京都昭和风吃茶店登陆旺角 必试自家焙煎虹吸咖啡+香港限定忌廉焦糖吉士布甸
2021-05-28

旺角最近新开一间走昭和风格嘅咖啡店,原来系嚟自日本京都、有超过半世纪历史嘅吃茶店!主打虹吸咖啡,用嘅系从日本总店直送到港嘅自家焙煎咖啡豆,确保品质。同日本吃茶店一样,亦有供应适合配搭咖啡嘅甜点,必食香港店独家兼限量供应嘅忌廉焦糖吉士布甸。
 


Sonia Coffee喺1970年,由长谷川慎一先生於京都创立,主要系供应自家焙煎咖啡豆畀同行,後来亦开咗间吃茶店,以家庭形式经营招待客人。旺角店系品牌嘅首间海外分店,用嘅咖啡豆100%由日本总店直送到港,都系由创办人长谷川先生同家族成员亲自焙煎!
 


小店嘅招牌系虹吸咖啡,皆因比起其他咖啡嘅冲煮方法,虹吸系以高温持续萃取,更能够将咖啡豆最原始嘅味道同香气突显出嚟,口感亦会更清爽、圆润。另一加分点系客人可以挑选自己锺意嘅咖啡杯,亦可以到吧枱前欣赏虹吸咖啡嘅冲煮过程。
 


虹吸咖啡(价钱按咖啡豆而定)

拍摄当日嘅系Mocha咖啡豆,闻起嚟的确有少少朱古力苦甜香,饮落咖啡香气的确比一般手冲咖啡更浓,Aftertaste甘味亦更突出。唔单止虹吸咖啡用嘅豆会不定期更换,连House blend亦会大约两个礼拜换一次,最近就系巴西同印尼嘅拼配,带果香之余甜度亦较高,适合制作Latte或者Americano。
 


忌廉焦糖吉士布甸($38)

喺京都店曾经作为期间限定甜品,而家就成为香港店独家!以新鲜鸡蛋加上鲜忌廉等制作,蛋香浓郁,加上焦糖嘅苦甜香味,相得益彰。口感软滑绵密,配香浓嘅虹吸咖啡一齐食就最啱。
 

更多【新店直击】:
1. 香港少见Detroit style pizza+流心蛋卡邦尼薄饼 上环新开美式风格咖啡店
2. 正宗潮州菜馆尖沙咀开新分店 必试招牌卤水鹅肉拼盘、蟹黄脆皮海参伴柚皮
3. 备长炭烧鸟专门店 多款鸡肉/内脏串烧 铜锣湾新开日式居酒屋

 


吃茶店原味松饼($58/1块,$88/2块)

标榜以全天然食材人手制作,选用上等蜂蜜、日本面粉、新鲜鸡蛋慢火烘成厚身松饼。口感紮实松软,蛋味香浓,配搭枫糖浆甜度啱啱好。
 


溏心蛋沙律吐司($48)

以烘过嘅丹麦吐司加上鸡蛋沙律同溏心蛋,吐司嘅牛油香同沙律酱嘅酸甜、鸡蛋嘅香味都好夹。配搭沙律亦可以解腻。
 


昭和雪糕梳打($68)

吃茶店嘅经典雪糕梳打,有巨峰葡萄、白桃,同甘王草莓三款口味,都有好抢镜嘅渐变效果,加上云呢拿雪糕,味道略甜但打卡一流。
 




Sonia Coffee
地址:旺角太子道西193号MOKO新世纪广场MTR层M52号舖
*试业期间内餐单及营业时间会不定期作出调整,请留意餐厅Facebook/Instagram




文、相:Cathy

关键字
旺角
咖啡
虹吸咖啡
布甸
吃茶店
Sonia Coffee
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2天前
【2021生日优惠】持续更新!7月寿星半价叹和牛烧肉套餐
2021-07-09
【恭喜张家朗、何诗蓓】多间餐厅立即推出限时优惠一览
4天前
投奔盛夏 7-8月份下午茶推介
2021-07-08
6月份好评餐厅十强
2021-07-06