呢个圣诞最「芝」味!The Cheesecake Factory圣诞推介(有片)
2017-12-08

圣诞节当然要开怀大食!呢间出名食Cheesecake嘅美国菜餐厅,菜式选择超过200款,想过一个「芝」味圣诞,咁就要睇开饭仔嘅介绍喇。由沙律、主菜到甜品蛋糕都有应节推介㗎。
 

The Cheesecake Factory今年圣诞特别拣咗12道啱哂圣诞节一班人一齐开心Share嘅菜式,逐一介绍之前再次温馨提示一下大家:呢度菜式分量较大,记得食得哂先好嗌呀。
 


羽衣甘蓝藜麦沙律

先嚟一碟羽衣甘蓝藜麦沙律,绿色嘅羽衣甘蓝叶加上巴马臣芝士、红灯笼椒同藜麦等点缀之後,有啲似棵圣诞树呀!而且呢棵食得嘅圣诞树捞埋柠檬油醋汁之後,更加开胃健康。
 



芝士通心粉

芝士控觉得唔够喉?咁不如直接嚟一份芝士通心粉!用四款以上嘅芝士配搭坑纹通心粉,焗之前再加上面包糠增加口感,绝对系画龙点睛位。
 


炸芝士通心粉球汉堡

而炸芝士通心粉球汉堡就将芝士通心粉捏成球油炸,再加喺牛肉汉堡里面,最後淋上车打芝士酱,再配生菜、蕃茄等配料同香脆薯条,满足感满分。
 


番茄肉丸意大利面

番茄肉丸意大利面系唔少大朋友同小朋友嘅最爱,呢度嘅自家制肉丸会加入意式肉肠同巴马臣芝士,口感居然有啲似狮子球!配制番茄酱同罗勒,唔会太Heavy。
 


芝乐坊驰名美式肉饼


香草三文鱼拼柠檬蒜香大虾配以薯蓉

唔好以为配菜就无乜特别,呢度嘅薯蓉滋味程度几乎抢过主角风头!皆因大概每两个钟头就会新鲜制作,确保味道新鲜,所以食落特别软绵幼滑。无论搭肉香十足嘅招牌肉饼,定系Light啲嘅海鲜都一样咁夹。
 

更多【饮食潮流】:
1. 快餐店出火锅! 超足料姬松茸花胶鸡锅
2. 首次推出!连锁火锅店新出「蒸笼」料理
3. 率先试味!必试爱丽丝梦游圣诞自助餐



鸡肉及美式松饼


布里欧早餐三文治

嚟到美国餐厅不妨试下经典美国菜,美式Buttermilk松饼加肉汁系唔少美国人嘅Comfort Food,而呢度就配搭香煎鸡胸肉、蘑菇、蔬菜同浓郁肉汁。而布里欧早餐三文治就用Brioche面包夹炒蛋、烟肉、火腿、烤番茄、热熔车打芝士同蛋黄酱,陪你过一个丰富嘅圣诞节。
 


红丝绒芝士蛋糕

相信大家嚟到呢间餐厅,最期待嘅就系最後嘅蛋糕时间!圣诞推介当然不得不提到红丝绒,佢地嘅红丝绒芝士蛋糕就系以红丝绒蛋糕同经典芝士蛋糕层层相间,外面再加忌廉芝士糖霜同白朱古力。食落比想象中轻盈,因为佢地嘅芝士蛋糕比较软身,加上松软湿润嘅红丝绒蛋糕甜而不腻。而外面嘅忌廉芝士糖霜亦甜度适中,而且仲增加咗一啲chewy嘅口感𠻹。
 


红萝卜蛋糕


克雷格疯狂红萝卜芝士蛋糕

而代表圣诞节嘅香料肉桂,就可以喺呢两款红萝卜蛋糕蛋糕里面可以搵到。红萝卜蛋糕嘅肉桂香气浓郁,口感丰富。而克雷格疯狂红萝卜芝士蛋糕就混入芝士蛋糕,唔单止可以一次过满足食红萝卜蛋糕同Cheesecake两个愿望,亦增加咗蛋糕嘅香味同口感层次。
 


漆黑蛋糕


琳达特浓朱古力蛋糕

想Sweet啲嘅话,就要试下呢度嘅朱古力蛋糕啦。漆黑蛋糕即系浓郁朱古力蛋糕,香醇朱古力加埋朱古力碎同杏仁,朱古力Fans一定满意。而琳达特浓朱古力蛋糕就系一层层嘅朱古力蛋糕同特浓朱古力糖霜,甜度较高所以自问系无甜不欢嘅甜魔先好点呀。
 

最後提提大家,餐厅每逢星期日都有早午餐供应。而且星期一至五,11:00-12:00同15:00-17:00呢两个时段都接受订位!唔介意食个Early Lunch或者Early Dinner嘅话不妨Book定枱先啦。
 




The Cheesecake Factory 芝乐坊餐厅
尖沙咀广东道25号海港城港威商场地下G102号舖




文、相、片:Cathy

关键字
The Cheesecake Factory
圣诞
芝士蛋糕
芝士通心粉
美式松饼
红丝绒芝士蛋糕
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【2020回顾】海外超人气过江龙抵港一览
2020-12-28
西营盘新开台式Cafe 推介即煎铁板吐司/芋圆仙草/黑糖奶盖茶
2020-12-28
12月份好评餐厅十强
2021-01-05
【牛年新春】盆满砵满 早鸟优惠盆菜推介
3天前
观塘海滨旁新开Cafe 必试「2019」咖啡+Tiramisu窝夫
5天前