人气川菜旺角开4600尺旗舰店 一次食匀矶烧海鲜+麻辣小龙虾+麻辣鸳鸯锅(有片)
2019-05-18

麻辣锅店喺香港开到成行成市,无啲特色都几难突出重围!人气川菜川婆婆今次喺旺角开设占地4600尺旗舰店,餐厅装修同其他分店与别不同,以粉红同蓝色为主调,空间宽敞,食饭都食得舒服啲啦~食物方面都新增咗唔少菜式,如旗舰店独有嘅矶烧海鲜、小菜芒果酱炒辣子鸡、火锅配料及汤底。


新店最唔同就系多咗矶烧系列,贪心嘅开饭仔囡们就可以一边烧一边烚吓烚吓啦~食得矶烧主角梗系海鲜啦,餐厅供应海鲜烧烤套餐($288),有生蚝、日本大元贝、贵妃蚌、蕃薯蚬及开边虾,新鲜弹牙。烧蚝仲可以配埋秘制酱汁食。


招牌鸳鸯锅($138)

鸳鸯锅包括招牌麻辣锅同埋旺角新店先有嘅花甲菌皇锅。麻辣汤底减少使用牛油,改以啤酒取代, 健康之余又令汤底更加鲜味。 加上用大量牛颈骨、十几种四川香料熬制,味道麻、辣、鲜、香!入面嘅鸭血同豆腐都入晒味~


花甲菌皇锅汤底先用鸡熬制10小时,再加入珍贵嘅羊肚菌、红菇、白牛肝菌、黄牛肝菌、绣球菌、黑松露同竹笙等材料,最後加入花甲,菌味突出,有淡淡花甲鲜味。


牛羊猪杂锦拼盘($268)

想每样野都试少少,呢个肉类拼盘就啱晒!分别有安格斯牛肉、鹿儿岛黑豚梅肉同埋纽西兰羊肉。


牛肉上上签($98)

同样都系旗舰店先有!而且啱晒打卡用~牛肉分别有麻辣、孜然、泡椒味,配埋芦笋、淮山同玉米笋食口感更丰富。


鬼马芝士墨鱼胶($88)

自家手打墨鱼胶够弹牙,咬开後有大量芝士流出,味道香浓。


更多【新店直击】:
1. 全新港式菠萝油鸡翼!铜锣湾新开鸡翼专门店
2. 中环新开日式炭炉串烧店 资深日本师傅驻场 主打12款鸡肉部位
3. $25自制个人化黑啤拉花 GUINNESS期间限定醇黑体验馆


芒果酱辣子鸡($188)

除咗火锅同矶烧,餐厅仲有供应人气川式小菜,碟碟都大大份,一班朋友share就最啱!芒果酱辣子鸡又系新店先有!辣子鸡炸三次,加入特制花椒、辣椒及十三香粉,辣得过瘾!点埋芒果酱又系另一番味道,清新之余可减轻辣度。


十三香小龙虾(小$268 大$388)

小龙虾肉质结实弹牙,以十三种辛香料熬制,加入啤酒提升鲜味,真系会愈食愈上瘾!


柠檬酸菜鱼($198)

加入柠檬汁嘅酸菜鱼坊间真系少见啲,会多咗一份柠檬清香~特意选用二斤重嘅生鱼,肉质爽滑。 配埋四川老坛泡椒酸菜,味道又爽又辣又酸, 好惹味!汤底一样唔马虎,用鲜鸡熬制,加入黄灯笼椒、小米辣椒及南瓜茸,汤底又香又浓。


剁椒臭豆腐($68)

臭豆腐够薄,外脆内软,重点系真系好臭!加埋剁椒就更惹味~


附近返工嘅上班族有福啦!餐厅供应午市套餐,如水煮鱼($78)及安格斯牛肉小金锅($98)食完下午做嘢都有动力啲!


川婆婆

地址: 旺角登打士街56号家乐坊8楼802号舖




文:Yanica

相、片:Tom Li


关键字
川式
火锅
旗舰店
矶烧海鲜
旺角
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
4天前
至甜初夏 6月下午茶推介
2020-06-15
甜蜜蜜暑假 7月下午茶推介
2020-07-03
送A4和牛拼盘!最平$298任食两小时 铜锣湾新开鬼怪主题日式烧肉放题店
2020-06-22
【7月生日优惠】免费食酒店晚餐.免费粥底火锅
2020-07-02