不可不试 高质日菜餐厅推介
2019-11-04
中上环一向都是系港人嘅周末好去处,不过除了行大馆同画廊之外,附近其实都有唔少特色餐厅值得一试㗎!今次让小编就同大家就访上环一带,寻找上环美食好去处!今个周末不妨放低令自己喘不过气嘅工作,嚟品嚐美食之余,过一个庸懒休闲嘅下午呀!

Tanigawa (上环)    
位於酒店内嘅「Tanigawa」,有格调又有高私人度。由前四季酒店日本餐厅行政总厨日本藉师傅Shigeru Tanigawa主理,以高级日式料理为主打,主要提供精致嘅厨师发办 (Omakase お任せ),以最基本嘅方式烹调出最新鲜嘅食材,店内所有食材都有一半食晒,碟碟都摆碟精美,配搭特别,每碟皆可见师傅嘅用心! 今次小编就试咗近期嘅厨师发办套餐入边嘅几款:

(季节性)露笋 鱼子酱 鱼珍味
和食加上鱼子酱同发酵鲣鱼酱,配搭非常新鲜,和风得嚟又有fusion感!

(季节性)吞拿鱼 白身鱼海胆 刺身 鳗鱼寿司
店内水产皆由日本空运新鲜直送,保证新鲜,入口鲜甜美味!

(季节性)牛蒡 香草炸 喜之次鱼
用筷子夹开鱼皮,隐约听到炸脆嘅声响,配着草药盐同萝卜蓉吃,分外鲜嫩。再配埋炸牛蒡一齐食,仲有助油腻感!

(季节性)和牛 蕃茄 鉄板烧
牛脂分布均匀,师傅巧妙咁煮到啱啱好,表面酥香,质地柔嫩多汁,入口肉味浓郁,油香突出!

(季节性)无花果 抹茶雪糕 树苺
用顶级日本抹茶粉去做,细致滑溜,甜中带微涩,奶香茶香并重嘅抹茶雪糕,加埋无花果蜜饯同红豆蓉,系大餐嘅Prefecf Ending!  

Mr. Teppanyak (尖沙咀)   
铁板先生以主打日式铁板烧,晚市供应多款价位嘅铁板烧套餐给客人选择,店内设有新鲜水缸,海鲜即食即活捉,保证新鲜。师傅会於吧台烹调铁板料理时同客人互相交流、确保食物啱客人口味!亦用上十多款材料自家调制酱汁比客人选择,非常有heart!

铁板活龙虾
师傅会即时系鱼缸捉龙虾出来,保证新鲜!更会问客人需唔需要影相呃like,非常贴心!师傅仲刀功一流,简单咁用两个小铲就可以将龙虾清理好,虾肉块块大小一样,切件成个过程令小编目不转睛!龙虾香到令人食唔停口! 

北海道带子皇
日一斤得两只,手掌咁大只嘅新鲜北海道带子皇,简单地加入清酒、豉油、盐、 胡椒等煎至外脆内软,香气扑鼻,入口鲜甜无比!

香煎银鳕鱼
师傅有功架咁将银鳕鱼煎到色泽金黄又香口,鱼皮超脆鱼肉嫩滑,仲带点juicy,配上微酸嘅酱汁,仲可以提升银鳕鱼嘅鲜甜味!

南非活鲍鱼 
鲍鱼原只系客人面前即剥壳即烧,富有浓浓嘅天然海水味,简单撒上海盐同黑椒 , 再加上清酒炒 香同切粒 , 入口鲜嫩弹牙 ,啖啖清新海水味 , 还有微微酒香, 肉质爽弹牙,又鲜又香 !

马来西亚黄金老虎巨虾
马来西亚黄金老虎巨虾只只都近一尺长,出名爽口、鲜甜、虾膏!师傅手势纯熟咁将虾头同虾身分开, 三两下动作就将虾壳完全起出来,虾肉肉质鲜甜弹牙又鲜甜,虾头嘅虾膏被煮晒出嚟,沾系烘过嘅白面包上一齐食,劲香浓惹味!小编真系食到停唔到口!


