全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07

疫情第三波爆发,大家又要乖乖地Stay At Home喇。不过唔系个个都有时间煮,或者有时在家都想食好啲,开饭仔继续介绍更多送上门嘅懒人煮食包或套餐畀大家,就算「Stay Home」都有得食大餐!


懒人煮食包Part1: 全城抗炎!喺屋企做大厨 懒人煮食包/套餐集合文


Habitu 自家煮出好味道

HABITŪ於今日全新推出「HABITŪ at HOME」自家煮系列,厨师团队会率先为客人准备好一份份不含味精、无添加嘅新鲜食材包,只要落单,最快5小时内会将食材送上门。自家煮系列主打适合两口子享用的嘅「温馨二人自家煮套餐」以及多人分享嘅「合家欢自家煮套餐」,二人餐包括牛油果烤鸡凯撒沙律、烟肉忌廉意粉及脆皮三文鱼扒;而合家欢餐就有烟肉三菌薄饼、焗一焗谷饲鸡、番茄肉肠宽面、香烤厚切猪鞍扒及野菌椰菜花不是饭。全部制作方式亦相当简易,个个都可以做厨神!


Seafood Hong Kong 亚拉斯加长脚蟹送上门

有无谂过原只亚拉斯加长脚蟹都可以送上门呢?呢间海鲜速递专门店推多款外卖套餐,呢个包罗万有海鲜套餐除咗有多款海鲜,包括青龙虾、特大蛏子皇、大鬼虾、鲍鱼、大花甲,皇帝蚬、大桶蚝、时令鲜鱼两条、其他丸类及蔬菜外,仲有一只亚拉斯加长脚蟹,都只系$2288!而且所有海鲜都经过严格处理,唔洗自己洗好方便!另外只要加成本价就会送埋个火锅同蒸锅两用嘅炉畀大家。

订购方法:WhatsApp下单9882 9505


Yakinikumafia 尾崎和牛套餐

最近登陆香港,来自日本嘅过江龙,人气烧肉店wagyumafia副线品牌Yakinikumafia都推出外卖烧肉套餐!「Home Experience」烧肉套餐分二人餐及四人餐,可以食到尾崎和牛肉眼扒同埋有齐霜降、中等及赤身嘅尾崎和牛烧肉拼盘,另外仲有新鲜胡麻沙律、松露盐烧枝豆、二人份越光米饭、二人份「Big Eye」烧烤酱 (烧汁连日本蛋黄)、腌青瓜及日本大根伴柑橘。如果烧肉太大阵仗,都可以Order两款Grilled Yakiniku Bento及Keema Curry Bento! 

订购方法:31051250 下单(速递至香港岛收费为港币120元,速递至九龙收费为港币180元)


烧鬼Yaki Oni 日本高质和牛 

宅在家中都品嚐到日本高质和牛烤肉!呢间以鬼怪作主题嘅日式烤肉放题都推出外卖烤肉套餐,设有由一人至四人分享嘅份量。除咗A4和牛外亦包括海鲜 如广岛蚝、帆立贝、一系列日本刺身同日本料理。外卖服务亦配埋专用嘅烤肉炉同埋三款自家制酱汁,包括苹果柚子红酒烧汁、辣味噌酱同特色葱油酱,等烧肉控喺全民居家抗疫嘅日子,都享受到日式烤肉体验。

订购方法:WhatsApp致 (852)6333 3938 或 (852)60236643;於烧鬼Facebook/Instagram或致电餐厅落单


宝湖厨庄   无添加7日保健懒人汤包

几时都话汤水好重要,功效多多。不过就唔系个个都识煲,或者有时间煲。呢几款懒人汤包就啱晒,倒出嚟,简单加热,话咁快就饮得。7日抗疫保健汤包装有7款汤,例如南瓜合桃素汤、海底椰孢子虫草花炖乳鸽、胡椒猪肚汤等,一日一款,养颜润肺、健脑强肾、滋阴润燥等都齐晒!买满指定金额仲有免费送货服务添。
订购方法:官方网站 (按此) 或 Aeon/MarketPlace/一田等超巿


