蟹粉迷注意！尖沙咀K11 MESEA最近有一间时尚蟹粉面店进驻，菜式都以鲜拆大闸蟹蟹粉及蟹肉制成。菜单上选择贵精不贵多，主打包括一系列招牌蟹拌面，严选超过150克丶即3两重的江苏大闸蟹制作，所用上嘅蟹粉丶蟹肉及蟹油比例皆由厨艺团队经过多番试验调配出的黄金比例，啖啖都系又香又浓嘅蟹膏味呀！

餐厅设计以30年代的上海酒廊为灵感，餐桌椅组以桃木特制，仲有标志性霓虹灯光，更显怀旧风情。

特浓蟹粉蟹肉拌拉面($368)

招牌特浓蟹粉蟹肉拌拉面！用咗足足12只大闸蟹嘅蟹粉，严格规定公蟹粉及母蟹粉嘅比例为58比42，而拌面嘅蟹黄就蟹肉及蟹油各占一半。拌面上枱嗰阵会将面条及配料，包括「鸡汤配蟹肉」丶「蟹脚肉」丶「蟹公膏」丶「蟹母膏」丶「蟹油」分开呈上，食客可自行加入配料，并根据个人喜好将酱油及蟹醋倒入，配埋每日新鲜即制嘅手工面条，蟹膏味劲香浓！

原只花胶酿蟹粉拌寛面($888)

另一道蟹粉拌面卖相够晒吸睛！原只南非花胶内注入满满蟹黄酱，并加上鱼子酱作点缀。蟹黄酱同样以公蟹粉丶母蟹粉及蟹肉拌成，黄金比例为5比3比2。上枱时会即席於食客面前将花胶轻轻切开，蟹黄酱会慢慢流出，好治癒呀。

上三两蟹黄鱼浓汤挂面($188)

汤底以十几款唔同种类嘅季节性鲜鱼熬制逾10小时而成，并加入以鲜虾头制成嘅酱汁，令汤底更鲜甜。蟹黄酱同样混合咗公蟹粉丶母蟹粉及蟹肉，加埋鱼汤底食就轻怡啲。汤面仲搭配埋去骨黄鱼件，炸得香口又惹味。

蟹粉烟燻鸳鸯溏心蛋($78)

另外仲有几款以蟹粉入馔，啱晒相机食先嘅小食！蟹粉烟燻鸳鸯溏心蛋加上甘香嘅蟹油及法国品牌Caviar House & Prunier鱼子酱，一入口有阵阵烟燻味及鱼子酱咸香。

蟹粉黄鱼馄饨($158)

馅料以蟹粉搭配切成细件嘅黄鱼肉，汤底就以浓香鱼汤及虾头膏油制成，浓郁鲜甜。

醉三两($128)

花雕醉南非鲍鱼搭配鲜带子及海胆，加上蟹粉，味道鲜上加鲜。

燕窝伴姜味意式雪糕及啫喱($88)

上三两

地址: 尖沙咀梳士巴利道18号 K11 Musea 4楼 401A号铺

文、相、片: Yanica