【2019回顾】 过江龙之年 逾50间海外人气店登陆 + 2020年预告 (有片)
2019-12-30

2019年,为香港人带嚟咗好多新鲜嘅味道。嚟自世界各地嘅人气餐厅都纷纷进驻香港呢个小小嘅地方,数下数下,有超过50间呀。每间过江龙餐厅开业时,都引起一阵排队打卡、IG洗版嘅热潮,以下咁多间餐厅,你哋又排过几多间?

拉面系 金色不如帰

呢间拉面店连续两年夺得《东京米芝莲》嘅一星荣誉,喺日本成日大排长龙,最近终於抵港啦!自家熬制汤底,最特别系用新鲜大蚬熬制嘅秘制蚬汤,咸香带鲜,饮落更有层次。佢哋嘅招牌拉面——贝汁酱油拉面同贝汁盐味拉面,前者加入黑松露酱、牛肝菌粉等,而後者就加入咗秘制嘅白松露油,食落特别fresh~

其余包括﹕鬼金棒多贺野缘屋札幌元袓虾汤拉面面屋武一哲面THE TOMATOMAN

茶饮系 ChaTraMue

一间又一间嘅台湾茶饮店,难得有间饮泰国茶,令人耳目一新呀!佢哋嘅泰式奶茶选用返泰国茶叶,茶味特别香浓,甜中带微涩,唔会得个甜字。仲有泰国奶茶雪糕、绿茶雪糕、奶茶飘雪等,微甜嘅味道,加上冰凉嘅口感,系爽嘅!

其余包括﹕语菓NUTTEA 乐法本茶汴京茶寮吃茶三千

火锅系 美滋锅 

香港人爱打边炉,各地唔少品牌都进驻!呢间嚟自新加坡嘅火锅店,就主打养颜药膳锅,好似胶原蛋白养颜美容锅、养生药膳醉鸡锅等~餐厅嘅装修以梦幻粉红为主题,充满少女心嘅女生们就实去过朝圣啦!

其余包括﹕鼎王麻辣锅夫妻沸片

面包系 Tardemah

面包就食得多啦,咁加入咗艾草、年糕、辣鸡嘅方包食过未先?呢间嚟自韩国嘅有机面包店,喺香港开设咗第一间海外分店啦,唔使再去韩国做排队党!面包口感软绵,成份天然,招牌嘅艾草年糕面包,咬落去口感非常丰富,有年糕、红豆、栗子等,称得上系面包控今年嘅小确幸呀~

其余包括﹕Gontran Cherrier Élysée Bakery(已结业)

梳乎厘系 王子神谷

梳乎厘热潮喺香港居高不下,传说食一啖就马上有幸福感。而呢间过江龙就嚟自台南,面粉、牛奶、鸡蛋等就取自日本,口感轻盈。仲推出8款香港限定,好似北海道夕张哈密瓜、70%Mix朱古力瀑布等,甜度不一,实有款啱你口味啦!

其余包括﹕Micasadeco & Café

芋圆系 鲜芋仙

除咗台湾珍奶之外,台湾芋圆都系香港人最爱之一呀!呢间超人气芋圆店,早喺深圳、美国等地开咗12间,今年终於进驻香港!烟韧嘅芋圆,配上仙草、豆花等唔同配料,大大碗好丰富!仲有香港限定嘅绿豆糕麻糬拼盘,口感一样咁qq~

其余包括﹕嚐仙

欧美人气餐厅系 Tiffany Blue Box Café

迷倒万千少女嘅Tiffany Blue,继纽约之後,嚟咗香港开第二间分店,点都要去朝圣下打个卡啩!餐厅主色当然系Tiffany Blue啦,而碗碟、座位、食物都系Tiffany Blue呀!要边食边尖叫咯!想打卡嘅当然要嗌佢哋嘅下午茶,grand得嚟又带啲少女心!

其余包括﹕Fortnum & MasonDuck & Waffle Red Lobster Gelato-goAvobar

日本系 寿司郎

今年嘅日本过江龙真系数都数唔晒呀!又拉面又梳乎厘,仲有寿司呀!呢间寿司过江龙闲闲地都要等返一个钟左右!咪以为只系普通回转寿司呀,材料新鲜,价钱亲民,十几蚊就可以食到大吞拿鱼腩寿司,仲设有香港限定寿司,包括生火腿卷、鳗鱼卷、花之恋等,喺日本都食唔到呢!

其余包括﹕顽固寿司金子半之助天吉屋惊安之殿堂天下鸟はち八(88) 京都富小路やま岸日山TIRPSE京都一の传RAPL Afternoon Tea TEAROOM GARAKU Soup Curry

 韩国系 Ssoja Toast & Hotdog


韩国多士总有种莫名嘅吸引力,一食就食唔停啦!而家喺香港都可以食到啦!呢间连锁店喺韩国有130间,多士即叫即做,加上秘制酱汁,食落特别香!招牌韩式汉堡扒拉丝多士,汉堡扒由韩国直送,加埋劲多车打芝士,芝士控一定like!

其余包括﹕
Isaac ToastPERFECT‧ICE 三进鱼糕Arirang Hotdog

台湾系 桔梗 

香港人飞去台湾就系想chill、想有文青feel,呢间嚟自台北cafe就可以满足晒你对台湾嘅憧憬啦!餐厅设计简约,而且够晒宽敞。主食上提供三文治、炖饭,好似「海底世界」嘅炖饭咁,满满嘅海鲜,几个人share都ok啦!

其余包括﹕Draft Land KIKI面店初茶 X 山鸡部

另外仲有嚟自泰国嘅船皇、新加坡嘅Chatterbox Café同中国嘅我是酸奶君等等呀!唔知下年仲会有边间过江龙进驻呢?可以同大家预个告,1月头会有嚟自纽约嘅人气甜品店Dominique Ansel Bakery呀! 除咗经典法式甜酥面包之外,仲会有香港限定创意甜品,包括「纸包柠檬茶 – 伯爵茶佛手柑蛋糕」及「菠萝包 – 椰子热情果蛋糕」等!


文﹕Kiko
编:Kar


关键字
2019
过江龙
拉面
茶饮
火锅
面包
梳乎厘
芋圆
寿司
多士
日本
台湾
韩国
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
情人节去K11 MUSEA 一文睇晒浪漫餐厅
2020-02-06
【随时更新】零食速报 每周新款零食、酒品点评
4天前
全城抗炎 与医护同行!提供医护餐饮免费优惠餐厅一览
2020-01-31
全城抗炎!卫生保障 推行防疫措施餐厅一览
2020-02-07
美国人气肉桂卷抵港!烟韧原味/朱古力/焦糖胡桃卷(有片)
2020-02-06