花胶妈妈 养身美颜炖汤

香港人咁忙碌,好多人都无时间煲返碗靓汤畀自己或屋企人饮。有见及此,一位妈妈因为感同身受,就创立咗呢间以花胶作主题嘅炖汤网店,都系以养身同提升免疫力为主,老少咸宜对女性特别好。所有汤款都系真空包装,汤底连汤料冷凝成啫喱状,不添加任何糖同防腐剂,可冷藏摆放长达 12 个月(由生产日期开始),即日订购即日发送,订满8包仲有得免运费送货。

招牌四款皇牌汤水包括括虎乳灵芝鳄鱼肉川 贝海底椰猪𦟌炖花胶筒汤、响螺柱贝象拔蚌猪𦟌炖花胶筒汤、响螺柱贝虫草花炖三黄鸡花胶筒汤同埋虫夏草花旗参猪展红枣桂圆炖鸡泡鱼胶汤,款款都放入南非大花胶筒,足料清甜。

订购方法:https://www.momstew.com/


酒锅 全新鸡煲系列

呢间时尚火锅店就一向都有外送到府服务~但最近出咗全新鸡煲系列,包括「酒锅秘制鸡煲」及「韩式风味鸡煲」,两款都香浓惹味。亦设有二人及四人套餐,套餐除咗以上两款鸡煲外,火锅配料则包括全新推出嘅黑松露虾蟹饺2.0同即炸手工双层芝士汉堡味向铃卷,加埋精选杂锦肉类拼盘、新鲜带子、三色鲜制生面、金沙咸蛋炸鱼皮及蔬菜拼盘等,好丰富!而家仲有限时优惠,下单时输入优惠码「TDPSD」,即可享所有火锅单点汤底及配料八折优惠。如惠顾满港币2,500元(折扣後)有得免运费。

订购方法:www.tdpdelivery.com


Yeah express 铁板烧烤 宫崎 A4 和牛

食肉兽无得出街食,可以试吓呢间网站嘅铁板烧烤套餐送上门服务!所有食材都系精心挑选,来自世界各地,设有二/四/六及八人餐,无论系两个人食定大家庭食都无问题,仲有特意为锺意食牛嘅朋友而设嘅牛魔王套餐添!招牌包括日本宫崎 A4 和牛肉眼,入口即溶口牛味亦浓郁;鹿儿岛 A4 薄切和牛片油花分布均匀,特别推介翠玉瓜出产自本地农场,香甜多汁。屋企无炉具,只要加成本价就会送埋炉具畀你,抵食又方便。

订购方法:WhatsApp下单9570 8206


LPM Restaurant & Bar 家中叹滋味法国菜

想喺家中浪漫吓,连法国菜都有得Order送上门!呢间餐厅首次推出外送服务,「LPM at Home」餐单包含多款菜式,如餐厅名菜橄榄油浸大虾同布袋芝士配新鲜Datterini车厘茄,仲有餐厅自创法式椰菜沙律嘅变奏版法式苹果椰菜沙律等。所有菜式同配料均以可生物降解餐盒盛载,并会放入印有LPM标志嘅不织布购物袋内,够晒环保。订单消费满港币800元,餐厅会附送新鲜出炉嘅长法包同餐厅标志性餐桌布置,当中包括一枝橄榄油、一个红番茄及新鲜意大利柠檬,於家中都享受到法式风情!

