讲起瑞典,你会谂起啲咩美食?我谂绝大部分人都会即刻谂到肉丸(meatball),跟住呢?瑞典驻港总领事馆最近举办「A Taste of Sweden 」活动,推广一系列瑞典传统美食,除咗肉丸之外,仲有好多㗎!参与活动就有机会食个免费pizza或者赢得餐饮优惠。
瑞典肉丸
肉丸绝对系瑞典嘅传统美食之首啦,佢哋嘅肉丸制法有好多,纯鸡肉纯牛肉嘅又有,但更多嘅系混和猪肉牛肉制成,每个家庭都会有自家制嘅秘方。通常都会配埋肉丸汁、薯蓉同埋越橘果酱一齐食,食落有肉汁之余,口感亦弹牙。
虾酱吐司(Toast Skagen)
由瑞典名厨Tore Wretman发明嘅虾酱吐司,通常会喺大大小小嘅party中见到佢嘅踪影。发展到今时今日,又系各家各户都会有唔同嘅方法去制作,但大致上离唔开上层系虾仁伴酱汁,下层系cracker或者法国脆面包,一啖一块,都几开胃。
瑞典公主蛋糕
如果你有去过瑞典旅行,应该会成日喺啲蛋糕店嘅橱窗度见到呢款青绿色,大大个,仲有朵玫瑰做点缀嘅蛋糕,瑞典人好锺意㗎。呢个叫瑞典公主蛋糕呀,外层系杏仁蛋白翻糖,而中间就会系几层海棉蛋糕加忌廉,系几软熟嘅,不过就略为偏甜咯。
瑞典Västerbotten芝士批
身为芝士控,系要试下世界各地唔同嘅芝士嘅。瑞典呢款几特别㗎,有极度浓烈嘅非一般咸香,建议配衬埋云莓果酱一齐享用。云莓酱酸酸甜甜,正好中和返芝士批嘅特强浓味。
肉桂面包/荳蔻面包
呢两款包都系瑞典街头面包舖常见嘅包点,但做法绝对唔简单,由搓粉、发酵、烘焗等要成4-5个钟。口感软熟,肉桂味够突出。而荳蔻嗰款嘅层次更为复杂,有好浓嘅香料味,咸甜辛辣等味道都有。
新任瑞典驻港总领事 欧思诚
虽然而家冇得飞,但喺香港都有唔少以瑞典菜为主题嘅餐厅可以试到以上嘅菜式,有啲更系由瑞典人开设嘅添,够晒地道。只要喺活动期间,去指定店舖或餐厅消费同打卡,就有机会赢到多款瑞典美食/餐饮优惠,例如免费瑞典午餐、肉丸、pizza等等。
A Taste of Sweden
参与餐厅包括:Frantzén’s Kitchen、来自瑞典的肉丸先生、squarestreet KAFFE、SverigeShoppen、Swish Pizza
期间限定:即日起至11月30日
文:Kar
相、片:Tom Li