【2020圣诞】留在家中都可叹大餐 10间圣诞到会大合集
2020-12-10

就到圣诞又遇上第四波疫情,相信唔少朋友都会将圣诞Party或朋友聚会改於家中举行,不过就算留在家中都可以食好西㗎!基於疫情,有唔少餐厅今年推出圣诞到会大餐,除咗有传统西餐外,连中菜、日本菜及港式街头小食都有,实行家中都可叹大餐!


人气食品网店 Feast  

呢间食品网店主打世界各地嘅优质食材及派对到会服务,而今个圣诞亦有推出汽泡酒到会套餐!派对到会套餐有三款主菜畀大家拣,分别系香草烤火鸡、香烤三文鱼柳或香烤牛肋排,仲有黑松露薯蓉、香草烤小南瓜粒、鲜茄圆管通粉配罗勒及水牛芝士、甜品朱古力山核桃布朗尼伴榛子酱及棉花糖及法国气泡酒,够晒8-10人食!细细声话你哋知,经OpenRice买餐饮券仲有折扣呀~

餐饮券:
【Let's Party!】香草烤火鸡汽泡酒套餐 (8-10 人份量)

【Let's Party!】香烤三文鱼柳汽泡酒套餐 (8-10 人份量)
【Let's Party!】香烤牛肋排汽泡酒套餐 (8-10 人份量)


订购方法:https://bit.ly/3euGabW (需至少3天前预订)
供应日期:有效换领期为2021年1月3日或之前


法式咸甜可丽饼 Crêpe Delicious

连呢个法式Crêpe过江龙都有外卖!到会有齐小食、沙律丶反传统嘅酥皮薄饼丶意粉及饭类丶招牌咸甜可丽饼及饮品,而且有分四位用、八位用及十二位用嘅套餐~必试有招牌咸甜可丽饼,餐厅采用新鲜入口原材料,班戟浆更直接由加拿大进口,饼皮微厚带韧性,蛋味香浓,馅料丰富。

订购方法:致电预订2617-7800(旺角新世纪广场店)/ 2881-1033(湾仔店)。


抵食之选 Relish

有时食到会可能会怕冻晒,呢间公司就好贴心,所有菜肴均已腌制及调味好,并以真空密封包装,就如懒人包一样方便快捷,更附上简单的煮食步骤,等你轻松成为大厨,客人都享用到热辣辣嘅食物!圣诞节庆套餐包括六款传统节日配菜、自选一款主菜、一款甜品、蔓越莓肉汁果酱、六个派对花筒及两支酒。咁多食物够晒六个人食都系$1800咋!

订购方法:https://www.relish.com.hk/


圣诞特色甜品 如心酒店

唔少酒店因为疫情都有推出外卖到会服务,呢间特别在除咗有火鸡同西冷扒呢啲基本款,仲有一系列圣诞特色甜品如圣诞树头蛋糕、圣诞纸杯蛋糕及圣诞姜饼人。外卖套餐亦会送上派对礼物如手摇鸡尾酒、姜饼人制作包、手工啤酒及有机果汁,就算於家中庆祝都有浓厚气氛!

订购方法:致电2280 2790 / https://bit.ly/37TI5UL 


龙虾套餐 city’super

如果想食海鲜,可以考虑呢间日式超市~因为今次佢哋推出三款套餐,除咗西日美食都有嘅家庭set,今次仲有满足到一众海鲜控嘅龙虾套餐,包括龙虾沙律、龙虾浓汤、加拿大熟龙虾、美国缅因州熟软壳龙虾肉、海鲜、刺身、蛋糕及饮品等。

订购方法:https://partyset.citysuper.com.hk/ 


时尚粤菜 镛镛•艺嚐馆

连粤菜都有到会!香港粤菜嘅金漆招牌「镛记」团队开拓全新的年轻品牌 — 「镛镛·艺嚐馆」今年亦有推出圣诞同庆外卖套餐(六人用),包括蒿笋鸡枞菌鲜鲍鱼、手撕烟燻童子鸡、乾烧大虾皇、生炒腊味糯米饭及可以令大家重拾童年回忆嘅童年大白兔糖奶冻等共八道菜,啱晒一家大细过圣诞!

订购方法:致电餐厅23213800
供应日期:12月7日至1月1日


旋转烤鸡外卖店 La Rotisserie

圣诞节,点都要食火鸡嘅~呢间人气法式烤鸡店节日套餐自由度就好高,可以根据口味自己选择香浓惹味、肉质嫩滑嘅「法国自由放养火鸡」、肉嫩多汁嘅「法国骟鸡」、慢烤方式烹调又低脂低卡嘅「法国巴巴拉鸭」及「法国自由放养走地鸡」其一,另外配埋甜薯栗子炒四季豆、松露巴马臣芝士薯蓉同朱古力蛋糕,够晒应节!

订购方法: https://larotisserie.com.hk/ (节日美食须提前至少三天订购)


更多【圣诞2020专题】:
1. 【2020圣诞】奖励自己 圣诞自助餐推介
2. 【2020圣诞】 在家开派对 甜品火锅套装推介
3. 【2020圣诞】休闲打卡 圣诞下午茶推介


港式街头小食 李好醒

开Party最开心系咩?就系有得食香港人至爱嘅港式街头小食呀,而呢间餐厅更将传统港式小食喺用料上全面升级,而圣诞外卖到会套餐有供应四人、六人及十人份量,无论系小型聚会定一大班人都无问题!必试有加入花胶嘅落足料碗仔翅、XO慢煮蛋捞面、弹牙猪肉烧卖及酥脆炸臭豆腐等,比起平时街头食嘅更出色。

订购方法:致电2896 7688(请於一日前预订)
供应日期:12月1号起开始供应


高质烤火鸡+牛肋排 AMMO

位於金钟,主打意大利及日本 fusion 菜嘅餐厅,今个圣诞推出一牛一鸡嘅到会套餐及单点菜式。香草烤火鸡派对套餐,火鸡特别用柠檬、百里香、鼠尾草同芫茜等材料将火鸡腌制一晚,软化肉质,令鸡肉带有淡淡香草余韵, 同时去油解腻。火鸡内酿满烟肉、大葱、意大利肉肠等馅料,外脆内软!而香烤牛肋排派对套餐用上香草及芥末涂满肉身, 再以铁板将牛肋排表面煎烤至焦香,利用高温锁住肉汁,然後加入迷送香及大蒜,将牛肉烤焗至半熟,肉味劲浓!另外两个餐都会配四款佳节经典配菜添~

订购方法:www.ammo.com.hk/shop 
供应日期:2020 年 12 月 1 至 2021 年 1 月 1 日


日本风味 Tokio Joe

由总厨李师傅所创作的圣诞套餐,餐厅搜罗来自世界各地的食材,配合日本传统烹煮方法,令客人犹如置身当地。节日派对四人套餐包括香辣吞拿鱼他他、刺身及寿司盛合、北海道粟米天妇罗及海鲜炒乌冬等共七道菜,圣诞节食日本菜都系唔错嘅选择!

订购方法:https://delivery.lkfe.com/
供应日期:即日起至 12月 31日





文: Yanica


关键字
圣诞2020
圣诞节
到会
到会大餐
外卖
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2021-05-03
【2021生日优惠】持续更新!5月食日本直送海鲜送西班牙红/白酒
6天前
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15