彷如置身异国嘅特色料理
2019-11-13
啱啱过完几个Long Weekend,仲系Holiday Mood,想逃避 Blue Monday,出走下,但又无时间?唔紧要,依家只要一餐嘅时间,唔洗搭飞机就已经可以体验到异国风情啦!一於先放低工作压力 ,约埋班朋友一齐去以下嘅异国风情餐厅,好好享受佳肴美酒,重拾元气面对 Blue Monday啦!

Maison ES (湾仔)      
餐厅位於电气街斜坡上,餐厅占地 2,300 尺。耀目嘅水晶灯、古董家俬、玫瑰及鲜百合、加上种满植物嘅小庭院,让每个推开门嘅女仔都会尖叫:「好靓呀!」食客彷佛置身华美舒适嘅法式古宅、系似足法国嘅田园餐厅食饭!餐厅除环境靓外,食物亦落足心机。於名厨Esther Sham与餐厅团队为踏入4周年嘅Maison ES以法国菜为基调创制了一个全新餐牌,除了坚持沿用来自世界各地嘅质食材,也特意加入不少superfood,既迎合世界饮食潮流,也为加有亚洲风味嘅菜式注入个性,吸引好新嘅你!

轻煎吞拿鱼配牛油果及日本柠檬豉油汁伴韩国泡菜雪糕
吞拿鱼铺上芝麻後略为煎熟,芝麻香脆而肉质仍然细嫩;鱼下垫有用柠檬汁、橄榄油拌好嘅牛油果,另放有水菜苗、日本柠檬豉油汁,再加上面层嘅韩国泡菜口味雪糕,层次即时递增。

小龙虾薄片配奇亚籽西柚汁啫喱及金桔泡沫
非常清新嘅组合,以烹煮过嘅奇亚籽,配上西柚汁制成嘅啫喱、用鱼露调味嘅泰式柑柚、三文鱼籽及金桔制嘅泡沫,为小龙虾嘅鲜味画龙点睛,清怡好吃!

阿拉斯加蟹脚天妇罗扁意粉伴特制辣味蛋酱
先将部分阿拉斯加蟹脚拆肉,较肥厚嘅蟹脚肉则用来制天妇罗;前者放到扁意粉同煮,另拌上鱼露、豉油、辣椒、鸡蛋制嘅酱汁,微辣而咸中带甜,足以丰富你嘅味蕾!

慢煮澳洲羊架配南瓜蓉、茄子田乐烧及黑蒜羊骨浓酱

将羊架慢煮过後烹煎,尽尝嫩软羶香,伴以羊骨、杂菜汁与黑蒜煮成嘅酱汁,别具风韵!

慢煮法国鸭胸伴香脆羽衣甘蓝及鸭香酸甜汁
法国鸭胸经慢煮後轻煎外层至皮脆香酥,附随牛蒡蓉、小萝卜、炸过嘅羽衣甘蓝,并以鸭骨、杂菜汁及酸梅特制嘅酱汁点缀,让酸甜有致嘅滋味充分解腻! 


AZIZA EGYPTIAN AND MEDITERRANEAN CUSINE (西环)  
一间家庭式埃及小店,装饰得好有特色, 焦点都落在两幅巨型壁画上,一边系狮身人面像,另一边系金字塔和尼罗河风光,设计简洁得来很贴题。老板兼大厨Chef Mohsen系土生土长嘅埃及人,出身自饮食世家,家族几代都系厨师,他年轻时於埃及驻英国大使馆任大厨,曾为查理斯王子下厨,质素有保证!老板更坚持选用埃及货,做出百分百当地口味。更最窝心嘅系用餐完毕後,店员会为每位顾客送上一杯香浓薄荷茶,让大家Refresh一下味蕾,真系贴心!

香蒜酸乳酪 (Labna)
甜美嘅乳酪加入自家调味料同优质橄榄油打成蓉,配自家制嘅中东彼得包吃,入行蒜味香浓,味道清新,够晒滋味!  

