台中人气手工芋泥甜品登陆尖沙咀 必试招牌双芋仙草奶冻、神仙奶(有片)
2019-09-03

又多一间台湾甜品店插旗!今次呢间嚟自台中,主打手工芋泥、芋圆、黄金地瓜泥等,有多款唔同配搭,重点系80%原材料都嚟自台湾,确保大家喺尖沙咀店食到嘅同台湾店一模一样。除咗甜品,饮品亦有惊喜,例如黑糖神仙奶、芋泥鲜奶都值得一试。
 


品牌创办人Patrick系台湾花剑冠军,退役後决定创业卖自己锺意嘅台式甜品

嚐仙以原味、健康为旨,供应鲜制台式甜品。品牌创办人Patrick跟亲戚学师,佢话制作手工芋泥嘅秘诀系要识得拣啱芋头,所以店内供应嘅芋泥会根据时令选择最适合嘅产地。另一特点就系无论系唔加防腐剂、每日新鲜制作。
 


双芋仙草奶冻($45)

台湾甜品店嘅芋头通常系一块块,佢哋就特别整成一球球好似雪糕咁嘅芋泥,食落口感特别绵密!招牌双芋系列即系有齐手工芋泥同芋圆,紫色嘅系芋圆,黄色同橙色系双色地瓜圆,口感烟韧甜度适中。而仙草冻同样每日新鲜制作,口感滑溜。
 


配搭一小杯鲜奶油,建议食法系先试咗手工芋泥、芋圆嘅原味,仙草冻可以配红豆或者芋泥,之後按自己口味加入鲜奶油捞嚟食,享受唔同味道层次。
 


黄金地瓜泥豆花($45)

芋泥甜品就见得多,黄金地瓜泥系Patrick偶然谂出嚟嘅新配搭,口感无芋泥咁绵密,保留地瓜嘅少少纤维口感。甜度方面地瓜泥比芋泥稍高,所以建议配搭比较清淡嘅豆花。配料仲有珍珠同红豆,口感丰富。
 

更多【新店直击】:
1. 新加坡海南鸡饭始祖 进驻尖咀新商场 香港限定美禄雪花冰甜品
2. 最平$48!观塘新开怀旧港风素食自助餐 大虾芝士焗伊面、麻辣口水鸡
3. 铜锣湾新开高质铁板烧 必试和牛三文治、烟燻帆立贝

 

黑糖神仙奶($29)

神仙奶当然唔系普通鲜奶咁简单啦,其实系自家炒嘅黑糖,加上自家制仙草冻同牛奶。特点系乾炒过嘅黑糖会增加一份焦香,饮落有少少似焦糖味,但比一般焦糖清甜。加埋甘凉清爽嘅仙草冻平衡返甜度,而且增加咬口。
 


芋泥鲜奶($29)

Patrick自己最锺意嘅就系呢杯芋泥鲜奶,坊间唔少芋头牛奶都系将芋头蒸熟再同牛奶一齐打匀,呢度就特别做分层效果:先将芋头加少少芋头汤打成芋泥酱,整嘅时候先加入冰同鲜奶。芋泥酱特别幼滑,口感亦更厚身,饮得出真材实料。
 



芋泥牛奶冰($43)

尖沙咀店亦有供应刨冰、烧仙草、红豆汤等唔同台式甜品,推介之一系呢份芋泥牛奶冰,刨冰淋上手工芋泥酱、炼奶,再配搭红豆同珍珠。细细碎碎嘅刨冰同柔滑芋泥酱营造口感层次,配料亦够多,唔怕食到一半就得返碎冰。
 


见你睇到最後咁捧场,醒大家一个优惠:呢个星期六(7/9)12:00至15:00,招牌双芋仙草奶冻特价$10份!想试嘅话可以Mark定时间同朋友嚟啦。
 



嚐仙
地址:尖沙咀金马伦道19号地下A舖




文:Cathy
相、片:Tom Li

关键字
尖沙咀
甜品
芋泥
芋圆
地瓜泥
神仙奶
嚐仙
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】便利店寻宝 每周新品速报
1天前
尖沙咀新商场开幕 过江龙餐厅一览
6天前
【特约分享】食鱼生转运 三种好意头日本海产介绍
2天前
日本人气茶室登陆尖沙咀 招牌Tea Set、甜品推介(有片)
2019-09-25
【特约分享】茶记实测 西多、菠萝油控必睇
2019-09-19