好多打工仔都忙到无时间食饭,好多时都求其食个快餐颓饭就算。中环最近就开咗间新嘅健康饮品店,主要供应各款由鲜果制成、有唔同功效嘅健康饮品,由负责人Rocky同佢嘅拍档Danny 开设,佢地话而家好多都市人其实对健康都有要求,但基於时间有限,就力不从心。所以佢地希望可以制造到一杯健康,又可以短时间补充能量嘅饮品。
由於Danny之前系喺大酒店到制作饮品,所以对於水果好熟悉之余,店舖仲可以拎到嚟自世界各地最新鲜嘅水果。佢地话「就算同一款生果,嚟自唔同国家味道可以好唔同,对饮品味道嘅影响都好大。」
Spring Clean($42)
至於点解选择smoothie而唔系果汁,Rocky话水果榨成果汁後,只会剩底水同果糖,但Smoothie就可以保留到水果嘅营养同纤维,人体可以最快吸收到。就好似呢款Spring Clean咁,有红火龙果、芒果同多款橙,有清肠胃同清宿便功效。而且对於饮品外表都好讲究,制成两层就啱哂打卡啦!
High Energy Crush($42)
呢款就系由芒果、热情果及菠萝制成,有丰富维他命C ,可以补充能量。每款水果嘅份量都系经过长时间考虑,例如一啲甜啲嘅就会配酸啲咁。
Beauty Bomber($38)
女士们饮呢款就啱啦!有红提子、蓝莓同奇异果,高抗氧化同维他命C,对皮肤修补好有效。
更多【新店直击】: |
Morning Glory($48)
平时无咩时间食早餐,可以试下饮返杯Morning Glory。呢款系一杯功能性饮品,由牛油果、香蕉、燕麦同牛奶打成,饮完都几饱肚,可以撑成个朝早架~
Dare to Detox($38)
Dare to Detox系冷泡水果茶,因为无加任何糖水,所以就一定无坊间嘅水果茶咁甜。选用印度庄园嘅茶叶,再加入唔同水果冷泡24小时,再加入蜂蜜,饮落去会有淡淡水果同蜂蜜香。
仲有三款即将会推出嘅水果牛奶系列,有红火龙果、木瓜同芒果口味,外层呈现雪花效果,味道好得嚟又系啱哂打卡!
地址: 中环干诺道中8号遮打大厦114铺
文、相、片: Yanica