伦敦过江龙西班牙餐厅Aqua Nueva大馆开设期间限定店 必试得奖招牌五款口味炸丸子(有片)
2020-11-11

锺意睇靓景嘅朋友,应该都对位於尖沙咀、坐拥维港海景餐厅Aqua唔陌生。最近餐厅嘅姊妹店,於伦敦屡获殊荣嘅西班牙餐厅Aqua Nueva正式进驻中环「大馆」,喺现代英伦餐厅Statement位置开设为期三个月嘅期间限定店!Aqua Nueva伦敦本店坐落摄政街,主打新派西班牙小食、共享菜式及创新鸡尾酒,而今次香港pop-up亦有得食一系列嘅招牌菜。


招牌炸丸子Croquetas(五款口味)

讲到餐厅最招牌菜式,当然系呢个获奖名菜招牌炸丸子。呢味炸丸子有英国最佳炸丸子嘅称号,每款炸丸子皆为手工制作,外脆内软,一共有五个口味。曼彻格芝士黑松露炸丸子,采用嘅母羊奶百分百产自西班牙拉曼查高原,再配搭香气浓郁嘅黑松露,味道完美平衡;黑毛猪火腿炸丸子选用西班牙巴达霍斯黑毛猪,肉味突出;而野菌口味就较清新。


波士顿龙虾浓汤炸丸子口感软滑,完全系饮紧龙虾浓汤嘅感觉;而黑炫海鲜加入海鲜制成,又几惹味。


招牌西班牙辣汁马铃薯

千层马铃薯以一片片嘅薯仔叠起而成,制作过程需要三日,外层炸得香脆,而且薯仔味都好浓。配上番茄酱及黑蒜酱食味道更丰富。


招牌牛肋骨焗薯批配阿根廷青酱

呢道同样都系以千层马铃薯作底,上层再放上慢煮72小时嘅牛肋骨,肉质软腍,配上阿根廷青酱。阿根廷青酱系阿根廷独特酱汁,主要由荷兰芹、橄榄油同辣椒等材料制成。


更多【新店直击】:
1. 荃湾新开健康主题海景多国菜!自选三菜一汤午市定食+必食牛油果温泉蛋
2. 湾仔新开港日韩风一人一锅火锅放题 任食澳洲M6和牛肉眼 仲有海鲜盘+韩式炸鸡
3. 加拿大过江龙Crêpe第二分店进驻湾仔 新推出焦苹肉桂可丽饼、招牌红茶吉士口味


伊比利亚猪肉片配香蒜希梅内斯酱

用伊比利亚猪肉,呢只猪肉呈现大理石纹般嘅油花,有油香而不腻。猪肉呈微微粉红色,而香蒜希梅内斯酱更有助中和返猪肉嘅油香。


墨汁西班牙海鲜饭

同样都系餐厅招牌名菜,加入墨鱼、鱿鱼、蚬肉、青口及鲈鱼等海鲜煮成,鲜味浓厚,一班朋友分享就啱啱好!


餐厅亦从伦敦带嚟四款招牌鸡尾酒,包括以岩杯盛载的「Mi casa su casa」,由Grey Goose梨味伏特加、少许蜂蜜、柠檬及菠萝汁调制而成,再撒上黑胡椒,味道清新醒神。另一款人气特饮「Formentera Colada」加有Ciroc果汁冧酒、椰奶烈酒、Manzanilla雪莉酒,以及少许青柠和菠萝。经典鸡尾酒「Catalan Sour」当中嘅椰奶烈酒由HAIG Club威士忌、栗子、蛋白、柠檬及蜂蜜制成,并於面层添上吉士焦糖。「Nueva Spritz」将伏特加同接骨木花糖浆完美结合,然後加入即磨胡椒,再混入西班牙气泡酒及青柠,配埋青瓜口感清新。


Aqua Nueva(Statement位置)

地址: 中环荷李活道10号大馆1座1楼






文: Yanica

相、片: Calvin Kwok


关键字
中环
大馆
过江龙
西班牙菜
期间限定
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2天前
悠长假期 复活节下午茶推介
2021-03-26
【2021生日优惠】超爽着数!免费任饮任食日式烧肉/火锅(持续更新)
2天前
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01
【最平$298最贵$938】佐敦新开日式和牛烧肉放题 独家引入鹿儿岛小田和牛
4天前