大阪全国冠军味噌拉面!日本大师林隆臣尖沙咀拉面店限定(有片)
2019-12-18

日本冠军级拉面大师林隆臣继中环旗舰店後,今次带埋佢於日本嘅名作黄金味噌拉面进驻尖沙咀第二分店。讲到呢个拉面就巴闭罗,於2018年「YAHOO最强次世代拉面决定戦味噌拉面」夺取全国冠军、2017年「TV松本家的休日拉面比赛味噌拉面」冠军及2017年「究极拉面関西拉面新店舗部门」冠军(味噌拉面),暂时尖沙咀店限定,而中环店就要等多排啦。


讲到呢碗黄金味噌拉面,系林隆臣大师经过长时间反覆试验,精髓在於味噌汤底,先用高温炒香野菜,加入味噌撞成浓汤。汤底混合咗日本各地近四十种味噌,再以免治猪肉、蒜头、酱油、砂糖及牛奶调味,甜中带辣,林隆臣大师拍心口打包单话:「这是在香港一定吃不到的味道。」


味噌拉面搭配嘅秘制叉烧选用猪肩肉,经低温焗制四小时而成,质口软谂有肉香,而拉面都吸满晒汤底嘅味道。另外食嗰阵都要跟步骤㗎,先饮一啖原本嘅味噌汤,味道浓郁清甜,然後再连免治猪肉捞匀食,再添一份惹味。


见到呢个腐皮袋,好多人都以为馅料系年糕,不过原来佢系一个葱袋!大师27岁开拉面店嗰阵想做一个新奇嘅拉面,所以就突发奇想创造咗个葱袋出嚟,灵感来自日本关东煮,馅料包括葱、姜及粉丝。


除咗味噌拉面外,每日限定嘅双子碗拉面、特级白汤拉面及海体酱油汤都值得一试!


立体派

地址: 尖沙咀棉登径8号凯誉地下G12-G13号舖









文: Yanica

相、片: Tom Li


关键字
日式
拉面
尖沙咀
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
1天前
食豪啲啲 城中5间海鲜+肉扒父亲节自助餐
2020-06-10
至甜初夏 6月下午茶推介
2020-06-15
湾仔新扒房只卖$298黑安格斯牛扒套餐 任食薯条+超松软肉桂牛油餐包
2020-06-11
甜蜜蜜暑假 7月下午茶推介
7天前