【2019回顾】编辑真心推介6大餐厅(有片)
2019-12-31

2019呢年有唔少新餐厅,由过江龙到本地姜,差唔多每日都有惊喜!今年开饭编辑继续帮大家拣咗6间推介餐厅,由素食Cafe到破格主题火锅店,高质蚝酒吧到手工啤酒Taproom,全部真心觉得值得返兜先介绍㗎!
 

深水埗素食新体验 素年

素食喺呢几年有好大变化,从以前通常第一时间谂起中式斋菜或者冻冰冰嘅沙律,到而家多咗餐厅加入Go Green推出唔同选择。众多素食餐厅当中推荐呢间走简约清新风格嘅Cafe,由一对夫妇主理,日式定食丰富到唔讲真系唔记得系蛋奶素,不可能汉堡包同吉列猪扒三文治分别用咗Impossible™ Meat同Omnipork新猪肉,连甜品都有全素拣,畀平时少食素食嘅朋友一啲新选择。

►详细介绍:叹丰富日式定食、Impossible汉堡 深水埗新开素食Cafe

梦想成真Cafe Dreamer Cafe



周末喺香港想嚟个Café Hopping,中上环之外其实西环都系个好选择。呢间Cafe位於港大附近,一入门口就会畀张长木枱同英文霓虹灯吸引,呢个空间不时会用嚟搞Workshop等活动,或者成班Friend坐喺度吹水倾下计一样得。私心推介佢哋嘅All Day Breakfast,个自家制Earl Grey苹果果酱真心无得输,同编辑一样系Earl Grey控嘅话记得点埋杯Earl Grey Choco!

►详细介绍:叹All Day Breakfast配伯爵苹果酱!西环新开文青Cafe
 

青楼主题火锅店 怡红院  

讲到有gimmick,中环呢间火锅店真系可以争认第一!餐厅以古时青楼为主题,踏入餐厅嘅时候,见到写住怡红院嘅红色灯笼、模仿卖身契嘅菜单,唔讲真系以为坐时光机返咗古代~食物方面破格又用心,好似汤底咁,有香浓蒜味避风塘炒肉蟹锅、熬制6小时以上嘅养颜浓厚花胶鸡锅及麻辣锅同芫茜皮蛋锅合体嘅灯红酒绿添!

►详细介绍:去青楼滚?中环青楼主题火锅 惹味避风塘炒肉蟹锅+养颜浓厚花胶鸡汤
 

高质素意式蚝酒吧 So, Oyster &Wine Restaurant

餐厅所有嘅海鲜都系亲自同相熟嘅供应商拎货,质素有一定嘅保证,而且店内有自己鱼缸饲养所有新鲜海鲜同埋蚝,鲜上加鲜啊~每日都会有八款或以上嘅生蚝供应,老板偏向选择鲜甜爽口、重海水味同埋甜咸味适中嘅蚝。另外pasta都几出色,如意式细扁面配西班牙大红虾,每一条意粉都吸收咗红虾味道,啖啖都系虾膏味!

►详细介绍:私家鱼缸饲养海鲜、生蚝 北角新开高质素意式蚝酒吧
 

酒迷必到Taproom TAP The Ale Project  

好多时有酒饮嘅地方,食物水准就未必太高,不过呢间taproom就唔同喇,无论小食轻食定系主食都相当有质素。开饭仔私心推介麻婆nachos,次次落亲去都要食一碟,麻辣香口,食到停唔到口,送酒一流!如果唔食得辣嘅朋友仔,羊奶杏鲍饭系另一个推介,以羊奶芝士同巴马臣芝士制作,羶香又拉丝,但呢碟一定要衬热食啊!至於手工啤酒,21个TAP头梗多款,IPA、stout定酸啤等点都有款啱你,呢度仲有咖啡添呀,啤迷啡迷都可以坐埋一枱,各有所得。

►详细介绍:荃湾终於有Taproom! 旺角人气手工啤酒餐厅进驻南丰纱厂
 

自助烧肉+自助斟酒 牛魔  

烧肉一定要配埋啤酒咁食先至够爽!呢间烧肉店就识玩喇,唔单止可以自己烧美国、日本等和牛,仲可以自己斟啤酒。成部机喺正隔篱,想饮几多就斟几多。介绍返啲牛肉,全部都靓牛嚟㗎,牛脷牛肩牛肋骨等部位都有,最推介系入口即溶嘅A4无敌霜降和牛小排,啖啖都系满足感。

►详细介绍:尖沙咀新开烧肉店 A4和牛 + 自助啤酒机
 

文:Kar、Cathy、Yanica
相、片:Kar、Cathy、Yanica、Tom

关键字
2019
饮食潮流
回顾
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
4天前
【特约分享】超抵外卖陪你抗疫 即睇将军澳饮食地图!
2020-03-10
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
2月份好评餐厅十强
2020-03-05
【3月生日】优惠情报!有折扣仲有生蚝送
2020-03-03