七十年代的味道!女人街港式怀旧捻手小菜馆(有片)
2018-09-27

大牌档不嬲都系港人至爱,贪佢多选择又有气氛,最啱同朋友食住小菜饮返杯!旺角女人街最近就开咗间楼上小菜馆,无论装潢定食物都好有七十年代港式风味。



老板JOE本身喺香港同内地开火锅店,因为想试下开新类型嘅餐厅,又见到依几年怀旧主题风嘅餐厅盛行,就用三个月时间筹备,开咗依间女人街食饭公司。佢话餐厅入面嘅枱、櫈同地砖都系特登搵人订造,希望营造到最真实嘅怀旧气氛。



餐厅有唔少港式怀旧小食,如屋村三鲜($78),其实就系好多人都中意嘅街头卤水,分别有生肠、墨鱼同鸭肾,老板话佢地有一位员工曾经喺一间知名街头卤水串小食店做过,所以味道系一样架。


麻辣韭菜花猪红(68),唔会太辣,而且猪红好滑,如果可以再入味少少就更好!


台式卤水鸭舌($68),卤水味啱啱好,唔会太咸,餐厅选用新鲜鸭舌,所以鸭香味特别重。


想食镬气小炒必试铁板尖椒酱爆大肠($108),每日去街市买新鲜大肠,新鲜大肠比起急冻会簿啲、香啲同埋无咁肥,加埋尖椒大火炒熟後放上铁板,又香又惹味!


最难得系有砵仔鸡蛋焗鱼肠食,依味大叔焗鱼肠($98)工序繁复,已经唔系周围都有,鸡蛋上跟足传统加埋油炸鬼一齐焗,食落口外脆内软。


更多【新店直击】:
1. 幸福pancake登陆铜锣湾-松软原味、开幕限定抹茶味
2. 珍珠奶茶始祖 台湾着名过江龙春水堂抵港!
3. Little Bao铜锣湾开旗舰店 新增多款咸香创新素食菜式


另外仲有街头小食一口臭豆腐($58),老板向一间老字号臭豆腐生产商入货,炸紧嘅时候全个厨房都闻到臭豆腐嘅香味,而且细细粒够哂香脆!


老板亦都特意发明咗一啲新菜式,希望可以迎合下年青人口味,好似泰式盐焗乞衣鱼($188),用盐包起成条鱼再拎去焗,食嘅时候再拎鎚仔扑开佢食。鱼肉够滑,带有少少盐香味但又唔会太咸,配埋自制嘅泰式汁又几开胃。




椒盐粟米($68),大厨先将粟米炸过後加椒盐,食落甜甜咸咸,好香口!



黑松露虾多士($68),虾滑够弹牙,食落有阵阵黑松露嘅香气。



最後要试下呢个蟹子蛋白脆米炒饭($98),炒饭粒粒分明,蟹子份量好多,多咗份口感同蟹子鲜甜嘅味道!





而且餐厅连午市都有好野食,有依家好HIT嘅滑蛋叉烧饭,蛋好滑,加埋豉油送饭一流。另外仲有猪扒煎蛋饭,猪扒好大件有成寸厚,食肉兽可以念念佢!



女人街食饭公司

地址: 旺角通菜街1A-1L威达商业大厦1楼B室

文、相:Yanica


关键字
港式
小菜
怀旧
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2天前
【2021生日优惠】持续更新!6月寿星送海鲜拼盘
2021-06-01
$208起烧肉放题 空运「一头买」佐贺和牛 荃湾新开日式烧肉店
2021-05-20
《优秀开饭热店大赏2021》赛果公布
2021-05-24
5月份好评餐厅十强
2021-06-04