【2019回顾】回忆重现 多间老店今年重新开业(有片)
2019-12-27

食嘢唔一定系求味觉嘅享受,有时食嘅更加系一份回忆。近年有唔少老字号结业,相信都伤透咗唔少街坊嘅心,亦令人觉得惋惜!好彩今年都有唔少老店重开,仲保留返昔日嘅怀旧感觉,回忆即刻返晒嚟!希望呢份回忆可以一直保存落去啦。

经典美式烧牛肉 Lawry’s The Prime Rib


图﹕L.T.L852FoodVoyage

呢间喺香港开咗十年以上嘅美国烧牛肉餐厅,因为和记大厦要拆卸重建而被迫结业,幸好後嚟喺中环搵到新舖位。新店采用落地玻璃窗设计,加上圆拱形天花,比以前嘅装修更高级优雅。银色餐车、即席切肉等经典回忆都再次重现,而烧牛肉亦都同样大大块,同样juicy~

近一世纪茶楼 莲香茶室


图﹕sherryyu01hkamandajp

「莲香楼」可以话系唔少香港人嘅回忆,绝对称得上系香港最怀旧嘅茶楼之一呀!老板宣布要休业嗰阵,一班老茶客真系好唔舍得架,幸好得班旧伙计接手重开。虽然改咗名做「莲香茶室」,但食物依旧、伙计依旧,当初嘅情怀都依旧,好有亲切感。

超讲究粤菜 枫林小馆

佢哋嘅乳鸽可以话沙田友嘅回忆,三年前结业後大家都一直好怀念。虽然而家重开地点唔喺沙田,去咗铜锣湾,但餐厅名冇变,四大招牌名菜都冇变,好似红烧乳鸽咁,就依然嫩滑多汁,功夫一样做足!而且仲加入咗唔少粤式点心同小菜,好似虾饺皇、同切成螺旋形嘅「思雅小青瓜」咁添。

亲民怀旧车仔面 35座车仔面


图﹕Tony Pangbig meow

曾经喺秀茂坪邨35座卖咗16年嘅车仔面,因为拆楼关系而被逼结业,带走嘅仲有一众老街坊嘅回忆。呢间回忆中嘅车仔面今年再次喺九龙湾重开啦!除咗有怀旧餸,例如鸡翼尖、牛腩、卤水猪肠等,仲加入咗秘制辣鱿鱼、流心蛋等新嘅菜式。

金凤餐厅新店 香港情

「金凤餐厅」——王家卫嘅《花样年华》拍摄地,正正就系呢间餐厅嘅前身啦!为保持怀旧嘅感觉,餐牌同原本嘅有9成相似,可惜唔少食客都认为食物水准已经大不如前了。

香港怀旧冰室 嘉乐冰厅


图﹕poohpoor新地食记

餐厅自1978年开业至今,但旧年因老板年事已高,唯有选择结业。好彩有新老板接手,今年再次以怀旧面目示人。新老板偷师半年,务求食物水准同旧时一样。鲜牛蛋治用够6、7只蛋,绝冇欺场!装修都同旧日冰室一模一样,尽力保留那些年嘅回忆!

高质街头小食 车品品小食


图﹕Kan Leehclei

街头小食通街都系,但想食有水准嘅街头小食就未必系易事。呢间喺大角咀屹立19年嘅高质小食店喺年头结业後,年底决定再喺大角咀重开(不过搬咗上楼上舖)。佢嘅足料碗仔翅就最出名!选用唔同新鲜材料,好似赤肉、冬菇、黑木耳等,街坊们又可以再食返旧味道啦!

自家制蛋卷 齿来香蛋卷


图﹕soya1314

呢间喺西环屹立40几年嘅老饼店旧年结业,宣布结业嗰阵更加有唔少人特意去帮衬,希望记住呢份经典味道。但大家唔使愁啦,呢间老饼店早前喺原街重开,以後又可以食到人手卷制嘅蛋卷啦!浓浓嘅蛋香味,未入舖都已经闻到!


文﹕Kiko
编:Kar


关键字
2019
怀旧
老字号
烧牛肉
茶楼
粤菜
车仔面
冰室
蛋卷
中环
九龙湾
铜锣湾
荃湾
大角咀
西环
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
3天前
【2021生日优惠】持续更新!5月食日本直送海鲜送西班牙红/白酒
2021-05-07
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
4月份好评餐厅十强
2021-05-06