开饭仔每个月都会搜罗全港生日优惠,今次就整合咗12月生日优惠。有啲优惠重会横跨几个月份,细心睇可能有惊喜㗎,等你过一个食得满足又难忘嘅生日。
虾立方休闲娱乐钓虾场 寿星免费钓虾+送生日蛋糕
生日优惠日期:直至餐厅另行通知,欲了解详情可联络餐厅。
虾立方休闲娱乐钓虾场就走台式风格,活虾料理有奶油、柠檬、胡椒等口味,而即钓嘅虾拣盐烧或清蒸则免加工费。若生日前後3天惠顾时出示有效出生证明,寿星即享免费3小时钓虾,如4人同行可获赠精美蛋糕一个,有得玩又有得食!留意返优惠需提前3日预约。
平昌 寿星75折+免切饼费
生日优惠日期:直至餐厅另行通知,欲了解详情可联络餐厅。
食放题嘅好处系一个价钱叹到唔同菜式,平昌嘅韩烧放题有多款肉类、海鲜同韩国小食,点多几款同朋友share都得。而like平昌Facebook专页或follow Instagram後,於生日当天或前後3日嘅15:00後惠顾,埋单时出示身份证,寿星即享75折优惠同免收切饼费,呢个优惠更可重复使用。
凡高厨房 2人同行,寿星半价
生日优惠日期:即日至12月15日(只限周日至四,星期五、六除外)
主打意大利菜嘅凡高厨房,负责人系前酒店大厨,由佢设计嘅餐单出品有保证。而店内满布凡高嘅名画,嚟到好似置身欧洲小镇咁,带畀你伪出游嘅感觉。当月生日嘅朋友只要喺餐厅内出示有效出生证明,惠顾任何套餐即享2人同行,1人半价优惠。
百乐酒店Park café 4人同行寿星免费
生日优惠日期:即日至11月30日(即将过期)
鲍鱼盛「燕」海鲜自助晚餐以鲍鱼同燕窝入馔,炮制燕窝鲍鱼鸡粒挞、鲍鱼鸡粒元贝炒饭、燕窝鲍鱼龙虾粥、牛乾菌杞子鲍鱼乌鸡汤、燕窝桃胶炖蛋白等滋补美食,重有MÖVENPICK雪糕、无限供应嘅果汁同啤酒。而家每4位同行,1位当月寿星可免费享用1次,而同行宾客都有85折优惠,如提前1日预约更可获赠指定蛋糕1件。
图:酒店官网
京都胜牛 寿星免费自选甜品 (铜锣湾设有网上订座)
生日优惠日期:直至餐厅另行通知,欲了解详情可联络餐厅。
呢间京都过江龙嘅招牌吉列牛扒,沿用总店「黄金60秒」嘅制作方法,以摄氏190高温将炸牛排至三分熟,令外层口感酥脆,内里则保持鲜嫩。而家当月生日嘅朋友,提前2日预订任何分店4位或以上,喺落单时出示身份证明文件作实及享用正价套餐,寿星即可免费获赠自选甜品1客。
图:餐厅Facebook
8度餐厅Café 8 Degrees 自助晚餐半价
生日优惠日期:即日至2021年12月12日
8 度餐厅嘅自助餐价格相宜,而「8度之秋」自助晚餐每日有2款空运到港嘅法国、美国或爱尔兰即开生蚝,鳕场蟹脚、即煎鹅肝伴黑松露汁、和牛刺身等菜式外,更加入烧烤区、每日鲜制嘅滋补虫草花炖老鸡汤同即制班戟。而家当月生日嘅朋友预订4位或以上自助晚餐,寿星可享半价优惠,或免费生日蛋糕1磅,或送红/白餐酒1瓶。
半岛酒店大堂茶座 送生日蛋糕1个
生日优惠日期:直至餐厅另行通知,欲了解详情可联络餐厅。(12月24至26日、31日除外)
半岛酒店嘅「快乐生辰奖赏」不时转换菜式,但以西式料理为主,有齐前菜、主菜同甜品。每位寿星於生日当日惠顾大堂茶座晚市套餐2位或以上,即送你生日蛋糕1个;而4位或以上即可享1位免费同获赠生日蛋糕1个,不过记得72小时前订座呀。
