【2022生日优惠】持续更新!5月寿星+指定月份补祝生日 叹火锅78折起
2022-04-29

而家开返晚市,生日嘅朋友仔可以方便啲约饭局喇。开饭仔搜罗全港嘅生日优惠,今次整合咗5月生日优惠,部分优惠重横跨几个月份,甚至可以重复使用㗎。留意返而家餐厅会因应疫情更改营业时间,去之前记得打去查询。


火锅随意门 补祝生日送Tiramisu生日蛋糕+78 折优惠 
生日优惠日期:2022年4月11日起至2022年5月31日

食生日饭梗系要影相留念啦!呢间火锅店以4个国家为设计主题,包括法国、土耳其、日本同古香宫廷建筑,坐唔同位置打卡都一样咁靓。汤底除咗麻辣鸭血浓汤锅外,惹味黑胡椒卜卜蚬鸡汤锅都系唔错嘅选择,配搭手切本地牛颈脊、鹿儿岛黑豚肉等肉类都好夹。而家餐厅更推出「1-5月生日月补祝生日优惠」,只要你系呢几个月份内生日,均送Tiramisu生日蛋糕同享有78折优惠。

图:littlewhitemouseleungmeikwan


牛駅麻辣火锅放题 满4位寿星享88折优惠
生日优惠日期:2022年4月11日起,直至餐厅另行通知,欲了解详情可联络餐厅。

呢间麻辣火锅放题店,招牌麻辣汤底用魔鬼椒、新鲜洋葱、花椒、指天椒等香料制作,香辣惹味,另外亦有供应椰子炖鸡锅、芫茜豆腐皮蛋锅、香浓蕃茄猪骨锅等唔辣嘅口味。而火锅配料自助区有超过30款自取配料,另外餐厅App上更可任选20多款海鲜、自家制菜式,配搭清酒、梅酒、啤酒或自家制健康花茶,选择相当丰富。现时4人同行并提早一日订座,要求使用生日优惠,当月寿星即享88折。

图:TommyTommy3232Jackey Lau


牛魔 封门柳免费增量  
生日优惠日期:2022年5月1日至2022年5月31日

尖沙咀有唔少烧肉店,呢间就主打美国、日本同澳洲嘅和牛,有单点同套餐选择,其中日本和牛为A4级,香口又唔会过太过油。而且每张台都有部自助啤酒机,等大家想饮几多就斟几多。5月生日嘅寿星,凡晚市2人或以上,可享有封门柳免费升级50%优惠,由原价HK$198/100g变成150g,而且系原条状态供应,可以除喜好剪成想要嘅厚度。

图:natalir


La Famille 免费叹戚风小蛋糕
生日优惠日期:2022年5月16日至2022年5月18日

La Famille嘅戚风蛋糕唔太甜,口感松软,一直受甜品控欢迎,佢哋每个月重会挑选一日寿星送蛋糕俾佢哋,而今个月嘅幸运儿系5月26日生日嘅你~只要喺5月16日中午12时至5月18日中午12时期间,按以下登记步骤,就会免费送一件10cm戚风小蛋糕,活动采取先到先得形式,而成功登记嘅寿星会收到电邮通知。

登记步骤:
1. Follow其的Instagram(@lafamillecake)及like Facebook(@lafamillechiffoncake)。
2. 进入网站 https://event.lafamillecake.com 填写并提交个人资料。
3. 成功登记後,你将於48小时内收到成功登记电邮通知,而得奖者将於5月20日或之前收到获奖电子换领信,喺拣选咗嘅日期去门市兑换蛋糕。
4. 凭换领信上的QR Code於所选择嘅日期同La Famille分店换领奖品,并向店员出示有效的身份证明文件核对姓名及出生日期即可以换领戚风小蛋糕。

