一鸡二食!鹿儿岛萨摩赤鸡寿喜烧套餐 铜锣湾日式简约风餐厅新菜单(有片)
2019-10-03

位於铜锣湾呢间日式餐厅,装潢以木系元素为主调,营造日本传统简约风,啱晒想搵个安静嘅地方舒舒服服食返餐嘅朋友。餐厅平时主打高级寿喜烧及日式火锅,同时供应多款时令寿司,如寿喜烧和牛寿司、日本和牛寿喜烧锅及日本和牛鳕场蟹锅等。


平时食寿喜烧就梗系配牛嘅~但主厨就觉得香港唔少人都锺意食鸡肉,所以就念到将鸡肉融入寿喜烧,推出呢个全新嘅萨摩赤鸡寿喜烧套餐,一共有六道菜,而且仲有惊喜嘅单点食品。


鹿儿岛萨摩赤鸡寿喜烧套餐($1400/两位)

前菜有机杂菜沙律,选用日本新鲜有机鸡官草及水菜,加上三文鱼籽,最後淋上秘制醋汁,有阵阵松露油及芝麻香气,味道微酸,够晒清爽开胃。


原只汁煮鲍鱼选用新鲜南非鲍鱼,以秘制酱汁反覆烹煮四至五次入味,鲍鱼厚肉、爽口弹牙。配上饱满嘅三文鱼籽及鲜甜嘅北海道马粪海胆,点埋鲍鱼肝酱食,鲜上加鲜啊。


师傅会选择最新鲜嘅鱼鲜制作成寿司,鲜甜嘅海胆、深海池鱼、左口鱼边、中拖罗及烧大拖罗,每一款都值得一试~


嚟到最个套餐嘅重点萨摩赤鸡寿喜烧啦!秘制嘅寿喜烧锅酱汁以和牛油脂、牛筋和牛肉,连同日本酱油及多款秘制食材熬煮3至4小时而成,先放入菇类(鸡脾菇、大啡菇、蘑菇、本菇及直菇)及酱汁,所有菇类吸收晒寿喜烧汁,好惹味!


食咗部份菇後就可以落鹿儿岛萨摩赤鸡肉,萨摩赤鸡肉系日本三大名鸡之一,鸡味浓郁,脂肪较少,肉质结实富弹性。


最後就可以加入鸡蛋、洋葱及黑松露,制成一碗寿喜烧亲子丼,甜甜嘅酱汁配上鸡蛋,配饭食真系一流~

套餐甜品可选择芝麻、绿茶、咖啡味雪糕或柚子雪葩,开饭仔私心建议柚子雪葩,清爽解腻,为呢餐画上完美句号。


黑松露和牛鹅肝多士 ($215)

单点嘅新菜式,最推介系呢个黑松露和牛鹅肝多士。最底层系蒜蓉法包,放上肥美嘅法国煎鹅肝,再舖上两大片日本熊本A5黑毛和牛,油花分布平均,入口即溶,淋上秘制寿喜烧酱汁,有淡淡甜味,夹住嘅红毛生菜又可以化解油腻感。


霜月   

地址: 铜锣湾霎东街15-21号OLIV 24楼





文、相、片: Yanica


关键字
铜锣湾
日本菜
寿喜烧
寿司
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】便利店寻宝 每周新品速报
2天前
给自己一个休息时间 10-11月下午茶推介
2019-10-25
鼎王来了!味道服务媲美台湾 必食麻辣鸭血锅及员工教路秘制鼎王饭(有片)
2019-11-01
粮尾打气!5间湾仔平价饭堂推介
2019-10-24
10月份好评餐厅十强
2019-11-05