大将 寿星免费+生日月份半价优惠(将军澳店 )(旺角店)
生日优惠日期:即日至2021年10月31日(已过期)
大将主打90分钟日式火锅放题,有多款牛肉套餐,包括鹿儿岛黑毛和牛、美国SRF和牛等;而自助区更有唔同嘅火锅配料、饮品同甜品。而家当月生日嘅寿星同朋友入座满4位成人,并出示身份证明文件作实,寿星喺正日即时免费,而生日月份嚟都有半价优惠。
鮨吟 当月生日送寿司蛋糕+清酒
生日优惠日期:即日至9月30日 (已过期)
生日想食好啲,又食豪啲,Omakase系唔错嘅选择。鮨吟由日本海産市场直送食材到港,制作各式上等日本料理。而家9月生日嘅朋友惠顾厨师发办,即送清酒300ml及寿司蛋糕。
Shining 当月生日送冰镇鲍鱼+西式酒
生日优惠日期:即日至9月30日 (已过期)
Shining系主打潮州菜嘅特色酒吧,由5星级酒店前行政总厨坐镇,炮制古法卤水及其他潮州菜式;好似烹调招牌艾雷鹅肝就加咗威士忌,而招牌白卤水海鲜拼盘集合大墨鱼、大蛏子及新鲜鲍鱼等海产。而家9月生日嘅朋友惠顾晚市,会赠送1客冰镇鲍鱼及红、白酒或香槟1杯。
鸟居居酒屋 当月生日送清酒1瓶
生日优惠日期:即日至2021年12月31日
鸟居居酒屋主打以日本鹿儿岛赤鸡制作嘅串烧,啱晒锺意食特色串烧嘅寿星。而家当月生日嘅朋友预订4位或以上晚市时段,并出示身分证确认本月生日及消费$2,000,就送你300ml清酒1瓶。
Mokumoku Yakiton 指定分店各有不同优惠
生日优惠日期:即日至2021年12月31日
呢间由日籍料理达人Kei San监修嘅日式豚肉串烧専门店,引入日本岩手县嘅白金豚,油花分布匀称;而猪内脏就用本地限量即日货,连坊间少见嘅猪腰、猪心同猪肝串烧都有机会食到。而家当月生日嘅朋友预订4位或以上晚市时段,并出示身分证确认本月生日,就可以享用以下生日优惠:
尖沙咀店
1. 全单9折
2. 720ml嘅清酒买一送一
3. 免切饼费
铜锣湾店
1. 送指定清酒1壶
Mo Mo Kushiage 当月生日全单85折+酒类饮品买1送1
生日优惠日期:即日至2021年12月31日
日式串扬有唔同口味,Mo Mo Kushiage串扬专门店就走关西风。佢哋8成材料由日本新鲜直送,即点即炸,配自家调制嘅酱汁。而家当月生日嘅朋友预订4位或以上晚市时段,并出示身分证确认本月生日,即时全单85折、酒类买1送1同免切饼费。
泰.夯虾 「正宗曼谷流水虾」4人同行寿星半价
生日优惠日期:直至餐厅另行通知,欲了解详情可联络餐厅。
泰.夯虾标榜正宗泰国流水虾放题,设有特长虾缸畀你即夹即烧,另外仲有多款海鲜选择。凡4位成人其中1位系8月生日,寿星就有半价优惠,但不可与小童优惠共用。
图:ki918
Fun Fun 串串锅 麻辣串串锅4人同行寿星免费
生日优惠日期:直至餐厅另行通知,欲了解详情可联络餐厅。
Fun Fun 串串锅由四川聘请师傅坐镇,主理麻辣串串锅任饮任食放题,而家夏天仲可以任食雪糕;如果加钱亦可以升级转鸳鸯汤底,有招牌重庆麻辣汤锅、药膳胡椒鱼肚汤等6款选择。不过串串款式只有15款,选择唔算多,但过下口瘾都可以接受。寿星喺生日前後7日嚟享用晚市时段,只要4人同行就1人免费,麻辣控咪错过喇。
图:food6850、Tears_Tears、wujoegame
