呢間來自加拿大嘅過江龍Café Crêpe三年前進駐中環開設旗艦店，今年首次登陸九龍區，29/8於尖沙咀正式開業！K11 新店為品牌全球第 3 間以 Express 形式經營之分店，主打輕食，走 Grab & Go 路線。新店會提供28款法式薄餅，味道有鹹有甜， 除咗主打蘋果金寶奶油醬法式薄餅外，仲有一款開店期間限定嘅蒙地卡羅朱古力法式薄餅同K11限定嘅一款Crêpe同熱狗！
蒙地卡羅朱古力法式薄餅$85 (K11限定+期間限定)
Café Crêpe首次將朱古力混入招牌餅底，用新登場嘅朱古力味法式薄餅皮，包住自家製榛子朱古力醬，加上一片用榛子同雲呢拿威化餅特製而成嘅朱古力，外層再鋪上了金箔粉及白朱古力醬，朱古力味濃厚。新店期間限定，想食要把握機會呀。
抹茶忌廉芝士配新鮮紅莓醬$89 (K11限定)
同樣用朱古力味法式薄餅皮，包住濃厚嘅抹茶忌廉芝士，口感濃郁，加上開心果 、麥片脆脆，令口感更加豐富，搭配上法國新鮮紅苺醬，酸酸甜甜，味道又更有層次。
蘋果金寶奶油醬法式薄餅$109
加入新鮮蘋果及玉桂，每日新鮮烤焗現製。入口啖啖果肉，玉桂香氣突出，加埋自家製奶香濃郁嘅奶油醬，配以瑞士雲呢拿雪糕及拖肥脆脆，真係好滿足！
法式巴黎熱狗$58 (K11限定)
稱得上巴黎熱狗一定有啲特別嘅～選用純天然 酵母正宗法式長棍麵包，外脆內軟，再加埋脆皮法蘭克福香腸、巴馬臣芝士忌廉、黃芥辣醬及蕃茄醬，簡單好味～
地址: 尖沙咀河內道18號K11購物藝術館地下G29號舖
文、相、片: Yanica