订购方法:https://bbot.menu/lapetitemaisonhongkongpickup/


鼎王麻辣锅 麻辣鸭血锅

来自台湾嘅人气麻辣锅,而家都终於推出咗全港外卖服务!必试有麻辣鸭血锅同酸菜白肉锅,单点配料方面推介香港独有嘅鹿儿岛日本A4和牛、日本黑豚肉、日本黑豚手打丸、干贝滑、老油条同埋豆皮,买满六百蚊起仲会赠送配料。

*消费满$600起可享用「鼎王全港送」服务,运费由客人到付,可以於落单前向店员取得参考运费
*外卖消费满$2,000免运费

订购方法:
「鼎王全港送」WhatsApp专线(请点击):https://wa.me/85295293885?text=我要订鼎王全港送
(专线只限Whatsapp联络)


摩芽鸡蛋仔 即食热辣辣鸡蛋仔

有无谂过安坐家中都随时都食到热辣辣同脆卜卜嘅鸡蛋仔?呢间鸡蛋仔专门店最近就推出咗呢款急冻鸡蛋仔(一盒两底),三个选择分别系原味、双拼(朱古力+原味各一底)及双重朱古力,可以用气炸锅及微波炉加热,热辣辣鸡蛋仔唔再系扫街先食到喇~

订购方法:官方Facebook留言


一居.板烧外送 铁板烧懒人包

呢间外卖铁板烧食物会连炉具、工具及调味料送埋上门,啱晒各位懒人!供应二人及四人餐,已包含各款肉类及蔬菜,惊唔够食仲可以加点,如澳洲M7和牛西冷、美国安格斯肉眼、矶烧鲍鱼、北海道帆立贝及芝心虾饼,咩都唔使做就可以喺屋企叹烧肉!

订购方法:https://www.yatkui.store/


牛大人 台式火锅送上门

呢间台式火锅日日都大排长龙,早一个月都未必订到座,咁不如用佢哋嘅送上门服务喇。净系汤底已经有八款选择,推荐招牌红烧牛骨锅、秘方麻辣锅及台湾凤梨鸡锅,配料仲有多款台湾手工水饺、台湾直地在送浆类同台湾特色小吃,食完真系觉得自己去咗台湾咁。

订购方法:

中西区、湾仔区、东区、南区
Whatsapp:39539340落单

其他地区(包括深水埗区、九龙城区、黄大仙区、观塘区、葵青区、大埔区、沙田区、油尖旺区、元朗区、北区、屯门区、将军澳)
Whatsapp:39539330落单


ChumPlus 即食懒人煮家饭

如果唔想煮又想食住家饭,可以考虑呢间送上门即食餸菜包。选择有成四十几款,无论系港式系列、享辣系列同手工系列嘅餸菜都有,包括榄菜肉松四季豆、梅菜蒸肉饼、梅菜扣肉、豉汁煎封苍鱼同西班牙黄油春鸡酿糯米等等,只需要浸热水或用微波炉加热就得,太方便喇~

订购方法:https://www.chumplus.com/


Meraki Hospitality Group 跨餐厅点餐配送服务

呢个集团旗下三间餐厅,主打中东菜嘅BEDU、巴西与日本菜融合嘅Uma Nota及最近开嘅Comfort Food餐厅Mamma Always Said同时推出港岛免费配送服务,晚市2人组合套餐只需$200或$380就可以试到餐厅招牌菜式。贪心啲想试晒三间餐厅,集团仲提供跨餐厅点餐配送服务,客人可以随心选择三间餐厅嘅不同菜式,再一并送到。

订购方法:下单请直接WhatsApp +852 6379 9748





文: Yanica

相: Tom Li、餐厅官方相片

关键字
全城抗炎
外卖材料包
烧肉
火锅
炖汤
法国菜
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2天前
【订座感谢祭】 快闪$20餐饮券第八弹 激抵烧烤优惠
2020-11-06
【2020圣诞】奖励自己 圣诞自助餐推介
2020-11-19
【2020圣诞】休闲打卡 圣诞下午茶推介
2020-11-16
Wine & Dine 2020预告 免费网上学品酒 精选品酒套装率先睇
2020-11-19