豊胜手丼 当月生日全单9折
生日优惠日期:即日至9月30日 (已过期)
刺身控嚟到豊胜手丼可以试到多款海鲜丼,好似三国云丹就有齐紫海胆、加拿大海胆同日本海胆;另外亦有各式寿司、定食同Omakase可以拣。而家当月生日嚟用餐时,出示身分证确认本月生日,全单有9折优惠。
图:餐厅Facebook
Hungry Monkey 当月生日全单9折
生日优惠日期:即日至2021年12月31日(12月24-26及31日除外)
西日装潢嘅Hungry Monkey主打日式铁板烧,有各式大阪烧、海鲜、小食同果味鸡尾酒,坐吧台的话仲可以近距离睇厨师炮制菜式。而家当月生日嚟用餐时,出示身分证确认本月生日,全单有9折优惠。
图:沛楹
烧肉臻 当月生日赠送清酒
生日优惠日期:即日至2021年12月31日
主打日式烧肉嘅烧肉臻除咗有专人烧肉服务,店内更设有熟成柜自家低温熟成牛肉,同埋特别引入嘅自助清酒售卖机。而今个月生日嘅朋友有口福喇,只要晚市嚟用餐时出示身分证确认本月生日,就会赠送指定清酒1瓶(300ml)同你贺一贺。
八歌仙 寿星半价叹和牛烧肉套餐
生日优惠日期:直至餐厅另行通知,欲了解详情可联络餐厅。
呢间日本铁板烧店主打铁板烧放题,选择多样,肉质上盛,食客能额外追加无限畅饮。而家当月生日嘅朋友嚟惠顾Blackmore M9+澳洲和牛(HKD498)或A5熊本和王和牛(HKD688)烧肉套餐,都可以享有半价优惠。入座时需向职员出示身份证明文件证明。每枱只限一位使用呢个优惠,亦唔可以同其他优惠同时使用。而星期五、六及公众假期不设此优惠,所有加一服务费会以原价计算。
图:餐厅Facebook
一幻拉面 中环店限定正日免费任食拉面
生日优惠日期:2021年7月1日至31日 (已过期)
以香浓甜虾汤底做主打嘅过江龙拉面店一幻拉面,今个月生日嘅朋友,喺正日生日去中环店都可以免费任食各款拉面,仲唔限数量,不过会收加一服务费。而本月寿星喺非正日去都有半价优惠,同行朋友就有八折。
宽巷子 打边炉送粉盒花园
生日优惠日期:直至餐厅另行通知,欲了解详情可联络餐厅。
以艺术手工火锅见称嘅宽巷子主打麻辣鸳鸯火锅,嚟到必点招牌玫瑰松板猪、冬甩子、枝仔冰、墨条牛轧等由外形到馅料都用心雕琢嘅火锅配料。而当月生日嘅朋友提早至少两日预订4位或以上晚市时段,并喺订位时讲明庆祝生日,就会送原价价值HKD328嘅粉盒花园畀寿星,入面结合咗餐厅招牌蔬菜花艺拼盘同麻辣汤底酱料万用酱。
La Famille 免费叹戚风小蛋糕
生日优惠日期:2021年11月29日至12月1日
La Famille嘅戚风蛋糕深受女士欢迎,而每个月都会挑选一日寿星送蛋糕俾佢哋。今个月嘅幸运儿系12月9日生日嘅你!只要喺11月29日中午12时至12月17日中午12时期间,按以下登记步骤,就会免费送一件10cm戚风小蛋糕,活动采取先到先得形式,而成功登记嘅寿星会收到电邮通知。
登记步骤:
1. Follow其的Instagram(@lafamillecake)及like Facebook(@lafamillechiffoncake)。
2. 进入网站 https://event.lafamillecake.com 填写并提交个人资料,留意返今次门市兑换日期可以选择12月6日至12月9日其中一日。
