全城抗炎!将屋企变Cafe 网购咖啡包/冷泡茶/甜点推介
2020-07-20

第三波疫情爆发,大家都多咗时间留喺屋企,但偶然咖啡瘾起,或者挂住去Cafe Relax下嘅感觉点算好?其实只要花啲心机,就可以将屋企变成Cafe!香港有唔少咖啡同茶嘅品牌可以网上订购,唔需要专业工具都可以冲到杯优质咖啡或者冷泡茶。再配埋件蛋糕,安坐家中都可以享受下午茶。
 

咖啡挂耳包推介

本地新咖啡包品牌  CAYU Coffee Company


香港新创立嘅咖啡品牌,目标系简化大家喺屋企冲咖啡嘅步骤,钻研後就推出三款挂耳式咖啡包!分别系按唔同心情品味唔同产地风味嘅The Mood系列,将甜点嘅气息糅合到咖啡当中嘅The Sweets系列,同喺苏格兰用威士忌酒桶陈存一段时间以吸取精华嘅The Whisky系列。

订购方法:透过FacebookInstagram私讯,或致电 / WhatsApp 至5621 5013订购
 

当季咖啡寄上门  Brew Note Coffee Roaster


佢哋唔单止系北角一间自家烘焙咖啡馆,亦有将烘焙嘅咖啡放上网畀大家订。挂耳包有两款,House Blend糅合哥伦比亚豆嘅蔗糖甜度,衣索比亚古吉豆嘅莓果风味,巴布亚新几内亚豆嘅苹果果酸。想特别啲可以拣Adventure Box,由烘焙师精选当季嘅单品咖啡,每次都有惊喜!

订购方法:网上预订 - https://brewnotecoffee.com/
 

台湾到港咖啡香  Artista Perfetto


品牌从台湾回流到铜锣湾开店,咖啡就依然坚持喺台湾烘焙,将当地嘅咖啡文化同感觉带嚟香港。挂耳包House Blend一样有两款选择,01系中浅烘,花香、莓果茶感较重嘅Fruity;02系中度烘焙,带朱古力、坚果味嘅Nutty。

订购方法:透过Facebook私讯,或於好生活网店订购 - https://goodlife.com.hk/brand/artista-perfetto/  
 

惊喜9+1咖啡包  Coffeed


咖啡期刊啡闻开设嘅Pop-up咖啡生活馆因应疫情推出在家冲啡包邮寄9+1优惠,会喺多个产地当中挑选九款,再加一款神秘咖啡豆组成Surprise Set!唔单止可以试多啲唔同地区、处理法嘅咖啡,加上咖啡全部都系嚟自本地咖啡烘焙店,支持本地生产。

订购方法:WhatsApp至5741 6875订购
 

冷泡茶推介

多款口味冷泡茶  Tea Express Bar by Jrink


夏日炎炎最啱饮冷泡茶,茶包只要用常温水放喺雪柜浸泡八个钟就饮得,超方便!加上冷泡方式所释放嘅咖啡因同单宁酸都比较低,饮落亦更清爽更甘甜呀。呢个品牌从多个国家严选原材料,配搭成唔同风味嘅茶包,好似桂花乌龙、茉莉铁观音、玫瑰红茶等,总有一款啱心水。

订购方法:网上预订 - https://bit.ly/32uVbqj  
 

新出冷泡桃灼乌龙  上林茶舍


上环呢间手冲日本茶吧亦新出两款冷泡茶包,桃灼乌龙带天然嘅蜜桃果味同清新花香,桃灼红茶同样有果香但增添一层糯米香更独特!两款茶包嘅建议冷泡法系两个茶包加500mL水,放喺雪柜2-3个钟就完成喇。

订购方法:网上预订 - https://www.greenginkgotea.com/shop 
  

甜点推介

新出茶香卷蛋  小念头


旺角呢间主打茶香蛋糕嘅甜品Cafe有开网店,热卖嘅铁观音芝士蛋糕、焙茶双层芝士蛋糕都有得订。最近仲新出两款口味嘅卷蛋:伯爵茶香橙卷蛋,同朱古力铁观音卷蛋,前者嘅伯爵茶忌廉配搭香橙酱感觉清爽,後者有朱古力淋面同铁观音茶冻口感丰富。

订购方法:网上预订 - https://littleideacafe.com/ 
 

新鲜制作蛋糕+纯素甜点  JOMO


呢间喺西营盘同将军澳都有分店嘅Cafe亦可以喺网上预订佢哋新鲜制作嘅手工甜品,原个蛋糕推介黑芝麻戚风蛋糕,用台湾黑芝麻制作,口感轻盈甜而不腻!另外亦有今年大热嘅巴斯克焦香芝士蛋糕。而纯素甜点就有柠檬挞、咕咕霍夫等选择。

订购方法:最少3天前网上预订 - https://www.jomocnc.com/shop 
 

健康纯素蛋糕  the vege lab


如果对蛋奶敏感嘅朋友,出街搵纯素蛋糕都唔容易,观塘呢间甜品店就标榜健康纯素,不含鸡蛋、牛奶、牛油或动物成份,加上使用有机食材,好似无漂白面粉、日本米粉、墨西哥有机龙舌兰蜜、有机云呢拿油等去制作。另有蛋糕、挞、曲奇等唔同选择。

订购方法:网上预订 - https://thevegelab.com/ 
 

梦幻无麸质蛋糕  Infiniti C


呢间咖啡店嘅蛋糕亦好受欢迎,唔少人会特别去试佢哋嘅Signature Earl Grey Cream Cake,浅蓝色嘅轻盈忌廉下面系茶香浓郁嘅伯爵茶蛋糕,本身系无麸质,如果系食纯素嘅朋友亦可以另外订购纯素版!另外亦有其他纯素、甚至适合生酮饮食嘅蛋糕,照顾唔同需要。

订购方法:用指定手机程式或亲临分店外卖自取




文:Cathy
图:官方网站截图

关键字
全城抗炎
咖啡
挂耳包
冷泡茶
蛋糕
纯素
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
情人节爱意满泻 甜蜜蜜堂食/外卖下午茶推介
2021-02-01
【随时更新】零食速报 每周新款零食、酒品点评
2天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10
1月份好评餐厅十强
2021-02-09