必试酥脆片皮鸭、全蟹蒸肉饼 尖沙咀新开名厨主理中菜馆(有片)
2019-03-01

去戏曲中心一定系睇粤剧?咁又未必!西九龙文化区戏曲中心最近有间新中菜厅进驻,由有三十年经验嘅中菜大师许美德先生及其团队主理。中菜厅主打大人细路都锺意食嘅片皮鸭,仲有唔少招牌菜式同点心,约埋家人同朋友食就最啱啦!



招牌片皮鸭($380/半只、$680/一只)

呢度嘅北京填鸭用咗从德国购入嘅烤炉,令鸭喺低温下变熟,再加上长达36小时嘅工序,确保每只鸭上枱果阵都热辣辣,外皮仲脆卜卜添。当然!师傅都会系食客面前即场切鸭啦!而且饼皮仲会放喺一个有发热包嘅笼内,可以保温45分钟,咁就唔怕啲饼皮变冻哂。另外配埋自家调制甜面酱、萝卜丝、酸甜嘅子姜(如果子姜不在时令,会以哈蜜瓜代替)、青瓜丝同京葱丝一齐食,真系食多几件都无问题!





肉饼蒸蟹圈($498)

肉饼蒸蟹圈系蜑家菜式,视觉上好震撼,系成只全蟹铺喺肉饼上啊!喺蒸嘅过程中,肉蟹会慢慢渗出蟹汁,所以肉饼食落会有蟹嘅鲜味。客人仲可以自己要求用咩蟹嚟蒸,真系好贴心啊~


黄金酿蟹盖($98/件,2件起)

选用加拿大蟹,每只都系人手亲自拆肉,再加上磨菇同洋葱等配料酿入蟹盖内,配料味道较重。


鸳鸯胡椒焗虾($168)、杏汁炖白肺汤($88/位,$268/4人份)

大厨话皆因每种胡椒都有独特嘅味道,所以呢味鸳鸯胡椒焗虾就用上两种胡椒去焗,味道先够香,而且香辣惹味。杏汁炖白肺汤炖咗四小时,杏汁味就浓啲,饮得出好足料,而且有润肺功效!



更多【新店直击】:
1. 开业头三日送水仙芒、亲民价叹正宗泰国菜!mango tree新线登陆元朗
2. 鲜鲍鱼珍宝喇沙、四色手工咖央多士 西环正宗娘惹菜荃湾重开
3. 全场划一收费 $20、$40、$60食海胆山+刺身+锅物 湾仔新开日式食堂


满乐葱蒜牛肉崧煨饭($148)

呢味煨饭其实灵感就系嚟自意大利炖饭,大厨用咗炒饭底,加再上软腍嘅牛柳粒去煨,估唔到又几出色。


远年陈皮叉烧酥($48)

食中菜又点少得点心呢,除咗供应经典点心,亦都有唔少创意点心拣。呢度嘅远年陈皮叉烧酥喺水准之上,食落口外皮酥脆松化,师傅话因为呢味点心工序特别麻烦,所以而家无咩人肯做架喇。




焦糖原笼马拉糕($48)、水牛芝士奶黄包($48)

焦糖原笼马拉糕好松软下,焦糖味又几突出。另外水牛芝士奶皇包系一个全新配搭,估唔到水牛芝士同奶皇味道咁夹喎。





满乐中菜

地址: 尖沙咀柯士甸道88号戏曲中心1楼2-4号舖




文: Yanica

相、片: Tom Li


关键字
中菜
尖沙咀
西九龙
片皮鸭
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
3天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】最後倒数!即将结业的老字号及人气小店
5天前
【随时更新】全城抗炎!多间集团餐厅及老字号宣布 暂停晚巿或休业 (内附名单)
3天前