3. 成功登记後,你将於48小时内收到成功登记电邮通知。
4. 得奖者将会於12月3日或之前收到获奖电子换领信。
5. 凭换领信上的QR Code於所选择嘅日期同La Famille分店换领奖品,并向店员出示有效的身份证明文件核对姓名及出生日期即可以换领戚风小蛋糕。
校长烧肉日韩料理 餐厅专页留言即送海鲜拼盘
生日优惠日期:直至餐厅另行通知,欲了解详情可联络餐厅。
设刺身、烧烤、火锅、熟食、甜品和酒类等9个区域任食,连啤酒、清酒都任饮。只要於餐厅Facebook 专页留言「生日快乐」 并惠顾晚市B至D时段,入座满2位即送极上海鲜拼盘(一客);入座满4位或以上,加送拉丝芝士骨(一客)。另外,当日生日者入座满6位,惠顾晚市7:15黄金时段即可升级无限时任饮任食,及免费追加生日布置 (此优惠可与生日全单88折同时使用)。
图:cargo001
优惠详情:餐厅Facebook 专页留言「生日快乐」 并惠顾晚市B至D时段,入座满2位即送极上海鲜拼盘(一客);入座满4位或以上,加送拉丝芝士骨(一客)。当日生日者入座满6位,惠顾晚市7:15黄金时段即可升级无限时任饮任食,及免费追加生日布置。
(优惠需提早不少於一天前预订。此优惠只限元朗店/荃湾店分店)
真秘锅 生日月获赠玫瑰松阪猪一客
生日优惠日期:2021年5月28日 至 2021年6月27日(已过期)
真秘锅有多款真材实料汤底,开动前一定要饮碗汤暖胃先。6月仲有夏日限定汤底—素翅贵妃冬瓜盅,清甜消暑;招牌汤底就有每日限量嘅九五之尊,系用即捞游水龙虾、海虾熬煮。寿星免费获赠嘅玫瑰松阪猪系招牌配料之一,系猪颈肉连接下巴位,特别松化爽口。
Chalet 送指定甜品及写祝福语
生日优惠日期:2021年6月1日 至 2021年6月30日(已过期)
去到门口已见到有格调嘅瑞士小木屋设计,好啱情侣食餐温馨生日饭。呢度主打高级西式料理,烤加拿大猪鞍配焦糖肉桂苹果、法式海龙王配面包、西班牙烤乳猪都好推荐。6月生日寿星获送指定甜品一客,提早向店家讲低写祝福语仲可以畀个惊喜寿星~
优惠详情:6月生日寿星享用午餐或晚餐,获送指定甜品一客及写祝福语。
Tiffany Blue Box Cafe 送Blue Box Cake+Tiffany & Co. 旗舰店导赏
生日优惠日期:直至餐厅另行通知,欲了解详情可联络餐厅。
梦幻蓝色玻璃设计嘅Cafe,透光柔和,女生一定锺意!套餐有前菜、汤同主菜,前菜可拣龙虾沙律、香煎北海道带子等;主菜则有黑松露酱烤鸡三文治、咸蛋黄卡邦尼意粉或龙虾扁意粉等选择。生日寿星可享一份迷你Blue Box Cake,并免费於全港最大Tiffany & Co. 旗舰店导览体验,由专人带领欣赏店内艺术品及高级珠宝。
优惠详情:生日月份内订座,即可享一份迷你Blue Box Cake 及於Tiffany & Co. 旗舰店导览体验。
龙鼓滩海边BBQ 寿星免入场费+气球布置
生日优惠日期:直至餐厅另行通知,欲了解详情可联络餐厅。
自助烧烤提供40几款美食任烧,有麻辣鸡翼、原味牛扒、香茅猪颈肉、蜜汁叉烧等,可以同朋友家人食足一晚。除咗出名靓海景,同场亦有各种玩乐设施,黄昏时段可以睇日落,夜晚亮灯後仲好有气氛𠻹!