图:餐厅Facebook


城景国际酒店 - City Café 城景阁 食自助餐送生日蛋糕 
生日优惠日期:2022年4月21日至2022年5月31日

City Café嘅「海胆‧鲍鱼‧海鲜自助晚餐」以韩国海胆及鲍鱼为题,推出海胆蟹子焗大虾、东洋迷你鲍鱼芝士挞、海胆蟹肉炖蛋等菜式;另有生蚝、雪花蟹脚、酥炸培根广岛生蚝等冷热盘,而每位客人更可获赠海胆焗酿北海道鲍鱼一客。如果想食午餐,「环球美馔自助午餐」亦有数十款各国美食,如沙律冷盘、时令海鲜、寿司刺身、多款热荤同Movenpick雪糕等,其中Carving Station嘅肉类重日日唔同款𠻹,分分钟食到即切烧美国牛肉眼;加埋无限添饮嘅果汁同茶啡,大人小朋友都啱食。留意今个月嘅寿星喺生日正日及前後3日嚟食自助餐,可获赠生日蛋糕半磅,记得提早喺入座前2日预订并讲会用呢个优惠,入座时再出示身份证明文件核实。


城景国际酒店 - 乐雅轩  食中菜送贺寿蟠桃 
生日优惠日期:2022年4月21日至2022年5月31日

乐雅轩系法国蓝带美食协会之公司会员之一,加上中式装潢简约清雅,啱晒同锺意食中菜嘅寿星食生日饭。餐厅以创新意念重新呈现传统粤菜、老火炖汤等菜式,好似最近推出嘅「功夫汤‧鲍鱼海参宴」,包含虾子宫廷海参伴天白花菇、桂花水晶鸡、花雕蛋白蒸斑球等8道功夫菜;而午市任点任食点心套餐,可於2小时内任食鹌鹑蛋烧卖、蚬芥炸鲮鱼球、黑毛猪叉烧包等逾40款点心。如果嚟叹散点菜式嘅话,生日客人以及同行宾客均可获赠贺寿蟠桃一客,记得提早订座并讲会用呢个优惠呀。

图:餐厅官网、Uncle Cheong


百乐酒店Park café 免费自助餐  

生日优惠日期:2022年4月15日至2022年6月27日 

尖沙咀百乐酒店Park café新出嘅「韩」气逼人自助午餐,以及「樱」粉蜜「苹」下午茶自助餐都有生日优惠!前者供应炸鸡、铁板烧、石锅拌饭、人参鸡汤等多款韩国料理,後者就以苹果同车厘子制作特色咸甜点。而每4位惠顾,1位当月寿星可以免费享用一次,同行朋友则有85折优惠。




Tiffany Blue Box Cafe 送Blue Box Cake+Tiffany & Co. 旗舰店导赏
生日优惠日期:2022年1月起,直至餐厅另行通知,欲了解详情可联络餐厅。(不适用於元旦、情人节、母亲节、平安夜、圣诞节、圣诞节翌日及除夕)

生日打卡好基本,咁喺玻璃屋设计嘅Tiffany Blue Box Cafe食生日饭,一定满足到呢个要求。呢度全日供应菜单上嘅套餐,丰俭由人,又可以自选菜式配搭。例如三道菜套餐就有前菜、汤品同主菜,前菜有龙虾沙律、北海道带子薄片刺身等款式;主菜则有烟三文鱼班尼迪配鱼子酱、香烤西班牙猪扒或龙虾扁意粉等选择。而家只要订座两位以上、每位客人各点一份全日供应嘅套餐,寿星即享一份迷你Blue Box Cake,并免费参加由专人带领、喺全港最大Tiffany & Co. 旗舰店嘅导览体验,欣赏各式艺术品同高级珠宝。

图:TaurusVicyuehw_fish


宽巷子 打边炉送粉盒花园
生日优惠日期:2022年1月起,直至餐厅另行通知,欲了解详情可联络餐厅。

宽巷子嘅艺术手工火锅摆盘精美,生日打卡就啱晒喇。用麻辣鸳鸯火锅煮招牌玫瑰松板猪、冬甩子、枝仔冰等火锅配料,即刻提升惹味指数。而当月生日嘅朋友提前至少两日预订4位或以上晚市时段,并喺订位时讲返系庆祝生日,就会送上原价$328嘅粉盒花园畀寿星,等佢返屋企继续回味餐厅招牌蔬菜花艺拼盘,以及麻辣汤底酱料。


