好人好店! 餐厅全日禁堂食 民间自发开放午膳空间地点一览
2020-07-29

今日系全港所有食肆禁止堂食嘅第一日,唔少基层、冇固定office或户外工作嘅朋友,都渴求一个安全又卫生,可以遮风挡雨嘅合理开餐地方。但令人伤感嘅系见到唔少新闻图片,佢哋都只能够坐喺街边或公园,日晒雨淋咁食一个饭盒。

幸好,香港仲有好多有良心嘅机构同社企,愿意免费开放地方畀有需要嘅朋友入内食饭,香港九龙新界区都有。有啲系餐厅、有啲系教会,甚至连发型屋、补习社、集运公司都有!虽然位子唔多,但起码略尽绵力。如果大家见到身边嘅朋友有需要,不妨都话声呢啲地方畀佢哋知吖。(亦好欢迎大家如果知道更多用膳地方,都可以报料啊)

新界区

粉岭  好邻舍北区教会

 图:官方Facebook网站

呢间教会多年嚟一直致力服务基层工友同无家者,今次除咗开放教会,等有需要嘅朋友可以入内食个快饭之外,同时仲会派发免费防疫包。

地址:观塘成业街7号宁晋中心16楼G室(九龙区)、粉岭联和墟联发街32号(新界区)
开放时间:7月29-31日,11am-2pm
预约留位:6545 0709
免费

粉岭  基督教迦南堂粉岭家

另一间开放畀有需要人士食饭同休息嘅教会,有冷气开放,但座位有限,要预先登记啊。

地址:粉岭祥华邨祥礼楼地下102-104室
开放时间:7月29日 – 8月4日,12nn-2pm
预约电话:9542 4286
免费

大围  风流居酒屋

 图:hka3102003

虽然今日起,餐厅冇得堂食,但仲有员工休息室嘛!大围呢间居酒屋,开放休息室畀有需要朋友去食外卖,而且仲有免费玄米茶供应。不过都系嗰句,最多二人同行,量体温、搓手液消毒,入去时同唔系食紧嘢嘅时间都要戴口罩,同埋清理返食完嘅垃圾。

地址:大围大围村第3街32号地舖
开放时间:12nn -9pm
预约电话:2640 9798
免费

葵兴  源味道生活馆

 图:官方Facebook网站

呢度大约有10个位左右,全部系安全距离。葵兴附近嘅有需要人士可到此食个饭。

地址:葵兴力丰工业大厦10楼F室
预约电话:9458 3882
免费

石门  尔雅补习社

 图:官方Facebook截图

连补习社都开放畀有需要人士食饭啊,有冷气有枱有櫈,可以坐低慢慢食。

地址:沙田石门安耀街2号新都广场3楼09室
免费

荃湾  双宝自提点

 图:官方Facebook网站

呢度本身系做集运嘅,但亦提供咗间房仔畀有需要人士用餐。虽然设施就得张櫈,但至少可以有个瓦遮头吖。

地址:荃湾青山公路603-609号江南工业大厦B座17楼05A室
开放时间:12nn – 3pm
电话:57401628
免费

元朗 

 图:doyouwannaeatt

元朗呢间café嘅Facebook表示最多自己被罚五千、最多拉闸唔做生意,但唔忍心见到咁多人喺条街度食饭。所以佢哋开放餐厅,畀人拎饭盒入去食(但唔喺佢哋度买)。

地址:元朗鳯攸北街9A昌威大厦28号地舖
免费

屯门  青山浸信会

喺屯门有需要嘅人士,可以带埋饭盒去呢间教会度食,唔止有冷气,仲有抗疫包派!

