外卖自取!港岛上班一族 5大健康素食之选
2020-07-14

听日开始又有限聚新法,所有餐厅晚巿都要暂停堂食,只可以做外卖。对於各个「无饭」家庭嚟讲,可能有啲头痕?唔怕,而家有好多餐厅都有做外卖自取啦。今次更特别拣咗几间喺港岛区嘅餐厅,有素食选择,部分更同OpenRice合作,提供独家限定优惠添!无论lunch定晚饭,都有着落啦。

最新纯素午餐肉   Kind Kitchen

呢间主打纯素嘅餐厅,一直以Omnipork新猪肉入馔,最近仲最新推出咗纯素嘅植物午餐肉!非基因改造嘅OmniPork Luncheon新餐肉并无添加色素、抗生素同味精,而且热量同脂肪都大大低过传统嘅午餐肉,健康好多,啱晒一班注重健康嘅OL。

骤眼望落去,新餐肉同传统餐肉个样都几似,都系粉红色又有少少燶边咁。食落会食到淡淡嘅豆香,而且口感比一般餐厅实净少少。用嚟整茶记嘅经典餐蛋治或者辛辣面都唔错。

OmniPork Strip 新肉丝系另一款同时推出嘅新品,成分 主要包括大豆蛋白同葵花籽油, 含高蛋白质。餐厅以此制作新肉丝香江炸酱面,酸辣香口,还原度高。

餐厅另外仲提供外卖自取,其中沙嗲韩国植物牛炒米粉香气十足,沙嗲惹味。

新鲜健康poke bowl    Poke

 图:StaceyLeung子言张

Poke bowl喺香港愈嚟愈流行,呢间嘅bowl碗碗都咁足料,可以拣沙律或者糙米底等,够晒健康。而面头嘅配料亦可以完全自选,有各款刺身、香菇等选择,另外亦有几款官配设定,最受欢迎嘅系有吞拿鱼刺身、 蟹籽、新鲜海带等嘅POH-KEH,同埋The Vegan素食bowl!

特色咖啡轻食  sensory ZERO

 图:ivyivy629christine66

佢哋杯痴_线朱古力一向都非常受欢迎,啲朱古力多到满泻。外卖自取虽然就试唔到,但都仲有多款吸引嘅轻食同素食选择。必食之选有日本滑蛋牛角包,口感酥脆,阵阵牛油香,中间夹住芝士滑蛋加牛油果芥末酱,而家仲有限定买一送一优惠添!另外推介素食朋友可以试「我唔_系猪‧泰式肉碎饭」或「我坚唔_系韩牛‧植物牛肉饭」。

中环平价汉堡  天之乐素食

 图:misskitbhappy_animal_lab

汉堡可以话系唔少香港人嘅comfort food,呢间餐厅主打嘅仲要系自家制天贝汉堡,好食得嚟又健康啲,啱晒各位希望保持靓靓身型嘅上班一族。天贝系一种印尼食材,以黄豆加天贝菌种发酵而成,有丰富蛋白质同维他命呢。餐厅另外亦有提供多款素食意粉同饭类。

OpenRice限定优惠:指定食品7折

大坑西式素菜   素食微调

 图:B W852hkfood

餐厅舖位有啲细,唔想等太耐嘅话外卖自取就最啱。Menu以西式嘅素菜为主,素汉堡嘅主要馅料包括豆腐、茄子同南瓜等,味道juicy有惊喜。另外亦有选用近期大热嘅食材,黄姜,制作黄姜椰香印度饭,味道温和又有阵阵椰香,值得一提系啲饭仲系用印度长米呢。

OpenRice限定优惠:指定食品7折


文:Kar
相:Tom


关键字
上环
湾仔
大坑
素食
外卖自取
健康
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】最後倒数!即将结业的老字号及人气小店
2020-07-21
【随时更新】零食速报 每周新款零食、酒品点评
2020-07-31
全城抗炎!送上门懒人煮食包及套餐大合集2.0 花胶炖汤/火锅/铁板烧
1天前
全城抗炎!北角酒店最新应变 自助餐都有得外卖?
2020-07-17
好人好店! 餐厅全日禁堂食 民间自发开放午膳空间地点一览
2020-07-29