八歌仙 寿星半价叹和牛烧肉 
生日优惠日期:2022年1月起,直至餐厅另行通知,欲了解详情可联络餐厅。

呢间日本铁板烧店主打铁板烧放题,有Blackmore M9+澳洲和牛、A5熊本和王和牛等高质肉类。而家凡3人同行,当月生日嘅朋友即享半价优惠,入座时记得向职员出示身份证明文件证明。留意返每枱只限一位使用呢个优惠,亦唔可以同其他优惠同时使用;而星期五、六及公众假期不设此优惠,所有加一服务费会以原价计算。

图:餐厅Facebook


Fun Fun 串串锅 麻辣串串锅4人同行寿星免费 
生日优惠日期:2022年1月起,直至餐厅另行通知,欲了解详情可联络餐厅。

呢度任饮任食嘅麻辣串串锅由四川师傅主理,招牌重庆麻辣汤锅充满当地风味,加钱则可以转鸳鸯汤底。串串款式有15款,啱想过下口瘾嘅麻辣控。寿星喺生日前後7日嚟享用晚市时段,只要4人同行就1人免费。

图:food6850Tears_Tearswujoegame


半岛酒店大堂茶座 1位免费、送生日蛋糕1个 
生日优惠日期:2022年5月10日起至2022年12月30日(设有不适用日期,详情请向餐厅查询)

半岛酒店嘅「快乐生辰奖赏」性价比高,有齐前菜、主菜同甜品。而家每位寿星喺生日当日惠顾大堂茶座晚餐,2人同行即可获赠生日蛋糕1个;而4位或以上,则1位免费再送赠生日蛋糕1个。留意返要72小时前订座;如需取消订座,则提前最少24小时通知。

图:餐厅官网


京都胜牛 寿星免费自选甜品 (铜锣湾设有网上订座)
生日优惠日期:2022年1月起,直至餐厅另行通知,欲了解详情可联络餐厅。

锺意食吉列牛扒嘅朋友,呢间京都过江龙就啱晒你喇。香港店沿用总店「黄金60秒」嘅制作方法,以摄氏190高温将炸牛排至三分熟,炮制出外层酥脆,内里鲜嫩嘅口感。而家当月生日嘅朋友,提前2日预订任何分店4位或以上,喺落单时出示身份证明文件作实及享用正价套餐,寿星即可免费获赠自选甜品1客。

图:餐厅Facebook


平昌 寿星75折+免切饼费 
生日优惠日期:2022年1月起,直至餐厅另行通知,欲了解详情可联络餐厅。

平昌嘅韩烧放题有多款肉类、海鲜同韩国小食,点多几款锺意嘅款式都唔伤荷包。而like平昌Facebook专页或follow Instagram後,於生日当天或前後3日嘅15:00後惠顾,埋单时出示身份证,寿星即享75折优惠同免收切饼费,呢个优惠更可重复使用。

图:alice118loveonew4ever


泰.夯虾 「正宗曼谷流水虾」4人同行寿星半价 
生日优惠日期:2022年1月起,直至餐厅另行通知,欲了解详情可联络餐厅。

泰.夯虾嘅正宗泰国流水虾放题,啱晒挂住泰国嘅朋友!店内设有特长虾缸,令你好似去咗当地咁即夹即烧,另外重有多款海鲜选择。而每4位成人其中1位系当月生日,寿星就有半价优惠,注意不可与小童优惠共用。

图:ki918


虾立方休闲娱乐钓虾场 寿星免费钓虾+送生日蛋糕
生日优惠日期:2022年1月起,直至餐厅另行通知,欲了解详情可联络餐厅。

台式风格嘅虾立方休闲娱乐钓虾场,提供多款口味活虾料理,包括奶油、柠檬、胡椒等口味,而即钓嘅虾拣盐烧或清蒸都会免加工费。喺生日前後3天惠顾时出示有效出生证明,寿星即享免费3小时钓虾,如4人同行可获赠精美蛋糕一个,有得玩又有得食!留意返优惠需提前3日预约。

图:Kola_1panwong


烧肉臻 送清酒BOX 
生日优惠日期:2022年4月1日2022年4月30日(已完结)

主打日式烧肉嘅烧肉臻,有专人帮你烧制唔同肉类,等你品嚐熟度啱啱好嘅质感,其中餐厅自家制嘅低温熟成牛肉特别浓味。而场内虽然有自助清酒售卖机,但今个月生日嘅朋友嚟庆祝生日,会获赠清酒BOX一盒,咁饮免费酒点都开心啲嘅。

