全城抗炎!禁吧令下 酒吧、酒厂变招 喺屋企都可以饮到生啤!
2020-04-08

「禁吧令」自上星期五生效後,最大影响除咗系一众酒吧业界嘅朋友外,相信仲有热爱啤酒嘅啤迷。虽然有部分餐厅仍然能够提供酒精饮品,但一嚟有得饮嘢嘅地方少咗,二嚟始终都系留喺屋企饮安全啲嘛。有见及此,有多间酒吧餐厅、酒厂相继推出「外卖啤酒」服务,令一众啤迷即使喺屋企,都可以饮到接近喺舖饮嘅生啤,一解酒瘾。

真空啤酒机  Tipsy Tap

尖沙咀呢间酒吧餐厅,一向深受手工啤迷欢迎,佢哋更拥有全港惟一嘅「啤酒外卖系统」,就系由俄罗斯引入嘅真空啤酒机。呢台真空啤酒机会先喺樽内打入二氧化碳,令樽内维持真空状态,避免因氧化改变咗啤酒嘅味道。斟嘅过程完全密封,封好盖後,就放入保温袋,啤迷直接拎走又得,喺屋企落单等直送又得,得咗。

送到屋企嘅手工啤酒,最多可以保存7日,但当然愈新鲜饮就愈好啦,倒出嚟仲有气有泡㗎!IPA、Stout、酸啤等等全部都有得拣,最新上keg嘅有果味浓郁嘅酸啤Redwood 2018(Wild Beer Co)同顺滑甜香嘅黑啤Silent Whisper(Brewski)。讲多样嘢你哋听,外卖2支有9折,4支免运费,6支仲会送杯添!

高质保温瓶   Blue Supreme

上环呢间酒吧餐厅系餐厅牌照,可以继续营业,不过佢哋亦有提供外卖新鲜手工啤酒嘅服务。啤迷可以自携器皿,或者选用餐厅提供嘅双层不锈钢保温瓶(买又得,畀按金又得)或双层不锈钢杯装走,分别系2L同600Ml,由美国制造,其中个growler仲可以保冷12-24个钟添,就算住到几远,返到屋企啲手工啤酒依然系冰冻嘅状态。

Tap头上嘅手工啤酒有local同外国嘅选择,除咗大家都熟悉嘅Carbon Brews、少爷、heroes等品牌外,呢排仲有比较少地方饮到嘅Symmetry,Mala Jiang Ginger Beer,呢款一闻落就有好浓烈嘅姜味,饮落微辣爽口。

入罐外卖   掌门精酿啤酒

 图:餐厅官方Facebook

来自台湾嘅精酿啤酒店,最新引入咗一部罐装机,斟入啤酒後随即新鲜入罐、封盖。餐厅暂定4月17号先至开返门营业,呢段期间,就有几个指定日期返舖供应外卖啤酒,啤迷mark实4月10、15号呢两日落舖喇。

爱好酒花香嘅朋友当然要拣佢哋嘅Double IPA啦,双倍嘅酒花香味爆发,甘中带香。不过要留意,IPA唔放得耐,要尽快饮啊!

入罐外卖   The Madhouse Taproom

 图:餐厅官方Facebook

旺角呢间主打外国手工啤酒嘅taproom,同样新增外卖零售啤酒服务,20款on tap嘅craft beer同埋craft cider全部都可以入罐做外卖,拎到返屋企大约可以放3至5日。不过都系嗰句,愈早饮愈好饮!

锺意饮过桶嘢嘅话,挪威Double Stuffed Bourbon Barrel Aged(Amundsen Bryggeri)就啱晒,呢款dessert beer好似Oreo同朱古力咁甜㗎。另外,Split Shift(Fierce Beer) 则系一款用咗成4款啤酒花酿制嘅IPA,香到不得了,微微苦咁啦。啤迷每日17:00至22:00期间,可以去到舖头拣酒拎走~

酒厂直送   H.K. Lovecraft

 相片由酒厂提供

除咗酒吧做外卖生啤外,连酒厂都有提供呀。仲要系直接由酒厂内嘅keg头入樽直送,够晒新鲜!呢个「from brewery to home」嘅服务,由酒厂直接入酒落1.5L嘅保冷瓶内,每次送2个,总共送4次。饮完嘅growler,喺下次嘅送酒日时放喺屋企门口,酒厂就会换上另外2个入满酒嘅新growler,全程零接触,仲会送多只靓靓嘅3D雕刻杯添。

酒款选择包括佢哋嘅常设lager款式:Helles、Vienna Lager、Doppelbock、Rauchiber同Dunkel。每次叫唔同款都得㗎。Helles清爽、Vienna Lager顺滑、Doppelbock甜香,即使系lager,都各有风味呢!


文、相、片:Kar


关键字
全城抗炎
酒吧
禁酒令
尖沙咀
旺角
上环
生啤
手工啤酒
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
情人节爱意满泻 甜蜜蜜堂食/外卖下午茶推介
2021-02-01
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10
1月份好评餐厅十强
2021-02-09
食肉兽必收藏!牛年到 五间品牛餐厅介绍返
2021-02-11