而家唔少人都减少咗外出用膳，或者home office，如果唔识煮饭嘅，就得返「嗌外卖」呢一条路啦~只系餐餐都食两餸饭咁食到好寡，间中想食餐好嘅？不是梦啦！而家各区酒店都有推出外卖服务，喺屋企一样可以食到好西！

6-20人到会套餐  Bayfare Social

呢间酒店推出6人、10人同20人嘅到会套餐，虽然冇佢哋最受欢迎嘅海鲜拼盘，但食物一样好丰富，有沙律、三文治、蛋糕等，喺屋企嚟个「酒店级」嘅小聚都ok呀！除咗到会套餐，仲提供午餐同单点小食~

酒店级点心 明阁   

而家喺屋企都一样可以食到酒店级水准嘅点心啦！呢间酒店推出超过20款精选点心，包括养生三色饺、流沙包、肠粉等。仲有各款粤式小菜添，唔少菜式都要几复杂嘅做法，好似虾籽柚皮扒鸭、虾籽扒原条海参等。妈妈日日煮饭都攰喇，不妨嗌个酒店外卖帮轻下啦！

高级烧味饭 富豪轩 

呢间酒店同样提供各式粤菜同点心，特别设有午市套餐，包括两款点心，加一款自选炒面或饭。点心选择都算多，有虾饺、糯米包、鲜肉小笼包等。而炒面饭就有12款选择，有金牌贵妃鸡饭、蜜汁叉烧饭等。

观塘多国菜 forte   

太耐冇出过街食饭，咩都想食嘅，呢间酒店推出嘅多国菜就啱晒你！佢哋提供嘅午市套餐，包括前菜同main course，有鲜茄肉酱意粉、西班牙黑豚肉汉堡、海皇酱海鲜炒饭等，食完一餐好嘅，就算WFH都有精神啲先啦~

文：Kiko
编：Kar