初秋甜蜜蜜!10月份下午茶提案
2021-10-07

踏入初秋,系开始想慵懒嘅日子,约朋友出街去叹返个下午茶就最啱啦~今期包括韩国香印提子主题、幸运星座主题、充满秋日气氛嘅松露主题及粉红爱心主题,款款都咁有gimmick,即刻睇下边间啱心水!


秋色松露下午茶 乐聚廊  

松露控留意!呢间餐厅推出秋色松露下午茶,由曾於西班牙同日本米芝莲星级餐厅工作多年嘅年轻糕饼总厨David Puig Zaragoza主理~其中一件最吸睛嘅甜品系西班牙黑松露巴斯克焦香芝士蛋糕,蛋糕除咗浓郁芝士味,更带有淡淡焦香同黑松露味,味觉好丰富。另外仲有糖渍甘栗搭配法式泡芺同云呢拿忌廉、烤焦糖肉桂苹果,伴以焦糖酥皮及香缇鲜奶油等甜品~咸点方面推介羊奶芝士伴焦糖迷你梨,奶味羶香几有惊喜。

供应日期: 即日起至11月21日

供应时间: 
即日起至10月31日: 下午3时至5时30分(星期一至五) | 下午3时30分至5时30分(星期六及日)
10月31日至11月21日:  下午3时至5时30分(星期一至五 | 下午2时至3时30分或下午4时至5时30分(星期六及日)

价钱: $348/位,$548/两位


幸运星座下午茶 Uptop Bistro and Bar   

唔少人都会相信星座运势,如果你都系星座迷,一定唔可以错过呢个「幸运星座」下午茶!Afternoon Tea以各个星座嘅专属幸运食物作卖点,一共12款咸、甜点,再加上星座轮盘同迷你星座玻璃球摆设,配埋维港景色真系享受。就好似天秤座嘅幸运食物系黑芝麻,厨师团队特意为天秤座设计咗黑芝麻芝士蛋糕,黑芝麻配上浓厚芝士,两者加埋香浓而不腻;而巨蟹座嘅幸运食物系蘑菇,呢个鲍鱼蘑菇酥皮盒以原只鲜甜弹牙嘅鲍鱼搭配松化嘅酥盒,食落有淡淡蘑菇香气,又几清新。

价钱: 星期一至五 $428/两位、星期六、日及公众假期 $468/两位

餐饮券: 2人酒店下午茶 -[幸运星座]主题下午茶 (星期一至五)78折
餐饮券: 2人酒店下午茶 珀荟酒店「闪亮摩天轮」主题下午茶 (2人用) (星期一至五)78折


粉红爱心下午茶 廷廊  

食下午茶都可以做善事㗎~呢间酒店餐厅连续第四年同香港乳癌基金会合作,推出粉红爱心下午茶,每卖出一份就会捐出港币$25!下午茶以高贵嘅Wedgwood茶具及传统英式下午茶三层架衬托,啱晒相机食先~甜品方面包括香甜松软嘅香桃法式泡芺、口感清新嘅石榴忌廉杯及甜而不腻嘅粉红乳酪士多啤梨雪条等;而咸点就有蟹肉三文鱼三文治、粉红虾沙律及香橙鹅肝夹心,无论视觉及味觉都令人惊喜。


供应日期: 2021年10月1日至11月30日

供应时间: 逢星期一至五於下午3时至5时30分供应,逢周末及公众假期则於两个时段供应,分别是下午2时15分至4时15分及下午4时30分至6时30分。

价钱: $398/位,$688/两位

订座同时订餐优惠:(2人用)「粉红爱心」下午茶(2人用)「粉红爱心」下午茶 (任饮Saicho气泡茶/配两杯Tattinger香槟)


韩国香印提子下午茶 沙田凯悦酒店咖啡厅  

知大家去唔到旅行,呢间酒店同aT韩国农水产食品流通公社合作,推出「韩国香印提子下午茶‧ 本地游」!选用来自韩国庆尚北道产顶级姬香公主香印提子制成多款咸点、甜品同特饮,如香印提子香槟慕丝,以韩国香印提子、香槟同乳酪制成幼滑慕丝,集齐果香同酒香~咸点方面焗香印提子鲜虾接骨木花忌廉挞又几有特色,咸甜嘅配搭令人愈食愈开胃!

供应日期: 2021年10月8日至2021年12月8日

供应时间: 下午3时至5时

价钱: $468/ 2人用



文: Yanica


关键字
下午茶
三层架
打卡
金钟
沙田
尖沙咀
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2021生日优惠】持续更新! 12月寿星免费钓虾 韩烧放题/浪漫西餐低至半价
2021-11-29
【随时更新】零食速报 每周新款零食、酒品点评
1天前
【2021圣诞】即开生蚝任食!9 间圣诞自助餐精选
7天前
乌冬控集合!严选4大高质乌冬店
2021-11-26
【2021圣诞】甜蜜蜜冬日!6大圣诞节下午茶精选
2021-11-22