作为香港地道嘅小食,鸡蛋仔可以话系既传统又新潮,此话何解?鸡蛋仔五、六十年代就已经开始有,食到今时今日仲出咗好多升lvl变奏版,例如夹雪糕食呀,又或者有绿茶味紫薯味等等。嚟紧呢个礼拜六、日,喺铜锣湾有个鸡蛋仔艺术节,到时仲有好多期间限定嘅独创口味试添!
呢个「鸡蛋仔巿集」就梗系有好多鸡蛋仔食啦,唔止做开鸡蛋仔嘅专门店会嚟开档,就连一啲餐厅都会参与,鸡蛋仔迷有口福喇!有唔少口味嘅鸡蛋仔都系期间限定,或者系全新创造㗎!腊肠鸡蛋仔都有呀!
玫瑰鸡蛋仔 办馆LOF10 Bar Dining
餐厅本身都好多中西合璧嘅fusion菜,今次嘅鸡蛋仔都嚟咗一个cross over ,喺原味之上on top再加parma ham、烟肉碎、朱古力浆同蜜糖,仲有玫瑰花瓣呀!香香甜甜der,同场仲可以配埋红豆绿茶latte边食边饮添。
绿茶鸡蛋仔 Seasons by Olivier E.
呢间米芝莲一星餐厅根据香港人嘅飞佛嚟设计咗两款鸡蛋仔,分别系绿茶鸡蛋仔同朱古力鸡蛋仔。唔净止得只色水㗎,前者食落都有香浓嘅绿茶味,仲会配埋雪糕、红豆蓉同烟烟韧韧嘅麻糬小丸子!
棉花糖鸡蛋仔 Twins Kitchen
佢哋设计嘅4种口味,应该都系全港首创,包括有营火棉花鸡蛋仔、蜜糖鸡蛋仔、烟肉芝士炒蛋鸡蛋仔同埋炸鸡鸡蛋仔!听落都觉得好新鲜,睇下你系甜食派定咸食派啦~
更多【饮食潮流】文章: |
布朗尼朱古力碎鸡蛋仔 Oddies
出名多花款嘅Oddies,继续会有布朗尼朱古力碎鸡蛋仔,仲有多款雪糕配搭,例如血橙、黑芝麻等等。
腊肠双重芝士鸡蛋仔 妈咪鸡蛋仔(湾仔店)
米芝莲街头小食推介嘅鸡蛋仔专门店当然都有一档啦,仲带嚟新口味添!当中最令人好奇想试嘅一定系腊肠双重芝士鸡蛋仔,究竟呢几种嘢食沟埋一齐会系咩味呢?另外仲有牛油果朱古力鸡蛋仔等等。
章鱼烧鸡蛋仔 满屋鸡蛋仔
除咗鸡蛋仔,章鱼烧都系另一样香港人好喜欢嘅扫街小食,而佢哋就将呢两种小食夹埋一齐,用章鱼烧浆整出嚟嘅鸡蛋仔,面头加埋木鱼丝同章鱼烧酱,有蛋香味之余,仲粒粒里面都食到粒章鱼,几过瘾!
「鸡蛋仔艺术节」活动详情
日期:3月4、5日(六、日)
时间:11am – 7pm
地点:铜锣湾利园一期私家路(希慎道33号)
特色鸡蛋仔摊位:
餐厅:Seasons by Olivier E. 、Twins Kitchen孖人厨房、办馆LOF10 Bar Dining、东大门韩国料理
鸡蛋仔专门店:妈咪鸡蛋仔(湾仔店)、满屋鸡蛋仔、Eggspectation、Oddies
文、相:Kar
开饭编辑推介:
2. 1月份好评餐厅十强
3. 2017亚洲50最佳餐厅 地区最佳餐厅全攻略
热门文章推介:
随时接收最新资讯
赞好OpenRice专页!