优惠详情:生日客人出示生日证明,於生日当天或7天前可享以下优惠,包括生日客人免烧烤入场费、提供1套气球装饰布置、赠送生日卡1张、即影即有拍摄1次、生日歌曲点播等。优惠不可转让,最新详情可致电店家查询。
forte Vivva会员获生日餐点及气泡酒或红酒
生日优惠日期:Vivva会员优惠由2019年7月15日起生效,详情可向有关餐厅查询。
餐厅有半开放厅房,环境开扬气氛轻松,系观塘区高质半自助餐,晚餐自助头盘有鲍鱼、蟹脚、冻虾、刺身同沙律等,主菜则有威灵顿牛柳、德国猪手等,甜品有各款蛋糕、水果、Movenpick 雪糕等。只要成为如心酒店集团Vivva会员,可於生日月份喺forte 同集团旗下其他餐厅都享优惠。
优惠详情:生日月份期间惠顾forte 同如心酒店集团旗下餐厅之早午餐、午餐或晚餐时段,可获赠生日餐点 (例如:精选甜品) 及气泡酒/红酒。
Dodam Chicken 寿星9折生日优惠
生日优惠日期:2021年3月1日 至 2021年12月31日
韩国人气店Dodam Chicken 登陆香港几年,有韩式炸鸡、驰名薄饼烤箱脆焗鸡等选择,一直大受韩迷欢迎。店家参考北欧国家特别做法,以27种天然草药腌制炸鸡,食落鸡肉嫩滑又带微微天然草本味道。又特以超过摄氏400度烤炉焗制,迅速逼出鸡肉脂肪更健康,食多几件都唔腻呀。生日优惠暂时去到2021年年尾,韩迷生日不妨考虑吓!
优惠详情:出示OpenRice 优惠券,寿星享9折生日优惠。
CHEF STAGE de Eddy Chu 生日或周年纪念送写名甜品一客
生日优惠日期:2021年7月1日 至 2021年7月31日(已过期)
尖沙咀港铁站一出行2分钟就到,系间位於19楼嘅靓景西餐厅,由30年入厨经验嘅老板兼主厨主理,擅於将传统法国料理融入新元素。喺度可以一边饮红白酒、一边锯扒,由餐汤到甜品都相当精致,好有气氛。唔少人锺意呢度嘅「海鲜拼盘」,份量款式丰富,想食餐浪漫生日饭就啱喇。
鱼鲜生 送西班牙LOLEA有汽红/白酒
生日优惠日期:2021年5月1日 至 2021年5月31日(已过期)
铜锣湾登龙街低调小店,不计成本每日由日本直送鱼材,坚持唔会畀客人食隔夜货,鱼材真系同日本食嘅一样鲜甜!特别系北海道海胆,比坊间常用嘅加拿大海胆更Creamy 同重海水味。同场仲有拖罗、喜之次、牡丹虾等寿司刺身。5月寿星只要提早一日订位四人订枱,即送西班牙LOLEA有汽红酒或白酒。
优惠详情:5月寿星提早一日订位四人订枱,即送西班牙LOLEA有汽红酒或白酒。
黑木亭 送祝福语甜品
生日优惠日期:2021年5月5日 至 2021年7月31日(已过期)
天后居酒屋主打串烧,同场仲有多款和牛、海鲜主菜,食串烧都可以当晚餐食得好饱!人气串烧有明太子鸡肉、白鳝、黑毛和牛串、厚烧牛舌等。和牛系列有超厚切和牛三文治,特别铺上海胆、黑鱼籽酱;和牛他他则烧至一成熟,软绵绵又食到和牛原始味。
