尖沙咀新开海景餐厅 烧烤主题 + 罕见反烤苹果挞
2020-06-08

望住个海食饭总系特别舒服!尖沙咀最新开咗间无敌海景西餐厅,仲设有户外露台同室外座位,特别日子或庆祝纪念日固然啱晒,闲时去chill返两杯都唔错。呢间餐厅以烧烤为主,同时糅合新派法国烹调技艺,由扒类到甜品一样吸引!

 牛油果羽衣甘蓝藜麦芦笋沙律配柚子醋 ($118)

清新健康嘅沙律,一向都系女生们嘅最爱。呢款选用黑藜麦、红藜麦、白藜麦三色藜麦置底,再混入新鲜芦笋、牛油果、羽衣甘蓝,口感丰富,绿得嚟都好有层次。

 牛肉他他配酸种面包 ($158)

以澳洲牛柳加入生蛋黄、洋葱、酸豆等制成嘅生牛肉他他,仲有专人喺餐枱旁即时制作,望住佢将各种食材捞匀,食慾大增。配埋自家焗制酸种面包一齐食,特别清爽开胃。

 香煎带子配脆皮猪腩肉、咖喱椰菜花蓉、酸豆及金葡萄乾 ($218)

呢道菜名相当长,亦都代表咗佢有相当多嘅食材配搭。煎香咗嘅带子味带鲜甜,慢煮脆皮猪腩肉软腍香口,侧边黄色酱唔系黄芥末,而系blend咗嘅咖喱椰菜花蓉,感觉创新之余,又有阵阵菜香,都几夹。

 美国西冷扒  300g ($488)

食肉兽嚟到梗系要拣肉啦~ 餐厅致力搜罗嚟自美国、阿根廷、日本、英国等多个国家嘅肉扒,有乾式熟成都有湿式熟成,仲引入西班牙顶级烤炉Josper Grill同埋日本木炭,令肉质鲜嫩同时保留大量肉汁。咁多款扒入面,首推性价比高嘅美国西冷,肉味够晒香浓,面头嘅辣椒牛油仲好有特色!

 反烤苹果挞配酸奶油 ($158)

苹果挞食得多,咁反烤嘅苹果挞呢?功夫繁多,喺挞皮上逐一铺上经糖煮过嘅苹果同肉桂条,放入焗炉焗制後,冷却再将挞底反转。师傅特意选用纽西兰苹果,味道酸酸甜甜,挞底又够酥脆,配埋法式酸奶油中和一下,甜度刚好。

喺咁chill嘅环境点少得靓靓cocktails?紫红色嘅Shades of Ray,以vodka、杏仁、红菜头同新鲜青柠调制而成,带微酸;Sherry Cobbler则由Fino雪利酒、新鲜西柚汁、St-Germain 接骨木花利口酒、新鲜菠萝汁同蜂蜜水调成,清爽好啱夏天饮。

唔想要酒精嘅话,mocktail都有多款选择,好似Staycation就混合咗新鲜甘蔗汁、新鲜菠萝汁、椰子和青柠,椰香颇重;Vida Verde一睇就知系refresh型,由Seedlip Garden 108同埋Mediterranean tonic水混合而成。

Harbourside Grill
地址:尖沙咀广东道3-27号海港城海运大厦4楼OTE 401号舖


文、相、片:Kar

关键字
尖沙咀
西餐
牛肉
海景
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
5天前
【2021生日优惠】持续更新!6月寿星送海鲜拼盘
2021-06-01
《优秀开饭热店大赏2021》赛果公布
2021-05-24
5月份好评餐厅十强
2021-06-04
一秒变出 招牌十八层海胆杯 佐敦小店全新体验 魔术X铁板烧
2021-06-11