地址:屯门达人坊13号
开放时间:7月30日 – 8月4日,11am – 2pm
免费

屯门、佐敦、大围     有盖巴士总站

九巴都宣布会喺有盖巴士总站划出位置,摆埋啲櫈仔畀大家坐低食餐饭,櫈同櫈之间会有1.5米安全距离,记住食完饭戴返口罩就ok啦。

地址:屯门站总站、大围站总站、佐敦(西九龙站)巴士总站
开放时间:7月30日至另行通知(逢星期一至五),12nn – 2:30pm
免费

九龙区

佐敦  逸东酒店宴会厅

 图:官方Facebook网站

位於佐敦嘅逸东酒店绝对可以话系酒店业嘅先躯,佢哋由即日起会开放2楼宴价厅畀公众入内用餐,为大家提供一个既舒适又安全嘅用餐地点。

地址:佐敦弥敦道380号香港逸东酒店二楼宴会厅(从酒店大堂电梯进入)
开放时间:星期一至五,11am - 3pm、5pm – 9pm
免费

荔枝角  播道会恩福堂

 图:Discovery Wednesday

呢间教会set好咗几张枱,欢迎有需要朋友可以带埋饭盒入内享用。从相片可见,每张枱都有相当一定嘅安全距离。

地址:长沙湾道789号恩福中心
开放时间:7月29日-8月4日,11am – 3pm
免费

荔枝角  明爱荔枝角职工中心

开饭仔打电话去问过,中心地方唔算好大,大约有10个位左右。建议大家上去之前,可以打个电话预约或了解情况。

地址:青山路485号九龙广场3楼3室(荔枝角站B1出口)
开放时间:12nn - 2:30pm
预约:2741 3767
免费

大角咀  苏灵教会

 图:官方Facebook网站

大角咀附近嘅朋友,可以上呢间教会食饭啊,晏昼夜晚饭都得。最紧要入去嘅时候保持卫生,用消毒酒精洗手同探热,食完自行清理返饭盒同餐具就OK。

地址:大角咀榉树街7-13号丰年工业大厦13A室
开放时间:7月30-31日,11am – 9pm
免费

深水埗  基督教宣道会忠主堂

深水埗区有好多基层人士,区内呢间教会就开放空间畀有需要人士入内,可以有个空间休息下,食个饭。

地址:深水埗长沙湾道137-143号长利商业大厦5楼
开放时间:11am – 2pm
免费

长沙湾  学林式宇晴教育中心

 图:官方Facebook网站

呢间教育中心,唔止开放畀有需要朋友上去食饭,仲会每人派一个口罩添!中心另设水机,自备水樽就可以斟水啦。

地址:长沙湾青山道339号恒生青山道大厦307室
免费

油麻地   循道卫理联合教会安素堂

油麻地呢间教会由听日(7月30日)起亦会提供有冷气地方,畀有需要人士带埋饭盒去食同休息,而且仲会免费提供清水,洗手间亦可外借。

地址:油麻地窝打老道54号
开放时间:7月30日 – 8月4日,12nn – 2pm
免费

红磡  基督教牧邻教会

红磡区朋友仔可以留意下,呢度有冷气,最多可以容纳25人,只限一人休息、进食,全面禁烟,进餐前後都记住要戴口罩啊。

地址:红磡马头围道21号义达工业大厦A座7楼A(中银隔篱搭货lift上)
开放时间:7月30日 – 8月4日(8月2日除外),11:30am-2:30pm
免费

观塘  基督教家庭服务中心

中心特地设立「午间用餐区」,每个独立座位都相隔1.5米,让观塘区有需要嘅人都可以食得安心。

地址:观塘翠屏道3号地下爱心广场
开放时间:11am – 2:30pm
查询:2950 5871
免费

观塘 香港幸福周末 (辧公室)