图:emmiLoveFoodBaby


渔获浜烧 送寿司蛋糕 
生日优惠日期:2022年4月1日2022年4月30日(已完结)

烧海鲜除咗系BBQ,日式浜烧都一样别具风味。渔获浜烧由日本直运多款新鲜海产到港,长脚蟹、甲罗烧等鲜味食材都畀你有返家乡嘅感觉。今个月生日嘅朋友,嚟食满$2,000更即享免费寿司蛋糕1个。

图:餐厅Facebook


鸟居居酒屋 送清酒1瓶 
生日优惠日期:2022年4月1日2022年4月30日(已完结)

近年鸟烧店愈来愈受欢迎,鸟居居酒屋就选用日本鹿儿岛赤鸡制作串烧,肉质嫩滑鲜味。而家当月生日嘅朋友午市时段嚟用餐,折後消费满$1,200并出示身分证确认本月生日,就送你300ml清酒1瓶。

图:XbabychanxVirgo.W



Dodam Chicken 寿星9折   铜锣湾店 /  观塘店
生日优惠日期:即日起至2022年2022年3月31日(已完结)

Dodam Chicken主打嘅韩式炸鸡同烤鸡,前者用廿多款香料腌制,非常惹味;後者就用高温迫出多余油分,皮脆内嫩。另外重有韩式炒年糕、薄饼、等料理,啱晒锺意食韩国菜嘅朋友。而寿星凭OpenRice优惠券预早订座,并出示身份证明文件以核对,堂食单点菜式都有9折优惠。

图:jcpigpigzhu MakEmily4184


8度餐厅Café 8 Degrees 自助晚餐半价  
生日优惠日期:2022年1月3日至2022年3月31日(已完结)

8度海逸酒店嘅自助餐一向性价比高,而环球聚会自助晚餐有过百款菜式,每日有2款空运到港嘅法国、美国或爱尔兰即开生蚝、鳕场蟹脚、迷你麻辣牛肉锅、煎鹅肝伴黑松露汁、滋补虫草花炖老鸡汤、上汤粉丝浸大蚬等中西合璧嘅菜式。而家当月生日嘅朋友预订4位或以上自助晚餐,寿星可享半价优惠,或免费生日蛋糕1磅,或送红/白餐酒1瓶。




Hungry Monkey 送300ml清酒一支 
生日优惠日期:2022年4月1日2022年4月30日(已完结)

铜锣湾呢间日式铁板烧餐厅,装潢走型格路线,用霓虹灯做装饰,畀人新潮又年轻嘅感觉。食物款式亦几多选择,有自创嘅港岛烧、袋装嘅清酒煮蚬、果味鸡尾酒等。而家当月生日嚟用餐时,出示身分证确认本月生日,并惠顾满$1,000,即送300ml清酒一支。

图:LolitaVancraveforfood_hk 


Mokumoku Yakiton 指定分店各有不同优惠
生日优惠日期:2022年4月1日2022年4月30日(已完结)

呢间日式豚肉串烧専门店由日籍料理达人Kei San监修,多款豚肉之中,必食日本岩手县嘅白金豚,油花分布匀称;另外重有本地限量供应嘅新鲜猪内脏,制作猪腰、猪心等串烧。而家当月生日嘅朋友预订4位或以上,并出示身分证核实,即可享用以下生日优惠:

尖沙咀店 
1. 全单9折  
2. 720ml嘅清酒买一送一  
3. 免切饼费

铜锣湾店 
1. 送指定清酒1壶

图:餐厅Facebook




关键字
生日优惠
优惠
Birthday
寿星
生日饭局
好友生日饭局的环境、食物质素、惊喜等因素都很重要,开饭仔集合各类最适合庆生的餐厅,方便饭局搞手。
餐厅资料
更多
收起
本月热门
【随时更新】零食速报 每周新款零食、酒品点评
2天前
【2022生日优惠】持续更新!5月寿星+指定月份补祝生日 叹火锅78折起
2022-04-29
晚市堂食恢复!最新酒店自助晚餐一览 低至78折、龙虾/海胆主题
2022-04-20
好消息!6间老店/人气小店 结业重开
2022-05-11
8大必试片皮鸭!超平$178/只、特色北京填鸭三食
2022-04-27