全素麻辣锅+冬荫公汤底 中环区全球25大素菜餐厅(有片)
2018-11-22

好多人都觉得食饭一定要大啖食肉先够尽兴,但中环区呢间全素嘅中餐厅可以改变你想法。心斋一直以新派嘅烹调手法炮制非传统素菜,店内所有菜式都唔会有蛋、奶、五辛(大蒜、葱、薤、韭菜、兴渠)同味精;之前仲获知名饮食网络平台选为全球25大素菜餐厅第18位。



最近为咗迎接冬季,餐厅推出全素火锅,唔好以为食素火锅一定好清,店内以各种珍贵菌类为主打。汤底方面都有好多选择,如黑皮鸡枞菌汤、香茜鲜茄薯仔汤,惹味啲就有近年好兴嘅麻辣锅同冬荫公汤。


麻辣锅加咗豆瓣酱、老乾妈辣椒酱、花椒、泡椒同子弹椒等调味。汤底本身就附有四川粉条同冻豆腐,麻辣锅汤底又香又麻,而且唔会觉得好油。冬荫公汤用素高汤、南姜、香茅、冬荫公酱等材料熬成,平时嘅冬荫公汤都会加埋海鲜去熬,虽然呢度就无,师傅话冬荫公主要靠唔同嘅香料同冬荫公酱,所以汤底食落就同平时食到嘅无咩分别。



都系想食清淡啲嘅,可以试下呢个黑皮鸡枞菌汤同香茜鲜茄薯仔汤,黑皮鸡枞菌汤本身附有竹笙同黄耳,呢个汤主要想比食客食菌嘅原味,黑皮鸡枞菌好爽口,食之前记得饮返啖汤!


更多【新店直击】:
1. 全港首创「当店精米」 葵芳惹味海鲜铁板烧
2. 占地三层!九龙城新开日式料理 一次食匀寿司+铁板烧+ 炉端烧
3. 无添加面包、甜品、茶饮 品谷湾仔全新概念店


材料方面就以各款特色菇菌类做主打,羊肚菌系一种珍贵嘅野生菌类,对肾脏好同有健脾等功效。榆耳片就因为纤维较细,所以有便秘问题食嘅人就最啱。另外仲有百灵菇同鲜竹笙等选择。全部菇菌类菇味香浓,而且仲吸哂汤好入味!






对於平时食开荤嘅人嚟讲,都有菜饺、素包心丸、素虾丸同素蟹柳过下口瘾,菜饺会用时令蔬菜制成,所以每次食都会有唔同~



饮品有特色黑麦汁同鲜果汁拣,酱料区方面建议可以试下花椒油,食落有阵阵花椒香气,好惹味!价钱方面跟据汤底而变,大约二百几蚊就可以任食Menu上嘅野(特色菇菌类除外),以半山区嚟讲算好抵食!




心斋

地址: 半山花园道51号科达中心3楼


文:Yanica

相、片:Tom Li



关键字
素菜
火锅
中环
半山
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
7天前
全城抗炎!屋企都叹到三层架下午茶 Tea Set外送/外卖自取推介
1天前
悠闲时光 9月份下午茶推介
2020-09-02
【2020中秋】台式流心奶皇、电车限量版月饼 早鸟优惠及限量预购精选集合 (不断更新)
2020-08-20
和牛及海胆主题菜单 尖沙咀西京烧専门店夏日新菜式
2020-09-02