 图:官方Facebook网站

呢间人气茶饮店举行「办公室开放日」,虽然冇茶饮,但就有6-7个嘅安全距离座位。各位上去之前,最好inbox佢哋确定有人。

地址:观塘时运工业大厦2楼D室
开放时间:12nn – 3pm
免费

尖沙咀  YC Hair Designer

呢间发型屋喺尖咀有两间分店,其中赫德道店地方较大,由今日起到星期六嘅晏昼时段,都会开放畀有需要嘅朋友去食个外卖,有枱有櫈有冷气。

地址:赫德道11号利就商业大厦6楼
免费

九龙湾  伵舍

 图:官方Facebook网站

呢度有成700尺咁大,应该可以容纳到唔少朋友仔,有冷气坐低慢慢食餐lunch。入场前先量体温同喷清洁剂,离开前再送多两个口罩。

地址:九龙湾美罗中心2期1825室
开放时间:7月30日 – 8月3日(四、五、一),12nn – 2pm
免费

土瓜湾  The Mahjong 共享空间

 图:官方Facebook网站

呢度提供嘅共享空间,有少少安全措施希望大家可以遵守,例如最多二人同行,唔系食紧嘢嘅时间需要戴返口罩,同埋食完就清理返自己嘅饭盒同餐具。建议早少少预约。

地址:土瓜湾北帝街10-16号1楼
开放时间:10am – 8pm
WhatsApp预约:+852 54642776
收费:$10/小时

香港岛区

湾仔  圣母圣衣堂

 图:官方Facebook网站

呢间有近70年历史嘅天主教教堂,表示希望效法圣母见到其他人嘅需要,开饭地方畀大家入内祈祷、休息同埋食饭。

地址:湾仔星街1号
开放时间:7am – 10pm
免费

铜锣湾  解忧咖啡店

 图:官方Facebook网站

呢个地方,坐得都几舒服架,仲有得望下街景。疫情期间都开放畀有需要人士带埋个饭盒上去,食下饭,唞一唞。

地址:铜锣湾渣甸街36号3楼
免费

上环 茶咖宅

 图:ms_curious

上环呢间装修到好似café咁嘅茶记,呢个礼拜都会开放畀大家入去用餐,同埋拎免费防疫用品。入去前记得要自动自觉量体温同消毒双手,离开前自行清理垃圾同枱面。同埋每张枱只限坐两个人留意返。

地址:上环四方街24号地舖
开放时间:12nn – 3pm
免费

湾仔 圣雅各福群会

湾仔有社区中心开放,每日分三节食饭时段,仲有茶水供应。

地址:湾仔石水渠街85号7楼
开放时间:7月30日 – 8月8日(8月2日除外),每日3节(1200-1245、1300-1345、1400-1445),每节15名额
登记电话:2835 4368
免费

湾仔  循道卫理联合教会香港堂

湾仔另一间教会,开放大圆环同副堂畀有需要人士进入,仲会提供抗疫健康资讯。

地址:湾仔轩尼诗道36号
开放时间:12nn – 2pm
免费

鰂鱼涌 宣道会康怡堂

鰂鱼涌区嘅朋友仔食饭都有着落喇,呢间教会开放午膳空间之余,亦会派发防疫包。入场前要先登记、探热同清毒双手就OK。

地址:鰂鱼涌基利路9号太明楼地下
开放时间:7月30-31日,11:30am – 2:30pm
免费

西环 香港浸信教会好邻舍福音堂

喺西环嘅呢间教堂,欢迎有需要人士带埋午餐盒去休个息食个饭,一人有一个空间呢。

地址:西区山道15号1-3楼
开放时间:即日 – 8月4日(星日除外),每日3节(11:30 – 12:15、12:25 – 13:10、13:20 – 14:05)
留位电话:2540 7265
免费

中环 香港浸信教会

想去呢间教会借个地方食个饭嘅朋友仔,入内前要量体温、用酒精搓手液洗手,同做简单登记。

地址:中环半山坚道50号
开放时间:即日 – 8月4日,11am – 2:30pm
免费



文:Kar



关键字
好人好店
观塘
湾仔
粉岭
荔枝角
土瓜湾
尖沙咀
荃湾
铜锣湾
葵兴
大围
深水埗
开饭专题
开饭仔为你提供各类型最新饮食情报及优惠,全面照顾你的饮食喜好。
本月热门
【随时更新】最後倒数!即将结业的老字号及人气小店
2020-07-21
【随时更新】零食速报 每周新款零食、酒品点评
2020-07-31
全城抗炎!屋企都叹到三层架下午茶 Tea Set外送/外卖自取推介
4天前
全城抗炎!北角酒店最新应变 自助餐都有得外卖?
2020-07-17
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-07-30