快餐店嚟講，將軍澳新開嘅一間主打即製日式丼飯同鐵板定食嘅餐廳都算係行中檔路線。幾款丼飯都係外貌協會嘅成員，啲吉列蝦豎到高一高，啲蔥花又爆多到舖滿晒成個碗……
講緊嘅就係呢碗激芝咖喱吉列海老巨塔，4隻吉列炸大蝦豎到高一高，再淋上咖喱汁同芝士醬，有啲devil呀下。
至於爆多蔥嗰碗就係爆蔥溫泉玉子丼 配 西京漬鯖魚。成碗都係綠色，oush！會唔會太澎湃？！篤穿隻溫泉蛋再撈埋啲蔥食，入口有陣麻油香，囉。嗯，真係鍾意蔥嘅朋友先好叫……
而芝士控就唔使諗喇，有款三重芝士拉絲燒豚丼，係你哋㗎喇。水牛芝士、巴馬臣芝士、車打芝士混埋一齊，唔淨止面頭嘅豚肉有芝士醬，就連嗶開裡面一啖啖飯都係有芝士嘅，oh no，吸引係幾吸引，但食晒成碗應該會有啲膩喔。
一口和牛鐵板燒定食 （一人前）就淨係得晚巿先有得食。有個鐵板仔畀你，自己和牛自己燒，一粒粒細細粒嘅一口和牛，雪花分佈都算平均，燒到外層微脆就食得。
呢間餐廳門口設有自助點餐機，成餐飯都好自助，自助點餐、自助取餐、自助回收，日式快餐店果然係有種日本快餐文化。
廿一堂
地址：將軍澳唐賢街19號天晉匯二期地下G08號
文、相：Kar