富小路やま岸副线 选用日山和牛 尖沙咀日式烧肉店新登场
2021-03-03

京都米芝莲一星餐厅富小路やま岸旧年进驻香港,今年再开副线。新店主打日本现代烧肉,选用东京过百年历史供应商「日山畜产」嘅和牛。供应多款套餐,其中以店名为题嘅套餐更特别设计咗一款海胆和牛手卷,以富小路やま岸嘅招牌海胆手卷演化而成㗎!
 


焼肉而今店名嚟自富小路やま岸山岸大将嘅座右铭「活在当下(而今)」,店内约90%嘅和牛都由「日山畜产」空运到港,皆因佢哋嘅牛肉有可追溯性,而且品质稳定。团队更特别研究出和牛黄金比例5:5,即油脂较多嘅霜降同红肉较多嘅赤身各占一半。
 


餐厅装修以大地色调为主调,糅合大自然元素及简约风格。有唔少卡位供2至6人入座。餐厅供应多款午市套餐及晚市套餐,其中最有代表性嘅就系晚市嘅而今Jikon Set($1280/位),唔单止会由Beef Master代为烧肉,仲有齐餐厅嘅招牌菜式!
 


泡菜

以自家制泡菜作为前菜,味道同大家平时食开嘅韩式泡菜相约,但调味较淡,可以食到更多食材原味,口感亦更爽脆。
 


烟燻和牛配鱼子酱

创新菜式之一,用A5黑毛和牛肉先低温慢煮两个钟,上枱前再炙烧表面,最後喺席前用樱花木烟燻。食落唔单止有烟燻嘅香气同和牛嘅肉香,仲有鱼子酱嘅鲜味。
 


和牛他他配和牛寿司

和牛寿司会以松露或蒜片酱点缀以带起肉香,记得食埋碟边嘅清酒蕃茄解腻。而享用紧和牛寿司嘅时候,Beef Master就会制作和牛他他,先将面包片烤热,再将生鸡蛋同和牛他他混合再放到面包上,食起嚟口感特别滑溜。
 


而今特选盐烧和牛3切

特选牛肉部位会按时令更改,三款都只用盐调味,所以可以品尝到和牛最原本嘅肉香同脂香。当然按情况亦可以自己选择加酱汁或者柠檬汁调味,例如拍摄当日嘅其中一款烧肉为薄牛舌,Beef Master就特别准备咗盐昆布,增加醇香。
 



而今特选酱烧和牛1切配海胆和牛热狗

拍摄当日嘅酱烧和牛系後腿肉,油脂较少肉质软嫩,配搭酱汁可以增加风味。而海胆和牛热狗就用咗臀肉,油脂较少而分布均匀。Beef Master烧好後以紫菜同紫苏叶包起,最後再加上海胆。半融嘅海胆味道鲜甜,同和牛嘅浓郁肉香夹埋系互相加分嘅配搭!最後会有一丝紫苏叶嘅清香平衡腻感。
 


沙律

更多【新店直击】:
1. 尖沙咀新开CBD大麻二酚主题多国菜!酥香威灵顿三文鱼+开心果奶油芒果千层酥
2. 中环新开创新时尚韩式饭卷专门店 必试韩式鱼饼、松露牛肉口味
3. 寿喜烧套餐最平$138!观塘新开抵食日式定食+寿喜烧餐厅

 


夏多补里昂1切及和牛西冷配柚子醋

夏多补里昂即系菲力最中心嘅部位,系和牛稀有部位之一,油脂唔多但口感非常软嫩,Beef Master以细火慢烤锁住肉汁,食起嚟满嘴肉香。而和牛西冷霜降分布均匀带少少筋,烧过後更有咬口,配上萝卜蓉及柚子醋就可以解腻。
 


吸物

即系清汤,系畀大家喺试下一道菜之前清新一下味蕾。上枱前会特别喺碗上喷上水雾,系证明呢份吸物专客人而制作,之前无其他人开过盖,以示尊贵。
 


而今特选寿喜烧配松露

最後一份烧肉系寿喜烧形式,以当日嘅特选稀少部位烧肉,配搭寿喜烧酱汁、生鸡蛋同越光米饭,最後加上即刨法国黑松露点缀,多重香气爆发!
 


冷面或和牛汤面或和牛茶渍饭

建议大家可选冷面,因为系由富小路やま岸主厨监督嘅同款冷面!面条幼细,口感爽滑清凉,加上鲜味淡雅嘅高汤,感觉清新。
 


而今甜品






焼肉而今 by 富小路やま岸  
地址:尖沙咀梳士巴利道18号Victoria Dockside K11 Musea6楼603号舖




文:Cathy
相、片:Tom Li

关键字
尖沙咀
烧肉
海胆和牛手卷
日山和牛
焼肉而今
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
7天前
【2021生日优惠】持续更新!5月食日本直送海鲜送西班牙红/白酒
3天前
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15