台湾连锁一人一锅火锅店进驻大埔!必试麻辣鸭血锅 任饮任添白饭、雪糕(有片)
2020-01-09

一人一锅热潮唔好畀佢停!今次到大埔呢间新开嘅台式一人一锅,餐厅於台北桃园有十多间分店,首次抵港选址大埔,新界嘅朋友终於赢返次啦。餐厅八成材料由台湾运到,亦都沿用台湾嗰边嘅汤底,仍然保留台式风味。


除咗火锅外,餐厅设有自助区,白饭、雪糕及饮品都系无限添,如台式冷泡茶及冬瓜柠檬,就算大胃王都无有怕!酱料方面都几有台湾味道,如沙茶酱及豆瓣酱。


呢度嘅汤底用大猪骨及蔬菜熬制多个小时而成,再用呢个猪骨汤演化成唔同口味嘅锅,如麻辣、龙白锅、起司牛奶、咖喱、叻沙、沙茶、药膳、泡菜及蕃茄等。讲到台湾火锅第一时间一定系谂起麻辣鸭血锅,汤底带麻,必食有台湾鸭血,吸晒所有麻辣嘅味道。仲有台湾运嚟嘅甜不辣及蛋饺。


另外餐厅都对素食朋友都好friendly,有供应四款素食锅物,当中最吸睛当然系素食麻辣锅,锺意食辣但又食素嘅朋友就啱晒!素麻辣汤用素沙茶配中药汤,加入辣椒、花椒、豆豉、八角、桂皮及麦牙等材料,配料方面素丸、豆皮都宽粉条都值得一试。


更多【新店直击】:
1. 新开魔术手工啤酒吧 OnTap女伯爵全港独家 + 过瘾麻婆Mac&Cheese
2. 纽约人气甜品店登陆尖沙咀 香港限定甜品 创意柠茶蛋糕
3. 荃湾新开无敌海景日式放题 占地过万尺 新张期间88折!


起司牛奶锅嘅牛奶同芝士都系由台湾运到,充满浓浓奶香,芝士微微融化嘅时候食就最正~


海鲜控可以试综合海鲜锅,除咗有青口同蚬类外,仲有好大片嘅台湾鲷鱼,鱼味特别重,而海鲜锅就会配返最基本嘅猪骨汤,咁先食到海鲜鲜味嘛。


养生啲嘅朋友仔,龙白涮涮锅就啱你地,汤底带微微药材味,附一份肉(自选鸡、猪及牛)及菜盘。


麻豆子健康汤锅   

地址: 大埔汀角路10号大元邨商场平台F11号舖










文、相、片: Yanica


关键字
大埔
过江龙
一人一锅
台湾
火锅
麻辣
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】最後倒数!即将结业的老字号及人气小店
2020-05-19
【随时更新】零食速报 每周新款零食、酒品点评
1天前
全城抗炎!人气酒店自助餐重开 每位送鲍鱼、带子
2020-05-11
全城抗炎!喺屋企做大厨 懒人煮食包/套餐集合文
2020-05-13
旺角新开花艺Cafe 丰富全日早餐+明太子猫耳朵+特调有机花茶(有片)
2020-05-18