【2020回顾】疫症下的饮食业 十大转危为机的新突破
2020-12-29

2020年绝对唔系容易过嘅一年,疫情由年头开始一直反反覆覆,莫讲话一系列嘅抗炎措施,例如禁堂食、禁吧令或限制入座率等,令到餐厅生意受到重创,就算香港人自己都为安全起见,对外出食饭有所保留。不过,香港人就系有种打不死嘅精神,即使面对「疫」境,依然有绝处逢生嘅能力。正所谓,有危便有机,2020年,可以话系餐饮业最悲壮嘅一年,但同时亦系突破最多可能嘅一年。

1. 与医护同行

喺年头爆发初期,有好多良心餐厅以实体行动支持一众勇敢无私、努力抗疫嘅医护人员,纷纷组织同加入「全城同步支援医护人员」行动,免费请佢哋食饭或者享用医护特别优惠。
传送门:全城抗炎 与医护同行!提供医护餐饮免费优惠餐厅一览

2. 提供防疫用品

 图:桔梗Facebook

除咗合力支持医护,好多餐厅仲合力帮助有需要嘅香港人。喺最初各样防疫用品,好似口罩、搓手液都缺货,大家都要四围扑、捱贵货时,多间餐厅救人自救,以超抵价钱甚至免费送赠酒精搓手液畀食客。
传送门:全城抗炎!60间餐厅推$0-$25酒精搓手液换购计划

3. 自助餐转型

往时最受港人欢迎嘅自助餐,喺疫情下,生意大受影响。为免人多聚集、减低喺夹取食物时交叉减染嘅风险,多间酒店立马变阵,将自助餐转为任点任食嘅形式,由专人送上枱或代夹,感觉卫生啲、安心啲!
传送门:全城抗炎! 5间酒店自助餐转型 任点任食海鲜/主食/甜品 变阵保卫生
全城抗炎! 4间酒店自助餐转型任点任食 2.0

4. 外卖自助餐、下午茶 

外卖开始变成常态。以前外卖畀人嘅印象大多数都系茶记、平、颓饭盒等,较低消费嘅餐厅先会做。不过自从疫症出现後,大家用餐嘅生态都改变咗,减少咗堂食,转而嗌外卖。结果连高级酒店餐厅同米芝莲餐厅,亦都加入外卖嘅行列,自取或送递服务都有。有酒店更推出崭新嘅家居体验服务,派出大厨同专业侍应亲自去到客人屋企,即场烹煮时令餐单!但最估你唔到嘅应该系,连自助餐同下午茶都有得外卖呀!
传送门:全城抗炎!安坐家中叹高级美食 连酒店都有外卖
滋味到家!崭新米芝莲饮食体验 五星级酒店大厨上门即场煮时令餐单
全城抗炎!北角酒店最新应变 自助餐都有得外卖? 、
全城抗炎!屋企都叹到三层架下午茶 Tea Set外送/外卖自取推介

5. 懒人煮食包 

香港人一向灵活多变,餐厅除咗推出多款外卖套餐之外,有啲仲准备埋煮食包、懒人包等,将餐厅嘅招牌菜式预先处理好或调味,客人拎返屋企後只需要简单加热或煮熟就可以「扮大厨」,更揼本嘅系连烧肉专用炉等都包埋,喺屋企食到寿喜烧、烧肉、韩烧,甚至铁板烧等都不是梦。
传送门:全城抗炎!喺屋企做大厨 懒人煮食包/套餐集合文
全城抗炎!送上门懒人煮食包及套餐大合集2.0 花胶炖汤/火锅/铁板烧

6. 外卖生啤、鸡尾酒

「禁吧令」喺4月头首次推出,对酒吧业界同酒迷都做成大打击,一边冇得卖酒,一边冇得落吧饮酒。然後就慢慢发展出连酒都有得外卖嘅局面,仲要系接近喺舖头tap头斟出嚟嘅生啤味道,由调酒师调制嘅cocktail亦有得入樽买走。
传送门:全城抗炎!禁吧令下 酒吧、酒厂变招 喺屋企都可以饮到生啤
全城抗炎!留喺屋企饮Bottled Cocktail 网购鸡尾酒推介

7. 在家调酒

疫症令唔少人学识咗煮餸,甚至系调酒!美食有懒人煮食包,美酒都有简单调酒套装!有唔少品牌都推出调酒礼盒,包晒基本调酒工具,仲有埋文字或短片教学,边睇边调,零经验整杯cocktail出嚟都零失败呀~ 仲有咖啡、茶品都系,多个品牌提供网上订购,轻易就将屋企变成café咯~
传送门:全城抗炎!新手在家 也能轻松自制Cocktails 鸡尾酒礼盒+教学
全城抗炎!将屋企变Cafe 网购咖啡包/冷泡茶/甜点推介

8. 网上买餸

以前买餸,唔系街巿就系超巿,今年疫情出现後,就突然多咗好多「网上街巿」喇。多间网店应运而生,而且食材种类同质素绝对唔会输畀传统街巿,无论系海鲜、扒类、蔬果定系汤包等,都有得拣,仲有专人送埋上门呢,够晒方便。OpenRice亦开设咗网上Food Mall(连结按此),有多款气炸锅美食、煮食包、甜品、汤水同酒类饮品等选择。
传送门:滋味到家!3个食材直送上门网站推介 轻松在家自选新鲜蔬果、海鲜
滋味到家!新鲜海野海鲜+逾200款蔬果肉类 食材直送上门网站推介2.0

9. 饮食盛事取消/转形式

多个大型嘅年度饮食盛事,包括Taste of Hong Kong、美食博览会、Wine & Dine等都被迫取消实体活动,当中Wine & Dine则转个形式继续举行,改为「线上+线下」,活动延长至5个星期咁耐,畀大家除咗可以优惠价预早买定品酒套餐或美食外,仲可以免费参加网上大师班,学下品酒同煮食。後嚟嘅工展会亦转为网上形式。喺疫情下,线上展览似乎成为一种新形态。
传送门:Wine & Dine 2020预告 免费网上学品酒 精选品酒套装率先睇
Wine & Dine 2020 大厨免费网上教煮 中西日式及甜品都有得学

10. 疫巿创业
虽然逆境重重,但依然有唔少勇敢创业嘅朋友,无惧世事变改,还是愈难愈「创」,睇准平租嘅时机,喺「疫」巿中开设新餐厅或分店,闯出一片天。根据资料,今年有逾4200间嘅新餐厅开业呢。
传送门:搵食有道系列新店直击系列



文:Kar


关键字
2020回顾
十大
外卖
下午茶
自助餐
全城抗炎
开饭专题
开饭仔为你提供各类型最新饮食情报及优惠,全面照顾你的饮食喜好。
本月热门
【2020回顾】海外超人气过江龙抵港一览
2020-12-28
西营盘新开台式Cafe 推介即煎铁板吐司/芋圆仙草/黑糖奶盖茶
2020-12-28
12月份好评餐厅十强
2021-01-05
【牛年新春】盆满砵满 早鸟优惠盆菜推介
3天前
观塘海滨旁新开Cafe 必试「2019」咖啡+Tiramisu窝夫
5天前