冧冧妈咪!玫瑰、康乃馨、抹茶蛋糕精选
2021-04-27

好快就到母亲节,大餐、礼物、蛋糕都不可少,今次就等开饭仔为大家献下计,精选咗几款一秒融化妈妈嘅母亲节蛋糕、甜品出嚟,向妈妈表达心意啦!

玫瑰士多啤梨芝士蛋糕    HABITŪ

粉红色总系畀人一种浪漫嘅感觉,趁住母亲节,梗系要氹下妈妈啦。呢个由餐厅自家制嘅玫瑰士多啤梨芝士蛋糕,有3层松软嘅海绵蛋糕,配上玫瑰果酱同忌廉,渗透住幽幽嘅花香,轻易就可以令到妈妈心花怒放。

蜜桃康乃馨蛋糕  GREEN

母亲节要送康乃馨畀妈妈?咁又唔一定要真‧花嘅,食得嘅花一样得啫。呢间酒店嘅糕饼总厨一向主意多多,适逢母亲节就设计咗呢款蜜桃康乃馨蛋糕,以日本蜜桃入馔, 海绵蛋糕口感松软,加埋食咗都唔怕肥嘅低脂忌廉,饼面以白朱古力砌到成朵康乃馨咁,妈妈收到真系甜到入心喇~

巴斯克芝士蛋糕   22 Ships

家中有个潮妈嘅,就梗系要为佢预备近年横行蛋糕界嘅巴斯克芝士蛋糕啦~ 阵阵焦香同浓郁嘅芝士味夹埋一齐,满足感不言而喻。呢间餐厅可以连埋Patxaran一齐订购,限定嘅Patxaran Royal Set除咗个cake之外,仲包括咗一支Cava sparkling wine、patxaran mixer以及cocktail配饰,到时亲手调返杯cocktail畀妈妈试下啦。

玫瑰芬香红茶茶香树莓蛋糕   Tea WG Salon & Boutique

每种花都有唔同嘅花语,而玫瑰则代表爱,喺母亲节送畀妈妈当然适合不过啦。呢间主打精品茶叶嘅舖头,亦有以茶叶同玫瑰入馔嘅蛋糕。玫瑰芬香红茶茶香树莓蛋糕以杏仁酥饼做底,上层系绵润嘅海绵蛋糕,外层有玫瑰芬香红茶茶香慕斯,顶层则搭上树莓酱,啖啖酸甜交错。

心形敲敲蛋糕  Bombshell

妈妈由细到大都带我哋去探索好多新嘢,而家大个咗,轮到我哋带返啲新鲜感畀妈妈啦。食咗咁多年传统忌廉生果蛋糕,今年不妨考虑下玩味十足嘅敲敲蛋糕啦。Blooming Beauty Bomb同Mom-nificent Bomb分别铺上玫瑰、郁金香同康乃馨,轻轻敲开白朱古力外层,入面满载嘅唔止有各式嘅朱古力、曲奇同糖果,仲有妈妈嘅童心呀!啱晒佢影相打卡再send畀朋友放闪~

眷顾之羽  Twinkle Baker Décor

讲到靓嘅话,一定唔少得呢个品牌嘅蛋糕啦,有成团鲜红玫瑰置顶嘅蔷薇盛典够晒抢眼,包保妈妈见到都会忍唔住变bling bling眼加哗一声。配搭埋豆沙红蛋糕、无花果蓉啫喱同士多啤梨慕丝,味道微酸甘甜,唔使怕腻。但如果都系想要细细个cake,纯粹意思意思咁,可以选择眷顾之羽,由焦糖慕丝夹主海盐焦糖脆珠,中间系苹果蓉加原味牛油蛋糕,同样令妈妈心都甜晒。

宇治抹茶堂岛卷  Mon Cher

以前可能成日都会带妈妈去旅行,游日本,今年未有机会住,但都可以畀妈妈食到日本嘅味道!嚟自日本大阪嘅殿堂级甜品品牌,最近喺香港开咗几间分店,带嚟city’super分店限定口味——宇治抹茶堂岛卷。使用北海道农场空运直送嘅牛乳,制成轻盈软滑嘅生忌廉,加埋京都宇治抹茶,呢条堂岛卷嘅茶味够晒浓郁,清香又回甘,仲有清甜嘅红豆蓉夹心,保证妈妈实满意。

客制朱古力   Schoggi Meier

呢个虽然唔系蛋糕,但绝对可以见到你嘅诚意。每粒手工朱古力都采用瑞士原材料Couverture 100% 可可脂朱古力制作,用料矜贵。不过最重要系,中间嗰粒朱古力,可以预订制成相片朱古力,印咗你同妈妈嘅sweet池合照落去。妈妈打开见到,肯定觉得好surprise啦~


文:Kar


关键字
母亲节
蛋糕
庆祝
玫瑰
朱古力
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2021生日优惠】持续更新!5月食日本直送海鲜送西班牙红/白酒
2021-05-07
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15
午市$88!佐敦新开台式一人小火锅店 必试老姜麻油鸡锅+牛乳美肌锅
2021-04-23