黃子華嘅一句：「茶餐廳正過半島。」道盡茶記喺香港人心中嘅地位。相信好多母親都試過拖著孩子嘅手，到樓下嗰間地方狹小、裝潢陳舊嘅冰室食嘢。你細個唔知侍應飛快划下嘅「0T」、「冬央」係咩意思，但你記得佢哋端上嚟嗰碟豬扒炒丁有幾咁快靚正。大個嘅你，當然早就已經破解哂侍應嘅「密碼」。你拖著男女朋友嘅手，舒舒服服試過幾百蚊嘅韓燒、放題，但係你仍願意花十幾數，窩喺嗰十幾呎嘅茶餐廳嘆個下午茶。茶餐廳就係屬於香港人嘅獨有飲食文化。
贊記
有居住喺東京嘅港人就帶著呢份回憶，喺千代田大街開咗間港式茶餐廳。怎料當地日本人在嘗試過後，認為餐廳食物相當地道，食物照喺網上瘋傳，成為熱門話題，將香港獨有嘅花香，傳到千里之外。
Photos by リツ Ritsu贊記嘅外觀比較特別，門窗邊框都係紅色，門外擺放著兩尊石羊，幾有日本感覺。
Photos by 出挙 
Photos by 出挙
Photos by wukanbun呢個「四人座位」突出咗香港茶餐廳「快」嘅特色，繁忙時間食客咁多，邊容得你自己一個坐成張檯慢慢食？所以唔該你就同其他人迫下，搭檯啦。
Photos by 出挙
Photos by 出挙
Photos by 出挙
Photos by 出挙茶餐廳又點少得奶茶、菠蘿油呢啲香港特色小食？好多開喺異國嘅地道小食味道都會變得唔正宗，但贊記就獲日本網民一致好評，讚佢係正宗嘅「香港味道」。
美心餐廳
Photos by Ivy
Photos by Ivy餐廳老闆以餅家起家，所以喺一樓你可以挑選幾個麵包番去，賣嘅唔係法國餐包、芝士蛋糕，而係你常食嘅腸仔包、雞尾包。二樓就係茶餐廳，裝潢簡單，略為昏暗嘅燈光增添咗時代感。
Photos by Ivy除咗傳統茶餐廳食物，呢度仲有西式主食，好似蕃茄牛肉燴薏粉、焗雞皇飯等。
Photos by 出挙即使外地，茶餐廳都深受歡迎。有啲食客係講著廣東話嘅遊子，帶著思鄉嘅愁緒同埋童年嘅回憶嚟到呢度，有啲更係講著外國話嘅當地居民，因為真心鍾意香港茶記文化慕名而來。香港呢個美食天堂乜都有得食，但當你真係身在異國嘅時候就會發現，最令你自豪嘅，就係你嘅本土文化。
文: 段
