返工太忙想去释放一吓压力？中环苏豪区最近新开一家小酒馆，除咗全天候供应葡萄酒、啤酒同鸡尾酒，亦集合世界各地的Comfort Food，连装潢以至餐碟都别具心思，希望令食客有如置身家中一样咁放松。大厨有多年於世界各地当厨嘅经验，所以好善於利用本地食材去制作出不一样的风味。
自家制 XO 酱炸鸡翼，炸鸡翼可以话系港人至爱嘅食物之一。呢度嘅炸鸡翼经过三次烹调，外皮口感特别香脆多肉汁，加入自家制XO 酱，味道微辣，有种港式避风塘的感觉。
烧章鱼配上西班牙罗曼斯可酱，选用章鱼脚，大大只但口感仍然软腍，西班牙罗曼斯可酱惹味但唔会盖过章鱼味道。另外锺意食海鲜嘅朋友可以试埋King Prawns，虾肉爽口弹牙，配上西班牙香肠及曼彻格芝士更满足。
更多【新店直击】： |
BURRATA CHEESE，芝士控不可以错过呢个布拉塔芝士波波，芝味好浓！配埋酱汁食又无咁腻。
妈妈成日都话唔可以空腹饮酒，所以呢道POTATO CRISPS & JAMON最啱送酒食啦。
想嚐一点甜，热情果椰子果冻芝士蛋糕外型够晒吸睛，外皮铺上一片片蛋糕卷，中间系热情果芝士及椰子果冻，整体味道清新。
另外餐厅同本地生产商合作并於餐厅内设有零售区域，食客可以直接购买厨房所用食材、本地新 鲜蔬菜、本土品牌货物以及 Meraki 自家制产品。仲可以用相宜价格选购葡萄酒，甚至连秘制意粉酱汁都有。
地址: 中环卑利街42号地舖
文: Yanica
相、片: Tom Li