毒养颜下午茶,利用对应五脏「肝、心、脾、肺、肾」嘅「青、红、黄、白、黑」五色食材,色彩缤纷又健康。好似姜黄鹰嘴豆泥配芝麻烤栗米伴面包棒、牛油果大虾栗米饼配紫苏叶柑橘酱等。连甜品都运用唔同颜色嘅水果糅合Superfood,例如椰子配新鲜芒果及奇亚籽布甸,同招牌牛油果杞子朱古力布朗尼。

供应日期及时间: 即日起至10月31日 ,12:00-14:00(只限星期六、日及公众假期)、14:00-16:00、16:00-18:00
价钱:$488两位(星期一至五)、$638两位(星期六、日及公众假期)

 
FRUIT TEA SET  Afternoon Tea TEAROOM

 图:餐厅Facebook

同样位於尖沙咀,呢间嚟自日本嘅茶室为咗庆祝开业一周年,推出9月限定嘅「1st Anniversary FRUIT TEA SET」,一份包括用水果同日本鲜忌廉制作嘅鲜果三文治,一杯新鲜水果,同一壶加入果汁嘅Earl Grey茶。食完下午茶仲有「Sweet Ticket 」送,之後可以凭票换甜点!

供应日期:即日起至2020年9月30日
价钱:$148(每份)


文:Kar


关键字
下午茶
tea
尖沙咀
沙田
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
4天前
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
Stephy新开茶饮店 台湾回流 期间限定 联乘Snoopy推棉花糖朱古力特饮
2020-09-11