去铜锣湾 平有平食 贵有贵食
2016-08-16
一班朋友约食饭,都系不外乎约喺旺角或者尖沙咀,中间点嘛。但如果本身系港岛人,或者朋友唔介意过海嘅,铜锣湾都系另一个饭局热点。之但系,好多人都对老铜有个误会,觉得呢区食嘢就一定系贵。嗯,部分正确啦,呢度的确系有好多高级餐厅,但其实平平地50蚊有找嘅餐厅都有唔少。今次就等开饭仔同大家介绍下其中几间,有平有贵,任君选择。

50蚊有找平食

$32双拼车仔面  荣记粉面


Photos by Lawerence Lau & hk.to.food

喺百物腾贵嘅香港,呢间喺铜锣湾又要出晒名嘅面舖,都仲系卖紧30零蚊碗双拼车仔面,都算系咁。餐牌上有廿几款餸拣,都系正正常常嘅车仔面配料:鱼蛋猪皮牛腩等等,腩肉炆到腍一腍,识嗌一定嗌萝卜,索晒啲汤底同腩汁,好鬼入味,当然唔少得猪红同猪大肠(如果你食嘅话)。就算叫够五餸都不过系50蚊,你想嗌多啲都唔得,餐厅有上限,最多五餸一面或者六款净餸。

30零蚊鱼蛋粉  江仔记粉面专家


Photos by Jazel & 为食火麒麟

铜锣湾嘅平民食肆,三十零蚊就可以医饱个肚。一碗四宝河都系35蚊,有齐鱼片鱼蛋鱼皮饺再加墨鱼丸,抵食。鱼片滑、鱼蛋弹牙,汤底都算几清,锺意嘅可以落返两滴辣油。

40几蚊鸡扒饭  荣式烧鸡扒


Photos by xxslws & minilatte

喺度叫碟鸡扒饭或者鸡扒捞丁都不过系40零蚊,块鸡扒一啲都唔细㗎,盖得过晒啲饭,鸡皮都煎得几香脆,就算你系好健康唔食皮嘅,都可以吮下啲汁。鸡肉嫩身,连埋姜葱捞嚟食好香口,最紧要系真系食得饱肚嘛。

正正常常中间价

川辣燃烧面  渝酸辣粉


Photos by Undeadmoon & wongmicmic

喺时代广场行後多两条街转入去,有间食川辣面嘅餐厅,碗碗面都红卜卜,啱晒辣鬼。最辣嗰碗应该系燃烧面(除非唔系),连葱、肉碎之类一齐食嘅捞面,辣就辣在佢只指天椒,愈食愈辣,仲要系麻辣。不过呢度嘅份量都比较细,叫一碗四、五十蚊嘅面未必够饱,叫多一两碟小食,例如水饺,再试埋青瓜豆浆同麻辣奶冻甜品,大约百零蚊埋单啦。

豚骨汤底拉面  


Photos by Gourmet-S & Michelefeng

想食拉面,通常都会谂起登龙街,不过其实行过多两个街口嘅霎西街,都有间唔错嘅拉面,99蚊碗。其中青龙仲系每日限量供应嘅添,补充返,青龙即系秘制菠菜汁配豚骨汤底,仲有蟹膏同金箔,令到成碗面高级咗。其余3款拉面都系以豚骨汤底做base,再配其他酱汁。一碗面加多杯嘢饮,百零蚊走得。

太阳芝士炸鸡  Sodam chicken


Photos by 星星点点 & miqueen7e

讲完中式又讲完日式,中间价位嘅餐厅讲多间韩式嘅畀你哋拣下。必食嘅太阳芝士炸鸡,有个农夫包装住沟咗几种芝士嘅芝士酱,皮脆包软,侧边嘅炸鸡亦都够脆,点酱食仲有拉芝效果,198蚊算贵定平,见仁见智。再叫返个沙律或者小食中和返,成餐应该约莫二百松啲啦。

座底三百豪食

串烧  心烧食堂


Photos by wht_rachel & tofufaa

串烧呢家嘢,一串几粒几粒,唔觉唔觉就会食咗好多串,三百蚊埋单一定走唔甩,不过好食嘅话,间中豪一餐又有乜所谓吖。嚟到除咗要食烧牛脷心同白膳之外,海胆胡麻豆腐沙律都系必食之选。另外,gimmick又好,真心想食又好,用带子同黑松露炮制嘅一带一路都好吸引。

龙虾生蚝海鲜餐  The Sky Bar


Photos by shine618 & Cikolam

一餐又有生蚝又有龙虾食,仲有鹅肝同牛扒,价钱自然有返咁上下。见到一打生蚝一盘咁上都咪话唔兴奋,算系几新鲜,海水味重,而龙虾肉爽,扒都够juicy,最尾再食埋疏乎厘呢餐就真系够晒疏乎。

文:Kar

随时接收最新资讯
赞好OpenRice专页!
关键字
铜锣湾
车仔面
拉面
鱼蛋粉
生蚝
开饭专题
开饭仔为你提供各类型最新饮食情报及优惠,全面照顾你的饮食喜好。
相关文章
米芝莲一星拉面登陆铜锣湾 必试松露鲜味汤底(有片)
2017-05-18
【编辑推介】波士顿龙虾拉面大满足
2017-05-18
【开饭热店入围名单巡礼】湾仔铜锣湾美食特搜 集高档平民於一身 
2017-03-07
【饮食潮流】预告!3月鸡蛋仔艺术节新口味率先睇 腊肠双重芝士味鸡蛋仔都有?
2017-03-01
2月份好评餐厅十强
2017-03-06
悠闲二人世界 抵食Semi Lunch Buffet推介
2017-05-10
餐厅资料
更多
收起
本月热门
【随时更新】最後倒数!即将结业的老字号及人气小店
2020-07-21
【随时更新】零食速报 每周新款零食、酒品点评
2020-07-31
全城抗炎!屋企都叹到三层架下午茶 Tea Set外送/外卖自取推介
6天前
全城抗炎!北角酒店最新应变 自助餐都有得外卖?
2020-07-17
好人好店! 餐厅全日禁堂食 民间自发开放午膳空间地点一览
2020-07-29