【2020回顾】海外超人气过江龙抵港一览
2020-12-28

今年可能因为疫情关系,过江龙餐厅比往常少,但仍然有十几间高质素嘅过江龙餐厅於「疫」市中抵港,等大家喺香港都食到外国地道嘅味道,带大家舌尖去旅行!等开饭仔带大家回顾吓今年进驻香港嘅海外人气餐厅,仲未食到嘅朋友快啲bookmark定。


日本系 Hoi Hoi Pancake House

早两年唔少日本班戟店相继进驻香港,引起咗一阵风潮!而呢间被称为「名古屋No.1行列店」嘅Hoi Hoi Pancake House更系不可不试!佢哋嘅夏威夷风味班戟十分出名,班戟全部都用高级嘅日本原材料制作,面粉、忌廉都系由名古屋直送。班戟质感软滑,富空气感,一食就停唔到~香港店仲有限定嘅抹茶忌廉梳乎厘班戟,去日本都食唔到。

►详细介绍:名古屋人龙班戟店Hoi Hoi Pancake抵港 必试香港限定法式焦糖梳乎厘班戟(有片)

其余包括﹕YakinikumafiaMille Mele TokyoSAKImoto bakery 嵜本 高级Shokupan专门店


台湾  洪瑞珍

香港人去台湾必买嘅手信──洪瑞珍,今年终於喺香港开分店啦~香港店沿用台湾配方,用本地新鲜制造嘅白面包加入嚟自台湾嘅配料制作三文治,大家完全食得返同台湾一样嘅味道!特别推荐经典人气口味「满汉」,佢同普通嘅腿蛋芝治唔同,面包口感绵密,加上配料比例拿捏得宜,真系食个三文治都零舍唔同。

►详细介绍:台湾洪瑞珍正式抵港!屯门新店四款口味介绍  新张期间买三送三

其余包括﹕巷口炸鸡专门店灯笼卤味植作茶段纯贞牛肉面麻豆子健康汤锅


韩国人气果汁店  JUICY Fresh Juice Bar

遍布全韩嘅人气果汁店JUICY Fresh Juice Bar,销量惊人,上年於韩国卖咗多达 2,500 万杯。佢哋嘅饮品足足有40多个选择,全部都系用新鲜嘅生果制作,杯杯都充满果香。除咗常见嘅新鲜果汁,仲有奶昔、咖啡、香茶同埋香港首创嘅「热饮果汁」,啱晒咁多位女士们。特别推介草莓拿铁,可以相机饮先之余仲啖啖果肉。

►详细介绍:韩国 No.1 果汁店 JUICY 进驻香港 必试牛油果香蕉奶、香港首创「热饮果汁」(有片)


泰国芒果甜品店  Mango Mania

不得不提呢间清迈人气芒果甜品店,佢哋嘅芒果都系选用自家生产嘅泰国水仙芒,甜品选择众多。而且价钱好公道, $88就有一个用两层架嚟装嘅芒果下午茶,芒果肉又甜够又Juicy,糯米口感软糯,而仲好Igable添!

►详细介绍:必试芒果冰、芒果糯米饭芭菲  泰国人气芒果甜品店进驻北角(有片)


创意美国甜品   当文历饼店

成日喺IG见到好多人同一盒柠檬茶外型嘅蛋糕影相,呢个咁有创意嘅蛋糕就系出自呢一间饼店嘅主厨兼创办人Dominique,佢曾荣获「全球最佳甜点主厨」。饼店将香港特色食物融入西方甜品内,就好似「纸包柠檬茶」,其实真身系伯爵茶佛手柑蛋糕,外层用白朱古力制作,食落真系有柠茶嘅茶香味,真系好特别~

►详细介绍:纽约人气甜品店登陆尖沙咀 香港限定甜品 创意柠茶蛋糕(有片)




文:Hailey

编:Yanica

相:Tom Li、Cathy

关键字
2020年
过江龙
台湾
日本
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【2020回顾】海外超人气过江龙抵港一览
2020-12-28
西营盘新开台式Cafe 推介即煎铁板吐司/芋圆仙草/黑糖奶盖茶
2020-12-28
12月份好评餐厅十强
2021-01-05
【牛年新春】盆满砵满 早鸟优惠盆菜推介
3天前
观塘海滨旁新开Cafe 必试「2019」咖啡+Tiramisu窝夫
5天前