咸蛋芝士蛋糕!海洋公园新酒店餐厅一览 情调扒房、悠闲酒吧 
2018-11-12

去海洋公园锯扒?系呀,佢哋嘅酒店新开幕,除咗上星期介绍过嘅buffet之外,另外仲有间好有格调嘅美式扒房、一间中菜厅同酒吧。无论系情侣、一家人定一班老友一齐入去都有间啱食。

美式扒房 Prohibition

呢间扒房嘅一砖一木、一盏盏水晶吊灯,都散发住种既奢华又神秘嘅气息,好有格调,原来系参考美国1920年代禁酒时期嘅风格,就连本drink menu都要收收埋埋咁用个盒装住,又几特别。

不过唔好以为禁酒时期就冇酒,事实刚刚相反,唔止有,仲好多。餐厅嘅酒窖收藏咗好多嚟自美国、法国、意大利,甚至南非、黎巴嫩等国嘅酒,就连菜式同熟成牛扒都一样有落酒!好似前菜腌威士忌三文鱼他他配红菜头香蒜蛋黄酱咁,就用咗微甜嘅美国波本whisky去腌酿挪威养殖三文鱼,令到三文鱼食起上有阵烟燻香气。dip埋薄脆一齐食,口感丰富。

特色蟹饼配柚子鳕鱼子他他汁,系煎香咗美国西岸嘅养殖蟹肉,再配埋柚子鳕鱼子他他汁一齐食,鲜甜中带有清新感。

而呢个特厚牛肉三文治,真系特厚。啲牛肉本身嘅味道较淡,有啲烟燻香,但就因为佢一块叠一块,叠到高一高、厚一厚,令到成件事嘅视觉同味觉可以一齐都觉得好rich。

去到扒房梗要食扒啦,美国顶级带骨肉眼排,系呢度嘅招牌乾式熟成牛扒,仲要系用咗whisky同乌龙茶乾式熟成28日,牛扒表层烤香而里面嘅肉汁锁返住,不过重点系,佢超大份呀!上菜嗰阵真系会「哗」一声,成44安士,啱晒一班人开心些牙。

呢度cocktail都好有特色,好似Peach Cobbler咁,就用只富中东色彩嘅杯装住。呢款偏甜嘅cocktail,上面仲要加咗啲cream同杏仁片,口感顺滑。而Oxford Night Cup就由苹果白兰地酒、金橘liqueur、莓子果酱、青瓜syrup、柠檬雪葩等调成,杯边仲要搽咗层朱古力酱,先甜後酸、辣。

悠闲酒吧   Pier Lounge and Pier Bar

呢间吧都几大下,仲有张原块木枱好鬼型,最啱三几个friends坐喺度叹住酒慢慢chill。

唔好空肚食早餐都唔好空肚饮酒,所以介绍佢哋啲酒之前先介绍下啲佐酒小食同甜品。咸蛋黄芝士蛋糕,呢个系必必必必食啊!造型精致靓仔唔讲啦,衬返海洋公园有几只海豚喺度,重点系个cake嘅芝士味香浓软滑得嚟,仲有阵阵咸蛋香啊,真系有粒粒蛋黄食到㗎!不过呢个唔多啱些牙荣,因为会食到停唔到口,唔舍得畀人食呀科科。

避风塘炸鱿鱼够晒香脆,最啱送酒啦。介绍返门神大家可能都饮得多,但呢只酸菠萝啤就净系得呢度先有得饮咋!放心,又唔系真系好酸嘅,有啲似踩单车途中会食嘅菠萝冰咁嘅味。

另一只要推介嘅cocktail都系一个谂都冇谂过嘅组合——红枣同whisky!冇谂过原来佢哋系朋友呢!Whisky Date先系将啲whisky浸红枣,令到whisky本身都渗透住阵阵香甜嘅红枣味,然後再加埋红枣syrup,於是乎啲whisky同红枣嘅味道就完全融合埋一齐,毫无违和感。

顺德小菜  南海小馆

酒店内仲有间中菜馆嘅,主打顺德菜。顺德菜以清、鲜、爽、嫩、滑为特色,加上以河鲜为主,所以呢度有唔少鱼类嘅菜式。

顺德菜向来有「一鱼五味」嘅做法,呢度嘅凉拌爽鱼皮就选用鲩鱼皮,再加入埋洋葱、麻油、花生、姜丝等调味,鱼皮爽脆,连埋各种配菜一啖食落口,微辣香口。

蒸鲍鱼或者食得多,但煎焗鲍鱼应该比较少喇啩。主厨受顺德煎焗鱼嘅煮法所启发,创作出煎焗鲜鲍鱼一菜,食出鲍鱼嘅鲜甜之外,面层嘅脆脆层仲好鬼过瘾。当然,餐厅仲有其他小菜同点心,好似笋尖鲜虾饺、鲍鱼瑶柱灌汤饺等,甜品方面有红豆绿茶薄罉、自家制蜂蜜黑糖糕等。


文:Kar
相、片:Tom Li


关键字
海洋公园
锯扒
手工啤酒
芝士蛋糕
咸蛋
扒房
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
2天前
悠闲时光 9月份下午茶推介
2020-09-02
【2020中秋】台式流心奶皇、电车限量版月饼 早鸟优惠及限量预购精选集合 (不断更新)
2020-08-20
【9月生日优惠】最低至半价!生日平食放题.韩式炸鸡
2020-09-02