佐敦酒店新buffet出场!生蚝龙虾等海鲜6大必食回本位
2018-05-13

位於佐敦嘅逸东酒店最近装修重开,变身成型格路线之余,仲新开自助餐餐厅The Astor。逾千尺嘅自助餐新场,有生蚝、龙虾、蟹脚等冰冻海鲜,又有即烧海鲜、串烧、天妇罗,以及多到数唔晒嘅抢眼甜品位,速睇有乜6大必食位先。

1.冰冻海鲜

Buffet迷最紧张嘅,当然系冰镇海鲜啦!首先出场嘅有即开生蚝,每晚供应3个不同国家嘅生蚝品种,采访当晚有:美国东岸Blue Point生蚝、澳洲Coffin Bay生蚝以及法国Fine De Claire生蚝。三款生蚝各有特色,有大只有鲜甜有爽口,任君选择,加上refill速度快,生蚝迷肯定锺意。

其他海鲜有龙虾、长蟹脚、面包蟹等,每款都鲜甜多肉,亦系狂擦之选。至於调味,除咗常见嘅柠檬、cocktail sauce之外,仲有8、9款特色酱汁选择,如柑橘酱油、红葱头醋、越式冧汁等。

另一边厢,喜爱日本菜嘅刺身绝对唔少得,三文鱼吞拿鱼油甘鱼甜虾北寄贝三文鱼子样样齐,开饭仔必食推仲有加拿大珍宝牡丹虾杯,虾身够大只厚肉,口感一流。寿司方面有3-4款由餐厅师傅自家设计嘅创意寿司。

2.热食海鲜

我知我知,海鲜迷梗系挂住豪食冻海鲜,佐呢度嘅热煮海鲜亦好出色,款式比一般餐厅为多。喺生蚝区隔离就有个即烧海鲜档,每晚至少有3款海鲜,如烤菲律宾龙虾尾、带子大葱等,仲有清蒸青口海虾蚬、蒸乌头、辣炒海鲜、三文鱼头汤等。

3.即炸天妇罗、日式串烧

即叫即煮嘅日式串烧、天妇罗滋味非常,天妇罗会喺受到客人柯打後先开始炸,够晒脆卜卜;而串烧有鸡翼、鸡软骨等人气款式,现场亦见不少食客密密拎,正!旁边仲有不少调味料,有芝麻盐、绿茶盐、咖喱盐、盐、七味粉、黑椒等,喜爱「混酱」嘅食客们可逐一试味。

4.即切靓肉

餐厅特设非常专业嘅烧烤炉,只要转动烧烤炉旁边嘅转轮,烧烤炉就会升起,厨师就可以不同火力去烧各款肉扒。采访当晚有澳洲肉眼扒、牛仔扒等,旁边亦设黑椒汁、肉汁酱、芥末子、法式芥末酱等调味。

另外,餐厅特别引入原只36个月嘅西班牙巴马火腿,喺客人面前即切即分,都几少见。火腿薄而咸香,配芝士口感更佳。


更多【新店直击】:
1. 黄埔新开鸡翼专门店 必试招牌玫瑰+创新鲜柠七口味
2. 生煎皇后初登场!主打招牌皇后汤面五色水饺
3. 7/5起试业!天天海南鸡饭新增和牛手卷赛螃蟹等小菜


5.印度波饼

讲紧嘅系印度烤饼,每晚由印度师傅炮制出烟韧十足嘅烤饼,师傅先将面团放进油镬,可不断将油洒在面团上,令面团迅速澎涨,睇落成个「波」咁。上碟後,烤饼会慢慢冷却而成烤饼样,好有咬口。另有6款印度菜式,味道都几正宗架!

6.甜品

甜品都有成20几款选择,有雪糕有蛋糕有糖果有朱古力,开饭仔推介有呢个即炒杂莓雪葩,味道清新微酸,可唤醒我哋「第二个胃」。

而且厨师将雪葩整成心形,好有心思,送畀女生实开心。另有即制法式crepe。

其他甜品有:意大利芝士饼、香柠果冻、荷兰白朱古力慕丝蛋糕、香芒椰子布甸、双层朱古力软心蛋糕、榛子牛奶朱古力慕丝蛋糕等等等等,多都数唔晒,好彩,款款甜品都做得几mini,试完一款都仲有大把quota试其他,放心。

餐厅设置雪糕机,用嘅系日本明治雪糕,有牛奶、咖啡及两沟口味,旁边仲有8-9款toppings,好味又好玩。

有部雪糕机都未够喉?可以试埋Movenpick雪糕,有成12款雪糕口味选择,每款试一球都觉得饱,抵晒!

小朋友最锺意嘅candy corner都有,细路开心啲,妈咪们都「有啖好食」啦!

Buffet设任饮5款汽水,而且仲系怀旧味浓嘅樽装添!另有啤酒任饮。


自助餐价钱
午市:(星期一至四)成人$238/位、小童及长者$188/位;(星期五至日及公众假期)成人$298/位、小童及长者$228/位
晚市:(星期一至四)成人$438/位、小童及长者$318/位;(星期五至日及公众假期)成人$488/位、小童及长者$358/位
注:另设加一;小童及长者年龄为3-11岁及65岁或以上。


普庆餐厅
地址:佐敦弥敦道380号香港逸东酒店B1楼


文:Joy

关键字
自助餐
酒店自助餐
buffet
海鲜
生蚝
龙虾
天妇罗
串烧
甜品
新店直击
走在最前线,为大家搜罗及报道有关新开餐厅的资讯。
餐厅资料
本月热门
情人节去K11 MUSEA 一文睇晒浪漫餐厅
2020-02-06
【随时更新】零食速报 每周新款零食、酒品点评
4天前
全城抗炎 与医护同行!提供医护餐饮免费优惠餐厅一览
2020-01-31
美国人气肉桂卷抵港!烟韧原味/朱古力/焦糖胡桃卷(有片)
2020-02-06
全城抗炎!60间餐厅推$0-$25酒精搓手液换购计划
2020-02-12