庞克摇滚玩味风日式手卷店!创意炸吞拿鱼手卷、黑毛猪炸串(有片)
2019-08-08

香港人平时咁锺意食日本嘢,但讲到装修多数都系日式传统风或摩登风。但上环呢间新开嘅日式餐厅就特别啲,走嘅系庞克摇滚风,对於日本菜嚟讲真系少见啲。食物方面主打多款特色手卷,仲有小食及寿司刺身等,一於去rock返晚!

主要用餐区嘅前方及中央有架1980年代款式嘅日本定制电单车做装饰,气氛够晒摇滚。


餐厅主要供应各式手卷,食材新鲜。另外每款手卷都加入创新元素,希望可以打破客人对传统手卷嘅印象。

每块紫菜都先会烘一烘,确保香脆。


辣味吞拿鱼($68)

平时出街食都会成日见到辣味吞拿鱼呢个选项,但呢度嘅辣酱就特别唔同,混合咗是拉差酱、韩式泡菜酱及港式豆瓣酱,最後洒上健康嘅藜麦,味道同口感都够丰富~


新鲜油甘鱼蕃茄手卷($58)

油甘鱼非常新鲜,加入蕃茄及柚子胡椒,味道清新开胃。


吞拿鱼热狗($98)

先将手卷拎去炸後加入大量吞拿鱼,配上柚子蛋黄酱,热狗香脆热辣辣又够晒惹味。


更多【新店直击】:
1. 西环新开海鲜丼专门店 原版北海道海胆丼、重量级海皇丼
2. Hello Kitty进驻湾仔水产市场!必食DIY流水面、牛乳雪糕芭菲
3. 度小月第三分店进驻深水埗 独家六款新菜式 时令鱿鱼系列


鳗鱼手卷($78)

鳗鱼手卷食法就特别啲,由食客自己包嚟食~鳗鱼用加入自家鳗鱼酱,先蒸後焗。四季豆天妇罗亦为成个手卷增添口感。


黑毛猪炸串($108)

黑毛猪比起其他猪肉软腍,肉汁都丰富啲。点埋自家制嘅菠萝汁酸酸甜甜,食多两条都无问题。


绿茶荞麦面($108)

惊唔饱餐厅亦有主食拣,呢个绿茶荞麦面酱汁清新,夏天食就最啱。


餐厅有一个「Drinks on Me!」($290)活动,只要有客人大叫一声Drinks on Me,全场嘅人包括员工都可以得到一杯180毫升嘅酒,好有气氛啊!



TMK

地址: 上环皇后大道西77-91号荷李活中心地下G&H号舖





文、相、片: Yanica

关键字
上环
日式
手卷店
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】最後倒数!即将结业的老字号及人气小店
2020-07-21
【随时更新】零食速报 每周新款零食、酒品点评
4天前
全城抗炎!北角酒店最新应变 自助餐都有得外卖?
2020-07-17
全城抗炎!送上门懒人煮食包及套餐大合集2.0 花胶炖汤/火锅/铁板烧
5天前
全城抗炎!屋企都叹到三层架下午茶 Tea Set外送/外卖自取推介
2020-07-23