金石寿司 (沙田)    
金石寿司系石门新开张嘅寿司店,装饰以原木色同黑色为主,墙上挂有多幅金黄色嘅银杏树画作,环境卫生又舒服。主厨兼老板之一嘅荣哥曾任湾仔万丽酒店松菱和食部主管,所以从选料到制作都一丝不苟,日本食材如北海道出产的根室海胆、日根岛吞拿鱼等通通用上,食材保证时令又新鲜,但价钱唔会离地,但求让客人可以以一个容易负担嘅价钱,食到高质素嘅日本料理!

金石卷
选用赤身同大拖罗制成呑拿鱼腩碎,加入日本长白葱喙芝麻提升香气,再加入天妇罗碎,难怪入口时囗感咁有层次!仲有金箔系面,又靓又好味! 

帆立贝博多
烧到半熟嘅北海道帆立贝,再配脆脆嘅白饭鱼苗乾,包埋紫菜ㄧ起食,增加香气同口感!正呀!

蟹膏豆腐
日本豆腐入口香浓软滑,用青瓜包着,上面放松叶蟹肉,一啖入口又鲜又滑!

矶烧海胆翡翠螺 
选用加拿大翡翠螺,再加上北海道海胆,入口鲜甜有囗感!

汁烧芝士竹轮牛肉卷
选用美国牛肉、车打芝士竹轮,再加入用牛肉煮3个小时先制成嘅自家制酱汁,绝对系心机之作!一咬入口又芝士爆出嚟非常特别!

海街丼 ( 九龙湾)    
位於九龙湾展贸中心嘅海街丼,主打筑地市场直送鱼获入馔嘅鱼生丼,亦提供各式熟食丼饭。格局简洁,环境光猛乾净,用上木质桌椅俾人一种温馨嘅感觉,全由日藉师傅主理,够晒地道有风味!

极上海宝丼 (海宝丼【特上】)
餐厅嘅招牌海鲜丼,有齐10几款海鲜,全部不经冰藏,直接由日本渔港空运到香港,真正带出鱼鲜味道!仲可以一丼三食,可先混合酱油同芥末,用嚟试试鱼嘅鲜味,当寿可饭吃到差不多嘅时候,可加入用鲜鱼秘制嘅「鱼介出汁」,混成茶渍饭咁享用。然後再将特制「寿可醋果冻」溶入米饭,享受寿司嘅味道!

吞拿鱼二色丼(マグロの二色丼)
丰腴的吞拿鱼蓉油脂香十足,加上麻酱,就香气十足,配搭鲜甜嘅三文鱼籽,同爽脆嘅青瓜一齐食,口感一流!

特上吞拿鱼蓉丼(うにトロいくら丼)
足足有10cm高嘅吞拿鱼蓉,啖啖甘香细滑,配上质感细腻,几乎入口即溶嘅海胆,再加上蟹籽、三文鱼籽,鲜味大大提升!快啲嚟感受依份澎湃海洋感觉啦!

海宝天妇罗丼 (海宝ばら天丼)
满满嘅甜虾、鱿鱼、白身鱼、小扇贝、茄子、甘薯同海苔,外层包面粉同鸡蛋沟埋嘅脆浆,炸到金黄色,入口香脆可口,鲜味极致!

心动不如行动!有兴趣就快啲约埋三五知己去叹下美食啦!快啲bookmark定啦!

*以上图片只供参考,所有食品以实物为准. 食品供应因餐厅而异

相、文:Tiffany
关键字
铁板烧
日式
套餐
新鲜
自家制
龙虾. 高私人度
高级日式料理
Omakase
厨师发办
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】便利店寻宝 每周新品速报
2019-11-08
给自己一个休息时间 10-11月下午茶推介
2019-10-25
鼎王来了!味道服务媲美台湾 必食麻辣鸭血锅及员工教路秘制鼎王饭
2019-11-01
粮尾打气!5间湾仔平价饭堂推介
2019-10-24
10月份好评餐厅十强
2019-11-05