图:玛莉奥娜
优惠详情:出示OpenRice 优惠券,即享蛋糕一客及免费写上生日字句。
Plato Cafe & Bistro 送蛋糕一客及免费写生日字句
生日优惠日期:2021年8月1日 至 2021年8月31日(已过期)
油麻地楼上Cafe 环境好坐,以醒目美国海报画风做主题,情侣或一班朋友嚟食都好啱。菜式奉行美国风够大碟,锯扒、德国猪手、Burger同意粉都有,成班朋友一齐Share食庆生最啱。推介德国脆皮咸猪手、黑松露牛面颊肉意大利饭同龙虾汁大虾意大利饭。
优惠详情:出示OpenRice 优惠券,即享蛋糕一客及免费写上生日字句。
德家日式烧肉店 寿星任饮任食日式烧肉/火锅2小时半
生日优惠日期:2021年4月1日 至 2021年4月30日(已过期)
店内有沙律、甜品、雪糕自助吧;饮品区则有啤酒机、汽水、冷泡茶等。有「海鲜刺身盛烧肉半放题」、「刺身盛升级肉类火锅半放题」等多款套餐选择,可以食到刺身、海鲜、牛舌、牛肋肉,猪颈肉等,4人同行食烧肉/火锅放题,1位寿星享免费任饮任食㗎!
优惠详情:4人同行惠顾烧肉/火锅放题,1位寿星享免费任饮任食。
渝味晓宇 白羊座可获半份纽西兰精品羊肉卷
生日优惠日期:2021年3月21至4月20日(已过期)
主打重庆火锅,有重庆出名嘅九宫格麻辣大红锅,同场亦有鸳鸯锅供选择。麻辣汤底又香又麻,同安格斯肥牛、羊肉卷肉味香浓,同麻辣汤底特别夹。海鲜有桂花蚌、鲍鱼等,新鲜爽口;蔬菜则有栗米、莲藕、手工莴笋等。白羊座朋友於白羊月内(3月21至4月20日)喺坚尼地城分店消费,即可享半份纽西兰精品羊肉卷。
优惠详情:白羊仔女於2021年3月21至4月20期间,於坚尼地城分店消费,即可享半份纽西兰精品羊肉卷。
Pom's Kitchen & Deli 生日送自选甜品
生日优惠日期:2021年2月26日 至 2021年3月26日(已过期)
呢间佐敦小店系由英国回流夫妇主理,布置充满英伦格调。主打新派西餐,将传统同新式食材融合,以「番茄芝士焗牛尾千层面」为例,就系以烩牛尾拆肉代替平常嘅免治牛肉,更有咬劲。同场仲有「炭烧美国谷饲连骨肉眼扒」、「龙虾忌廉汁蟹肉龙虾意大利饭」、「海鲜拼盘」同「原只炭烧波士顿龙虾配松露薯条」等。
优惠详情:出示OpenRice 优惠券,生日客人获送自选甜品。
响 - Hibiki 日本烧肉 4人同行.1位寿星免费
生日优惠日期:直至餐厅另行通知,欲了解详情可联络餐厅。
主打日本放题烧肉,一次过食到刺身、和牛烧肉放题。只要生日4人同行,即享1位寿星免费!呢度有任食日本空运新鲜活鱼刺身+和牛烧肉放题,刺身包括樱鲷、金线鲷、深海池鱼、池鱼、金目鲷、黑鲷等多达40款。甜品仲有Movenpick、Haagen Dazs 雪糕任食,够晒满足。
优惠详情:4人同行,1位生日客人免费。