尖沙咀新商场开幕 过江龙餐厅一览
2019-10-11

尖沙咀又有新商场正式开通啦!建筑外型够晒吸睛,仲有超多国际时尚品牌。当然开饭仔最紧张嘅都系里面有咩食啦!商场入面有超过50间食肆,有7间更加系首次落户香港!想试新嘢嘅香港人仲唔嚟觅食?

少女心泛滥 幸福班戟

日本大名鼎鼎嘅Pancake店终於登陆九龙区啦!新店装修比起铜锣湾店更加有少女心,而且更推出新店限定嘅「宇治抹茶浓厚慕斯班戟」。

详细报导﹕幸福Pancake首次进驻九龙!尖沙咀新店限定宇治抹茶浓厚慕斯班戟
 

米芝莲推介拉面店 多贺野

呢间日本过江龙拉面店非常有名气,已经连续四年获得东京米芝莲推介!香港店嘅菜单同日本店有八成似,所有煮法更跟足晒日本,保证食得返日本嘅味道呀!

详细报导﹕日本食评网高分!连续四年米芝莲推介多贺野拉面抵港 粟国塩味拉面、豚鸭沾面
 

海南鸡饭始祖 Chatterbox Café

呢间餐厅嚟自新加坡文华大酒店,更加被誉为系「海南鸡饭始祖」!佢哋主打一系列嘅新加坡地道菜式,嚟到一定要试嘅就梗系招牌「文华海南鸡饭」啦。

详细报导:新加坡海南鸡饭始祖 进驻尖咀新商场 香港限定美禄雪花冰甜品
 

台湾手工面店 KiKi面店

继中环店後,KiKi面店再开设香港第二间分店啦!佢哋主打全天然无添加嘅手工面,而尖沙咀店更推出两款新店限定嘅面食菜式同两款创新茶饮,包括「红白丸子千层腐皮蕃茄汤面」、「烧素鸡白木耳拌面」等。

中环店报导:舒淇KiKi面实体店登陆中环!香港店限定鲍鱼花胶浓汤面+台湾招牌麻辣鸭血面
 

韩国人气鱼糕 SAMJIN AMOOK Express


好挂住韩国嘅街头小食鱼糕串?韩国人气鱼糕专门店要登陆香港啦!佢哋主打各式各样的鱼糕串,除咗传统口味之外,仲有年糕鱼糕、热狗肠鱼糕等。以後口痕都唔驶飞韩国啦~

详细报导﹕韩国人气三进鱼糕抵港 鱿鱼鱼饼棒、甘薯奶酪棒鱼饼、蟹肉花鱼饼

巴黎最佳牛角包 Gontran Cherrier

呢间法国人气烘焙店终於喺香港开旗舰店啦!佢哋主打超过80款烘焙面包、甜品、咸点,而当中嘅招牌牛角包更曾经被评选为「巴黎最佳牛角包」,面包控千祈唔好错过呀。

详细报导﹕法国烘焙名店登陆尖沙咀 必试香港限定蛋白糖霜牛角包
 

牛油果控必去 Avobar

伦敦牛油果主题名店要系香港开分店啦!餐厅主打一系列牛油果嘅菜式,如牛油果特色汉堡、流心蛋牛油果多士等,食落够fresh之外,造型亦非常吸睛,绝对系「打卡呃like」嘅首选呀!

详细报导﹕伦敦牛油果主题人气餐厅 最新登陆尖东商场 牛油果汉堡+牛油果brownie
 

米芝莲怀石料理 富小路やま岸

接住嚟都系日本嘅过江龙餐厅~呢间米芝莲一星嘅日本料理,主打怀石料理,喺京都非常出名,预约都要等一个月以上!佢哋最出名嘅「澎湃海胆手卷」,紫菜上面铺满新鲜海胆,够晒过瘾。

详细报导﹕超澎湃海胆手卷+近江牛!日本米芝莲一星京都富小路やま岸於登陆香港
 

日本海外唯一分店 Afternoon Tea TEAROOM 

呢间嚟自日本嘅过江龙茶室,喺日本简直称得上系「女生最爱」呀!装修为日系简洁风,提供可爱精致嘅时令甜品,亦有从世界各地严选嘅优质茶饮。最厉害系尖沙咀店暂时系佢哋唯一一间海外分店,点都要朝圣下啦!

详细报导﹕日本人气茶室登陆尖沙咀 招牌Tea Set、甜品推介
 

面包控必去 Tardemah


除咗日本之外,又点少得韩国嘅过江龙呢?呢间韩国人气烘焙面包店首设海外分店,就开喺尖沙咀啦!佢哋嘅面包口味非常特别,包括艾草年糕、拱佐诺拉蜜糖芝士、南瓜忌廉芝士等。

详细报导﹕韩国大热过江龙面包Tardemah抵港!超松软芝士蕃茄青酱、椰子蕃薯忌廉芝士包

全港第二间 Five Guys

继湾仔店之後,呢间美国汉堡包店再次喺香港开分店啦!餐厅主打无添加嘅汉堡包同薯条,而且仲有成15款配料免费任加。唔知今次又会唔会再大排长龙呢?

湾仔店报导:美国人气连锁汉堡店登陆湾仔 15款汉堡配料免费任加
 

日本汤咖喱名店 GARAKU Soup Curry

又一间日本过江龙餐厅啦!呢间北海道札幌汤咖喱名店终於正式抵港啦!佢哋主打嘅汤咖喱,除咗卖相靓之外,仲可以自选辣度,咁就唔惊辣亲条脷啦~

详细报导﹕北海道人气汤咖哩进驻尖沙咀 必试香港限定特制芝士豚肉口味


英国贵妇最爱 FORTNUM & MASON

女士们注意啦!想享受正宗英式下午茶,做个英国贵妇,唔驶飞去伦敦嘅!呢间英国皇家御用茶叶品牌,有齐晒一系列嘅茶叶、香槟、Shortbread等,啱晒同闺蜜high个靓tea~

详细报导﹕英国茶室Fortnum & Mason登陆尖沙咀 无敌海景+三层架下午茶可无限追加 
 

法国蓝带国际学院驾到

除咗有好多嘢食之外,仲可以嚟上堂!K11MUSEA同法国蓝带学院合作,首次引入蓝带国际学院嘅短期课程,以後喺香港学蓝带不再是梦啦!
呢个短期课程分为「西式烹饪」同「糕点甜品」,系为香港度身订造㗎,大家可以学做各种经典菜式,好似歌剧抹茶蛋糕咁,由蓝带厨艺大师亲自授课,上完堂仲可以拎埋证书!课程适合任何年龄同程度嘅朋友,仲有亲子班可以一家大细一齐上堂!佢哋设有半日,或者三至五日嘅密集课程,最快11月2号就开始。

报名详情按此



文﹕Kiko

关键字
尖沙咀
K11 MUSEA
牛角包
面包
牛油果
海南鸡饭
咖喱
怀石料理
汉堡包
班戟
拉面
韩国小食
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】最後倒数!即将结业的老字号及人气小店
6天前
【随时更新】零食速报 每周新款零食、酒品点评
3天前
全城抗炎!人气酒店自助餐重开 每位送鲍鱼、带子
2020-05-11
全城抗炎!喺屋企做大厨 懒人煮食包/套餐集合文
2020-05-13
【随时更新】全城抗炎!多间集团餐厅及老字号宣布 暂停晚巿或休业 (内附名单)
2020-04-29