【2019圣诞】打卡必买 圣诞蛋糕精选
2019-12-09

无论系打算出街食大餐,定喺屋企开圣诞Party,最後当然唔少得饭後甜品:圣诞蛋糕!今年唔少都好啱打卡,例如卡通人物、立体造型等等。开饭仔就帮大家精选咗以下蛋糕同甜品,畀大家圣诞佳节继续「相机食先」。
 

FROZEN小白  Häagen-Dazs


Häagen-Dazs雪糕蛋糕系列 – 小白($559)

呢期最红嘅卡通当然要数到动画电影《FROZEN 2》!今年圣诞就有立体小白雪糕蛋糕,将雪糕蛋糕变成冰雪王国,上面仲有立体嘅小白呀。而且雪糕口味仲可以喺士多啤梨、比利时朱古力、曲奇呍呢嗱等口味中任拣一款。
 

Baileys胡桃夹子 Twinkle Baker Décor


(左)胡桃夹子园($458),(右)糖果王国($438)

呢间蛋糕店今年就推出三款原个蛋糕同六款件装蛋糕,最值得推介嘅一定要数到胡桃夹子园,唔单止三层高红色胡桃夹子造型抢镜,上面嘅朱古力甜酒牛油忌廉更糅合咗Baileys Chocolat Luxe,仲可以用滴管再加Baileys!另一款糖果王国系粉红鹿车造型,满足少女心。
 

梦幻纯素姜饼屋 The Cakery


(左)姜饼屋蛋糕($1,680),(右)圣诞棒棒蛋糕($50-$70/件)

主打纯素、无麸质嘅呢间甜品店今年推出相当精美嘅姜饼屋蛋糕,传统姜饼屋加上发光嘅装饰,下面就系招牌纯素奇亚籽Daydreamer朱古力蛋糕。人少怕食唔晒亦有Cakepop,将可爱又食得嘅圣诞树、雪人等等带返屋企!
 

打卡立体蛋糕 Ms B's Cakery


(左)Candicane Joy($880),(右)Christmas Taster($65-$75/件)

呢间精品蛋糕店今年圣诞推出唔少卖相特别嘅立体蛋糕,好似Candicane Joy嘅红白相间嘅棋盘蛋糕其实系红菜头、可可红丝绒蛋糕,夹层系Jonathan 苹果及轻牛油忌廉。而Christmas Taster就有四款唔同口味选择,包括招牌红菜头红丝绒蛋糕!
 

精致杯子蛋糕 Sift Desserts


(左)Christmas Cupcake ($38/件),(右)Cake Popsicle($48/件)

精致嘅Cupcake都有唔少Fans,呢间甜品店今年就推出多款得意又精致嘅Christmas Cupcake,系有雪人、圣诞小鹿、圣诞花圈等经典元素装饰嘅红丝绒、朱古力及椰丝杯子蛋糕。另一方面睇落似足雪条嘅Cake Popsicle亦有供应,为大家嘅Party增添惊喜。
 

更多【圣诞特集】:
1. 早鸟优惠! 圣诞自助餐推介
2. 约会之选 圣诞市集推介
3. 年尾叉电 圣诞下午茶集合推介

 
童话小镇蛋糕 DALLOYAU


(左)雪山小镇蛋糕 ($1,088),(右)红桑子圣诞泡芙($58/件)

传统树头蛋糕大家可能都见得多,呢间正宗法式甜品店今年就将佢重新演绎成童话一般嘅雪山小镇蛋糕!牛油酥饼当中系一层层嘅46%纯牛奶朱古力慕丝、榛子朱古力忌廉、焦糖蜂蜜乾果脆饼等。而红桑子圣诞泡芙就变身为得意嘅迷你圣诞老人。
 

茶香法式糕点 Tea WG


(左)圣诞限定茶香法式糕点($360/原个蛋糕,$48/件),(右)圣诞红茶茶香马卡龙($120/6件)

蛋糕唔一定会腻嘅,呢个茗茶品牌就喺蛋糕中加入各款顶级茶叶,好似高级茉莉花茶茶香浓朱古力蛋糕、圣诞白茶茶茶香荔枝蛋糕等,既有圣诞气氛又带淡淡茶香。而圣诞限定嘅圣诞红茶就变成红色同白色嘅茶香马卡龙,送礼定自私食都咁啱。
 

经典红丝绒 Lady M


红丝绒蛋糕($680/原个,$68/件)

而呢间深受女士喜爱嘅精品蛋糕店就再度推出圣诞经典红丝绒蛋糕,酒红色嘅牛油蛋糕以可可粉为基调,丰厚湿润。蛋糕中间加上新鲜打发嘅忌廉同忌廉芝士,令口感更幼滑轻盈。上面以糖霜、橡果、树枝等点缀,圣诞气氛浓厚。
 

圣诞Ryan登场 圣安娜饼屋


(左)圣诞Ryan - 3.6牛乳慕丝蛋糕($248),(右)圣诞甜品($26-68/件)

呢间连锁饼店有成12款选择!Kakao Friends Fans必买嘅就当然系圣诞Ryan蛋糕,用法国3.6牛乳制作嘅牛乳慕丝包住朱古力蛋糕、牛乳忌廉、朱古力脆层同杂果夹心,口感丰富。另外亦有唔同造型嘅慕斯蛋糕同朱古力蛋糕,总有一款啱心水。
 

浓郁比利时朱古力 A-1 Bakery


(左)圣诞礼物 - 比利时黑朱古力蛋糕($368),(右)圣诞树头卷蛋- 秋田县米粉比利时朱古力蛋糕($178)

呢间连锁饼店以「分享礼物」为主题,圣诞礼物蛋糕邀请日籍师傅设计,比利时朱古力淋面里面系朱古力忌廉、60%生朱古力和朱古力海绵蛋糕。而圣诞树头卷蛋就用秋田县米粉制作嘅海绵蛋糕卷住比利时朱古力忌廉、原条60%生朱古力同意大利朱古力粒,朱古力控一定满足。

 

文:Cathy

关键字
圣诞
圣诞节
蛋糕
雪糕蛋糕
Cupcake
红丝绒蛋糕
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
1天前
悠长假期 复活节下午茶推介
2021-03-26
【2021生日优惠】超爽着数!免费任饮任食日式烧肉/火锅(持续更新)
2天前
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01
【最平$298最贵$938】佐敦新开日式和牛烧肉放题 独家引入鹿儿岛小田和牛
4天前