中东烤羊肉卷 (Shawerma Lamb)
用红辣椒粉及秘制香料等为羊肉调味,再用铁板将羊肉烤熟,羊肉鲜嫩弹牙,配埋沙律菜同特调酱汁一齐食,系一道充满浓郁香料芬芳又带有啲阿拉伯地区神秘风味嘅菜式。


新鲜鱼柳伴有机蔬菜及特制香料 (ORIENTAL Talabia Fish) 
鱼柳肉质结实,配埋秘制香料同新鲜嘅有机蔬菜食,几refreshing,大厨仲推介可以同印度饭一齐食!

烧羊肉架 (Lamb Racks)
羊架用秘制酱汁同香草我悉心地三过,入口软腍,不会太羶,配埋沙律食,味道唔会太复杂,更可沾上中东嘅芝麻酱一齐食,增加味道层次!

有机青豆烩牛肉 (Green Peas with Beef)
用料非常丰盛,当中包括有机青豆、牛肉、红萝卜、薯仔、洋葱同埃及番茄酱等,主厨推介可与由粗面粉做成嘅自家制古斯米一齐食,古斯米做法繁复需时约5小时,口感类似面包糠,配多酱汁嘅菜式食,非常适合!

Ocean in Pot (西环)      
餐厅位於坚弥地城海畔,主打各类海鲜,善於演绎西式海鲜餐饮嘅鲜甜美味;同外国嘅餐厅一样咁chill, 可以望住风光优美嘅西环海旁吹住海风,享受乐也融融嘅惬意时光!另外餐馆老板非常爱狗,好贴心地所有餐具都使用铁具,保障「小朋友」嘅安全!仲提供一系列嘅狗狗特别菜式,如牛排,鸡排和冰淇淋等,啱哂「狗奴」同埋家长带小朋友嚟!

葡式海鲜汤饭 Portuguese Seafood Rice
使用每日新鲜采购嘅本地海鲜炮制,食谱更系店主系葡萄牙出差时由当地同事手中得到嘅传统葡萄牙食谱,味道非常正宗!

招牌海鲜意粉 Pink Ocean Pasta
海鲜份量十足,味道鲜甜,配上特制嘅粉红色奶油酱,更加系最佳拍档,仲啱晒打卡!

白酒煮大蚬意粉 Clam Ocean Pasta
鲜甜大蚬份量十足!香浓白酒汁、意大利番茜碎,加上意粉煮到啱啱好al dente嘅意粉,口感一流!入口味道层次非常丰富!酱汁沾自家制蒜蓉包食味道一流!

美式芝士牛肉三文治 Philly Cheese Steak Sandwich

新鲜牛肉经过腌制,加埋红椒、听朝同洋葱烤过後,淋上大量费城芝士,辣得来又有芝士嘅香味,非常惹味,系邪恶又大满足之选!

招牌海鲜锅 Ocean Seafood Pot (为保持海鲜新鲜,建议至少一天前预订)
厨师会为已预订嘅食客前往 香港仔鱼市场购买时日海鲜,招牌海鲜锅份量非常丰富,当初包括鲜鲍鱼、带子、虎虾、大蚬、鲜蟹等,再用上自家制鸡汤烹煮,务求让食客食到最新鲜嘅海鲜,仲可以沾上自家制辛辣海鲜酱一齐食,增添风味。

心动不如行动!有兴趣就快啲约埋三五知己去叹下美食啦!快啲bookmark定啦!

*以上图片只供参考,所有食品以实物为准. 食品供应因餐厅而异

相、文:Tiffany
关键字
异国料理
特色料理
异国风情
superfood
饮食潮流
埃及菜
埃及
饮食世家
Blue Monday
西环
乳酪
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】便利店寻宝 每周新品速报
2019-12-30
荃湾新开无敌海景日式放题 占地过万尺 新张期间88折!
2020-01-03
迎接全新2020 1-2月下午茶推介
2020-01-06
【2019回顾】 过江龙之年 逾50间海外人气店登陆 + 2020年预告 (有片)
2019-12-30
【特约分享】新年去始创 食尽中、日、国际贺年佳肴
2020-01-13